Isaia 29:22 - Buki Tabu Lowaenei 1919

²² Ta ‘enega gete nadigega Ieoba ‘i gwae, tauna Aberaamo i ‘ewa limena, Iakobo ‘ina susu manuna: Iakobo gea‘abo gete ‘enega ‘i da omaiamaia, ta wate maninina gea‘abo gete ‘enega ‘i da eburabura.

Isaia 29:22 Iomraidhean Croise

Nugana 48:16

Anelose nina tauna to‘umalina iauiauna ‘ediega ‘i li‘amigu, tubuau nidi ‘i da onaobobomedi; ta ‘agu esana si da ‘inana ‘edia, ta tamaguao Aberaamo ta Isaako ‘adi esana; ta bare‘u gamwanaia si da sinabwa be si da ‘e boda sinabwana.

Isaia 41:14

Gea‘abo wa matauta, ‘oio didimwana Iakobo, ta ‘omi tai Iseraela; ia da lemeio, Ieoba ‘i gwae, ta ‘imu to‐e‘isa‐limana tauna Iseraela ‘ina Tabu Tebweuna.

Isaia 45:17

Iseraela Ieoba ‘i da ‘etoseena ‘etoseana mia‘ataia ‘enega: gea‘abo wa da omaiamaia nai wa da loniu ga bare‘u ‘ana ‘ebelosaroni.

Isaia 45:25

Ieoba ‘ena Iseraela tubunao si da paruparu, ta si da tuputupu.

Isaia 50:7

‘Inapwana Ieoba ‘i da lemegu ta ‘enega; ta ‘enega nigea ia nuaowana: ta ‘enega maninigu ia sa‘u ‘ai‘aila ginausa ‘atua, ta ia mwaramwaratoni gea‘abo ia da omaiamaia.

Isaia 51:11

Ta Ieoba ‘ina li‘ali‘amidi si da ‘ilama, ta Siona ‘ena si da mai wariwariega; ta guausoara ‘ataia debadia ‘i da miami: guausoara ta ‘uiawana si da ‘ewa, ta dedoi be eiawasilagalaga si da dena.

Isaia 51:2

Aberaamo tamami ‘ena wa da ‘ita, ta sinami Sara ‘enaia; ‘ena tauna ‘e bweunamo ia bwauiena ta ‘enega, ta ia ona obobomena, ta ia gieiauiena.

Isaia 54:4

Gea‘abo ‘u matauta; gea‘abo ‘u da omaiamaia ta ‘enega: nai nuaio ‘i da owana; gea‘abo ‘amu omaiamaiamo ta ‘enega: ‘imu tuta gomagweine ‘ina omaiamaia ‘u da nuapupure ta ‘enega, ta ‘imu tuta ‘oabura ‘ana ‘ebesinara gea‘abo wate ‘u da nua‘i‘isina.

Isaia 63:16

‘Oio tamama tuga ta ‘enega, ‘abo Aberaamo nigea ‘i mwaramwaratonima, ta Iseraela nigea i ‘awanatunema; ‘oio, Ieoba ie, ‘oio tamama; ‘amu esana ‘ama to‘ewalima tuta ‘ataia ‘enega.