Isaia 26:8 - Buki Tabu Lowaenei 1919

⁸ Tamo, Ieoba ie, ‘imu loinao ‘idi ‘eda ‘ena ‘a iamwaiamwa manuio; iaruiaruama ‘ina nuanua ‘amu esana ‘ena ta ‘amu ‘ebenua‘i‘isi ‘ena.

Isaia 26:8 Iomraidhean Croise

Salamo 106:3

Taudi loina si ‘ita‘i‘isi si mia bobo‘ana, Ta tauna bubuna paruparu ‘i guinua tuta iauiauna.

Salamo 130:5

Ieoba manuna ia iamwaiamwa, iaruiaruagu ‘i iamwaiamwa, Ta ‘ina ona ‘ena ia nuaiaina.

Salamo 18:23

Wate ia bobo‘ana ‘ai‘aila ‘enaia, Ta ‘igu bokobokona ‘enega ia ‘ita‘i‘isigu.

Salamo 42:2

Iaruiaruagu Eaubada manuna tona‘ana ‘i iapasa, Eaubada maiawasina manuna: Maisa nai ia da mai be Eaubada matanaia ia da apwesa?

Salamo 65:6

Tauna ‘ina pa‘arinega ‘oeaiao ‘i sa‘uiaidi; ‘I paimidi waiwaiega;

Salamo 73:25

‘Abo‘agu ‘iaita wate ‘eguia garewaia, tebweuio? Ta nigea ‘e bweu bare‘uia nuagu i ‘ewa‘ewa tebweuio.

Salamo 84:2

Iaruiaruagu ‘i nuanuana, tamo, ‘i eiawasipelapela tuga Ieoba ‘ina ‘ari gamwanaia manuna; ‘Ategu ta esiogu si bwau Eaubada maiawasina ‘enaia.

Si Apwesa 3:15

Ta Eaubada wate ‘i ona Mose ‘ena, Gete nadigega ‘u da ona Iseraela tubunao ‘edia, Ieoba, tamamiao ‘idi Eaubada, Aberaamo ‘ina Eaubada, Isaako ‘ina Eaubada, Iakobo ‘ina Eaubada be, ni‘atu i ‘etuneguma ‘emia: gete ‘agu esana ‘ataia, ta gete ‘agu ‘ebenua‘i‘isi ga epata‐tomota iauiauna.

Isaia 12:4

Ta asiata gote ‘enega wa da gwae, Ieoba ‘ena wa da ‘awabobo‘ana, ‘ana esana ‘ena wa da bwau, ‘ina guinuao wa da simanedi tomota gamwagamwanidia, wa da ‘inana ‘aene ‘ana esana ‘i miatu‘e.

Isaia 24:15

Ta ‘enega Ieoba wa da ‘awaeseesei bomatu ena, tuga Ieoba ‘ana esana, Iseraela ‘ina Eaubada, ora sarunao ‘edia.

Isaia 25:1

Ieoba ie, ‘oio ‘igu Eaubada; ia da sa‘u tu‘eieio, ‘amu esana ia da tupuna; iage to sinabwasidi ‘u guinuedi ta ‘enega, nuanua lowaeneiega, bubuna ‘ai‘aila ta ona ‘ai‘aila ‘ediega.

Isaia 25:9

Ta asiata gote ‘enega si da gwae, Wa ‘ita, gete ‘ida Eaubada; manuna ta iamwaiamwa, ta ‘i da ‘etoseeda; gete Ieoba; manuna ta iamwaiamwa, ta da uiawana be ta da guausoara ‘ina ‘etoseana ‘enega.

Isaia 26:13

Ieoba ie ‘ima Eaubada, mari ‘inapwanao ta ‘oio nigea, ni‘atu si loina ‘emaia; ta tebweuio ‘emuiega ‘amu esana ‘a da ‘inana.

Isaia 30:18

Ta ‘enega Ieoba ‘i da iamwaiamwa, be ‘i da nuabobo‘ana ‘emia, ta ‘enega ‘i da mia tu‘e, be ‘i da nua‘ole‘ole ‘emia: Ieoba loina ‘ina Eaubada ta ‘enega; taudi manuna si iamwaiamwa si bobo‘ana.

Isaia 33:2

‘Ieoba ie, ‘emaia ‘u da nua‘ole‘ole; ni‘atu ‘a iamwaiamwa manuio: ‘oio ‘u da nimadi gonagona iauna, ‘ima ‘etoseana wate tuta loniu ‘enega.

Isaia 49:23

Ta kiniao si da tamamuao to amwamwa, ta ‘idi kuiniao sinamuao to amwamwa: si da bwagobwago sana mwa‘uta bare‘uia ‘emuia, ta ‘aeio ‘ina kau si da loiamosi: ta ‘u da mwaratoni ‘abo‘agu Ieoba, ta taudi si iamwaiamwa manugu gea‘abo si da omaiamaia.

Isaia 51:4

‘Omi ‘igu tomota, ‘eguia wa da sana‘ilama; ‘Oio ‘igu ‘asa, ‘eguia ‘u da enonotenasi: loina ‘i da tauiawa ‘eguiega ta ‘enega, ta ‘igu etara ia da sa‘u ‘ai‘aili tomota ‘idi ma‘edana manuna.

Isaia 56:1

Gete nadigega Ieoba ‘i gwae, Loina wa da ‘ita‘i‘isi, ta bubuna paruparu wa da guinuei: ‘igu ‘etoseana ‘i abe ‘i mai ta ‘enega, ta ‘igu bubuna paruparu ‘i abe ‘i apwesa.