Isaia 32:2 - Buki Tabu Lowaenei 1919

² Ta tai ‘e bweu ‘i da na‘ieana ‘ebekwaia iagilega, ta ‘ebedena wediliega; nadigega boasi‐daudauiao esena iapasina ‘enaia, nadigega gurewa sinabwana iauiaukwana ‘asa ‘ebelo‘ame‘ame ‘enaia.

Isaia 32:2 Iomraidhean Croise

Salamo 143:9

Ieoba ie, ‘u da ‘etoseegu ‘agu tarauwarao ‘ediega: ‘Emuia ia dena sabi ‘akwaiegu.

Salamo 32:7

‘Oio ‘igu esena ‘ebemiakwaia; ‘ate‘uia‘uia ‘enega ‘u da egagaregu; ‘Etoseana ‘ana wari ‘ediega ‘u da giesakowasiegu. (Sela.)

Salamo 63:1

Eaubada ie, ‘oio ‘igu Eaubada; ia da ‘ebesa waiwaiieio: Iaruiaruagu tona‘ana ‘i iapasa manuio, esiogu ‘i iarakwaia manuio. ‘Asa iadaiadana ta neneta ‘enaia, ‘ena boasi nigea ‘i miami.

Salamo 91:1

Tauna To Lo ‘Etana Sana ‘ina esena kwaia ‘ena ‘i miamia Tauna Toewaiwai Sana iauiaukwana ‘ena ‘i da mia baula.

Isaia 12:2

Wa ‘ita, Eaubada ‘agu ‘etoseana; ia da ‘emisa, ta gea‘abo ia da ‘atesa‘ara; Eaubada Ieoba tauna ‘igu waiwai ta ‘igu wariwari ta ‘enega; ta tauna ni‘atu ‘agu ‘etoseana.

Isaia 16:3

‘U da onaona, etara ‘u da iagei; ‘imu iauiaukwa ‘u da bubuna na‘ieana boiboi asu‘ore‘ore gamwanaia; to dena apwesa ‘u da kwaiedi; to tauiadadana gea‘abo ‘u da simasimanei.

Isaia 25:4

‘Oio ‘ebepa‘ara gomabeso ‘edia ta ‘enega, ‘ebepa‘ara nanaewa ‘enaia ‘ina ‘atesa‘ara ‘enega, ‘ebedena wediliega, iauiaukwa iaiiaiega, ‘ena to didiga ‘idi apwesama nadigega wedilia ‘arigurewa ‘enaia.

Isaia 28:17

Ta etara ia da bubuna ‘ebe‘etopwapwa‐loesanena manuna, ta bubuna paruparu aweata manuna: ta ‘usana patuna ‘ebedena onakabokabo nina ‘i da ‘ewaiaulei, ta boasi‐murua ‘ebe kwaia ‘i da loemaa‘apu‘apuie.

Isaia 41:18

‘Oea daisidimo ‘edia boasi‐daudauna ia da gigege, ta wewerupwao sa‘ara gamwagamwanidia: mitawa ia da bubuna be ‘i sewasewa boasi, ta bwa‘a iadaiadana wewerupwa‐boasi.

Isaia 43:19

Wa ‘ita, iage auauna ia da guinua; gete ‘enega ‘i da apwesama: gea‘abo nai wa da mwaratonina? ‘Eda ia da bubu tuga mitawaia, ta boasi‐daudauiao kaukaudaisinamo ‘enaia.

Isaia 43:20

Mitawa ‘ina iobai si da ‘amaiabegu, warigoao be kasuweriao: boasiao ia sa‘u mitawaia manuna, ta boasi‐daudauiao kaukaudaisinamo ‘enaia, sabi enuma ‘igu tomota, ‘agu esi‘esinuao:

Isaia 44:3

Tauna tonaana ‘i iapasa boasi ‘ena ia da siwa, ta boasi‐dauiaiowao bwa‘a iadaiada ‘enaia; iaruiaruagu ia da siwa tubumuao ‘edia, ta ‘igu onaoboboma natumuao ‘edia:

Isaia 7:14

Ta ‘enega ‘Inapwana tauna we‘iwe‘iiaia ‘i da ‘ebwaemi; wa ‘ita, gomagweine nina ‘i da ‘euwana, ta natuna me‘olotona ‘i da enatunena, ta ‘i da eesena Imanuela.

Isaia 9:6

Goama ‘i tubua ‘edaia ta ‘enega, natuda me‘olotona si ‘ebwaeda ta ‘enega; ta loina ‘i da miami ‘a‘aranaia: ta ‘ana esana si da eesena ‘Ebenuaowana, To E‘ita, Eaubada Waiwai, Tuta ‘ataia Tamana, Guguia ‘ana ‘Inapwana.