Isaia 3:24 - Buki Tabu Lowaenei 1919

²⁴ Ta gete ‘i da apwesa, mu‘ana dibidibi ‘adi lopa‘eru bila; ta gadiwana ‘ana lopa‘eru barae; ta uiauia pa‘arina ‘ana lopa‘eru debadebana; ta gadiwana bababana ‘ana lopa‘eru gadiwana ‘oausa: ‘ita bobo‘ana ‘ana lopa‘eru ‘ara‘arasina.

Isaia 3:24 Iomraidhean Croise

Esiteri 2:12

Ta ni‘atu gomagweine ‘e bweuna ‘e bweuna ‘ina tuta ‘i da apwesa be king Aasaberosa ‘ena ‘i da rugu, ni‘atu si guinua ‘enaia iine ‘adi loina manuna, nawarae ‘e twelu, (nadigega tuga ‘idi asiata ‘ebe‘esasena si loegumwarina ta ‘enega, gete tuga, nawarae ‘e sikisi bunama mura ‘enega, ta nawarae ‘e sikisi maina dibidibidi ‘ediega, ta iine ‘idi ‘ebe‘esasa ‘idi iage ‘ediega,)

Isaia 15:2

Ni‘atu ‘i tu‘e Baiita ‘ena, ta Dibona ‘ena, esenaiao lo‘etanidi ‘edia, sabi dedo: Moaba ‘i dedoi toila Nebo manuna, ta Medeba manuna: debadi iauiaudi ‘edia debadebana ‘i miami, ‘umi iauiauna si ‘upwa‐iaulei.

Isaia 15:3

‘Idi ‘edega ‘oama ‘oausega si paimidi taudi: ‘idi anuao debadia, ta ‘idi esena bababadi ‘edia, iauiaudi si do toila, si dedoi sinabwana.

Isaia 22:12

Ta asiata gote ‘Inapwana, bodao ‘idi Ieoba, ‘i bwauiemi dedoi ‘ena, ‘ewabamu ‘ena be, debadebana ‘ena be, gadiwana ‘oama ‘oausega be:

Isaia 3:23

ma‘ama‘aiau kapekapeadi be, kaleko matagidara be, deba ‘ana ‘ebepaimaiao be, ‘aubodabodao be.

Isaia 4:4

‘Ena ‘Inapwana Siona natunao me wainedi ‘idi bi‘i i ‘utu iaulena, ta Ierusalema rarana i ‘ewa iaulena gamwagamwanega, etara iaruiaruanega, ta ‘arata iaruiaruanega.

Isaia 57:9

Ta king ‘ena ‘u tauia ma‘imu bunama, ta ‘imu mu‘ana ‘u gisinabwa, ta ‘imu topiliiareiareao ‘u etunedi ‘edasoraia, ta ‘u gimwa‘utemu tauio Seola ‘enaia.

Loina 26:16

Gete wate ia da guinua ‘emia; didiga ia da aseiena ‘emia, tuga tubua gumwagumwara ta iaiiai, taudi mata si da loegumwaridi, ta iaruiarua ‘i da eowasi; ta ‘imi ewana wa da dauna daita, ‘ami tarauwarao si da ‘enina ta ‘enega.