Isaia 30:1 - Buki Tabu Lowaenei 1919

¹ Oioi gogama loguitoasa ‘edia, Ieoba ‘i gwae, loina si ‘ebesa, ta nigea ‘eguiega; ta bwasega si bwasa, ta nigea iaruiaruagu ‘enega, be ‘enega loegesi si sa‘uepopo loegesi ‘enaia:

Isaia 30:1 Iomraidhean Croise

Salamo 61:4

‘Imu anua‐tabenakele ‘ena ia da mia ataia; Papemuao iauiaukwadi ‘ena ia da dena. (Sela.)

Isaia 1:2

Garewa ie, ‘u da nono, ta ‘u da enonotenasi, bare‘u ie, Ieoba ni‘atu ‘i ona ta ‘enega: gogama ia e‘enidi ta ia amwamwedi, ta si loguitoasa ‘eguia.

Isaia 1:23

‘Imu ‘inapwanao si nuapa‘ara, ta to‐anawarao gosediao; iauiauna ‘ebwaeadaitao nuanuadi, ta e‘isao si muria; pesiedao nigea ‘adi etara si gieparuparu, wate kwabura ‘ina iage nigea ‘edia ‘i mai.

Isaia 1:4

Ie ‘asa ma‘imi to‘umalina, tomota ‘imi ‘a‘ara bubuna bokobokona, to‐guinua to‘umalina tubudi, gogama to bubu geiogeioi: ni‘atu Ieoba si e‘idi‘idiena, Iseraela ‘ina Tabu Tebweuna ni‘atu si sinarina, si mia dumaduma ta si ‘ilawa.

Isaia 1:5

To‘ase manuna wa esilae ‘ataia, ga wa loguitoasa wawasae? deba maibo‘ana ‘i le‘oasa, ta ‘ate maibo‘ana ‘i mwawamwawasa.

Isaia 28:15

Wa ona ta ‘enega, mwawasa ma‘ieana ‘a ona‘upa‘upa, ta Seola ma‘ieana ‘a egosigosiana: ‘ena ‘ebeunua maa‘apu‘apu ‘i rubwarena, gea‘abo ‘emaia ‘i da mai; onakabokabo ‘a bubudi ‘ima ‘ebedena ta ‘enega, ta onakabokabo ‘ubunaia ‘a kwaiema:

Isaia 28:20

‘Ebe‘eno ‘i kukupa wawasae ta nigea kapekapeana tai ‘ena ‘i lisina tauna ta ‘enega; ta bwasa ‘i gilele wawasae be gea‘abo ‘ena ‘i da bwasena tauna.

Isaia 29:15

Oioi ‘edia si ‘ebesa ni‘uni‘u be ‘idi nuena si da sa‘u kwaia Ieoba ‘enega, ta ‘idi guinuao guguioi ‘ena si miami, ta si gwae, Iaita i ‘itema? ta iaita ‘i mwaratonima?

Isaia 30:9

Tomota gete loguitoasidi, gogama onakabokabo, gogama Ieoba ‘ina loina nigea si da nono:

Isaia 31:1

Oioi ‘edia si mwa‘uta Aigupito ‘ena leme manuna, ta ose ‘edia si tugadara; ta saliote ‘edia si ‘emisa, iauiaudi ta ‘enega, ta togeru ose ‘edia, to waiwai sadi ta ‘enega; ta nigea Iseraela ‘ina Tabu Tebweuna ‘ena si ‘ita, nai Ieoba si ‘ebesa!

Isaia 32:2

Ta tai ‘e bweu ‘i da na‘ieana ‘ebekwaia iagilega, ta ‘ebedena wediliega; nadigega boasi‐daudauiao esena iapasina ‘enaia, nadigega gurewa sinabwana iauiaukwana ‘asa ‘ebelo‘ame‘ame ‘enaia.

Isaia 4:5

Ta Ieoba ‘Oea Siona ‘ina ‘ebemia maibo‘ana debadia, ta ‘ina deriegogona debadia, poana ta ‘asu ‘i da mweruruidi asiata ‘enega, ta awe sabelulu ‘ana tuiaiara boiboiega: esaesa maibo‘ana debanaia ‘auboda ‘i da eso ta ‘enega.

Isaia 5:18

Oioi ‘edia bubuna bokobokona si lisina bubuna besobeso ‘ana marakwega, ta loegesi ‘atua wagalisilisi ‘ana baraeega:

Isaia 63:10

Ta si loguitoasa, ta ‘ina iaruiarua tabu si gie‘ate‘uiena: ta ‘enega ‘i gibuni be ‘adi tarauwara, ta tauna ‘i losaia ‘edia.

Isaia 65:2

Asiata maibo‘ana nimaguao ia iasitoto tomota loguitoasa ‘edia, taudi ‘eda nigea bobo‘ana ‘enega si tautauia, taudi ‘idi nuanua nadigega:

Isaia 8:11

Ieoba ‘i ona nadigega ‘eguia ta ‘enega nima pa‘ara ‘enega, ta ‘i e‘itegu ‘aene gea‘abo ia da tauia tomota gete ‘idi ‘eda ‘ena, ‘i ona,

Isaia 8:12

Gea‘abo wa da ona, Wasegigi ‘e bweu, iage iauiauna tomota gete si gwae manudi, Wasegigi ‘e bweu; ta gea‘abo ‘idi matauta wa da matautena, nai wa da ‘atesa‘ara manuna.

Isaia 8:19

Ta tuta ‘enega si da ona ‘emia, Taudi to lo iaruiarua besobeso ‘edia wa da ‘ebesa, to barau ‘edia be, taudi si gwanegwane ta si onamugimugi; gea‘abo nai tomota si da ‘ebesa ‘idi Eaubada ‘enaia? Maiawasidi manuna si da ‘ebesa nai to mwawasa ‘edia?