Isaia 26:7 - Buki Tabu Lowaenei 1919

⁷ To bubu ‘ai‘aila ‘idi ‘eda ‘i paruparu: ‘oio to paruparu to bubuna ‘ai‘aila ‘idi ‘eda ‘u sa‘u ‘ai‘ailina.

Isaia 26:7 Iomraidhean Croise

Salamo 1:6

Ieoba to‐bubu‐paruparu ‘idi ‘eda ‘i mwaratonina: Ta to‐to‘umalidi ‘idi ‘eda ‘i da saoora.

Salamo 11:4

Ieoba ‘ina anua tabu ‘ena ‘i miami, Ieoba, ‘ina ‘ebemi‐esaesa garewaia; Matana si ‘ita, ta mataiaraiarana si too tomota natunao.

Salamo 11:7

Ieoba ‘i paruparuna ta ‘enega; bubuna paruparuna ‘i nuanuana: To tooro paruparu maninina si da ‘itena.

Salamo 25:4

Ieoba ie, ‘imu bubuna ‘u da e‘itagu; ‘Imu ‘edao ‘eguia ‘u da e‘itae.

Salamo 25:5

‘Imu ona ‘ai‘aila ‘ena ‘u da ‘au‘ewegu, ta ‘u da e‘itagu; ‘Oio ‘agu ‘etoseana ‘ina Eaubada ta ‘enega; ‘Emuia ia iamwaiamwana asiata maibo‘ana ‘enaia.

Salamo 27:11

Ieoba ie, ‘imu ‘eda ‘u da e‘itagu; Ta ‘eda nonokwaikwaina ‘ena ‘u da nuganegu, ‘Agu tarauwarao manudi.

Salamo 5:9

Nigea ‘e bweu iage ‘ai‘aila ‘awadi ‘ena ta ‘enega; ‘Atedi to ‘umalina ‘arena: Magadi ‘ari‘ari ‘egegena; Meiadi si gienonokwaikwaina.

Isaia 30:18

Ta ‘enega Ieoba ‘i da iamwaiamwa, be ‘i da nuabobo‘ana ‘emia, ta ‘enega ‘i da mia tu‘e, be ‘i da nua‘ole‘ole ‘emia: Ieoba loina ‘ina Eaubada ta ‘enega; taudi manuna si iamwaiamwa si bobo‘ana.

Isaia 35:8

Ta ‘eda sinabwana ‘ena ‘i da miami, ta ‘eda, ta si da eesena, Iaruiarua esasena ‘ana ‘eda; Baibailidi gea‘abo ‘ena si da etaona; ta tauna taudi manudi: tai to tauia gesi, tamo uwauwadi, gea‘abo ‘ena si da loegesi.

Isaia 42:16

Ta matakebokebodi ia da me‘edi ‘eda nigea si mwaratoni ‘enega; ‘edao nigea si mwaratoni ‘edia ia da ‘au‘ewedi: guguioi ia da bubuna be ‘i ma‘edana matadia, ta esena bokobokodi be si paruparu. Iage getedi ia da guinua, ta gea‘abo ia da e‘idi‘idiedi.

Isaia 52:12

Gea‘abo wa da apwesa manini ta ‘enega, nai wa da tauia denega: Ieoba ‘i da tauia nuganemi ta ‘enega; ta Iseraela ‘ina Eaubada ‘i da ‘imi to egogona muria.

Isaia 57:2

Guguia ‘ena ‘i rugu; ‘idi ‘ebe‘eno ‘ena si eiawai‘ata, ‘e bweuna ‘e bweuna ‘ina tooro ‘ai‘aila ‘enega ‘i tautauia.