Isaia 26:9 - Buki Tabu Lowaenei 1919

⁹ Iaruiaruagu ‘enega ‘oio ia nuanuana boiboi; tamo, iaruiaruagu soraguia ‘enega ia da ‘ebesa maniniemu: ‘ena ‘imu loina bare‘uia si miami ta ‘enega, gabura ‘ana tomi bubuna paruparu si nonona.

Isaia 26:9 Iomraidhean Croise

Salamo 105:7

Tauna Ieoba ‘ida Eaubada: ‘Ina loinao gabura maibo‘ana ‘ena si miami.

Salamo 119:55

Ieoba ie, ‘amu esana ia nua‘i‘isina boiboiia, Ta ‘imu loina ni‘atu ia ‘ita‘i‘isina.

Salamo 119:62

Niuniuwanaia ia da tooro be ‘emuia ia da lokagutoki ‘Imu etarao paruparudi manudi.

Salamo 130:6

Iaruiaruagu ‘Inapwana manuna i ‘ita wawasae, Ta to ‘ita‘i‘isi si ‘ita gidarina gonagonaia manuna; Tamo, to ‘ita‘i‘isi si ‘ita gidarina gonagonaia manuna.

Salamo 58:11

Ta ‘enega tai si da gwae, Ona ‘ai‘aila to bubu paruparuna ‘ana e‘isa ‘i miami: Ona ‘ai‘aila Eaubada ‘i miami tauna ‘i loina bare‘uia.

Salamo 63:1

Eaubada ie, ‘oio ‘igu Eaubada; ia da ‘ebesa waiwaiieio: Iaruiaruagu tona‘ana ‘i iapasa manuio, esiogu ‘i iarakwaia manuio. ‘Asa iadaiadana ta neneta ‘enaia, ‘ena boasi nigea ‘i miami.

Salamo 63:5

Iaruiaruagu tona‘ana ‘i da toa ‘atua iapa ta momonana ‘ediega; Ta ‘awagu ‘i da tupuio sopa guausoaridi ‘ediega;

Salamo 64:9

Ta tai iauiauna si da matauta; Ta Eaubada ‘ina guinua si da simane, Ta ‘ina guinua manuna si da nuanua sinasinapu.

Salamo 78:34

‘Ena ‘i unudi, ga si ‘enaidena: Ta si ‘ila ta Eaubada si ‘ebesa manini‘ena.

Salamo 83:18

Be ‘enega si da mwaratoni ‘aene tebweuio, ‘amu esana IEOBA, To Lo‘etana Sana bare‘u maibo‘ana debanaia. ‘Oio.

Isaia 27:9

Ta ‘enega gete ‘enega Iakobo ‘ina bubuna bokobokona ‘i da gumwara, ta gete ‘ina loegesi ‘ana ‘ewaiaula uana maibo‘ana; ‘ena ‘ebetaria ‘ina gurewa iauiaudi ‘i bubudi gurewa buraburadi si sapi rueruedi nadigega, be ‘enega Aserima ta tokwarui‐sinara gea‘abo wate si da tooro.

Isaia 50:10

Iaita ‘emia Ieoba ‘i matautena, ‘ina to‐guinua ‘enana ‘ena ‘i ematamatana? tauna ‘i lopilidadana guguioi ‘ena, ta nigea ‘ina ma‘edananamo, tauna Ieoba ‘ana esana ‘ena ‘i da ‘emisa, ta ‘ina Eaubada ‘ena ‘i da tugadara.

Isaia 55:6

Ieoba wa da ‘ebesa ‘ena ‘u da loba, wa da bwauiena ‘ena ‘i serabemia: