Isaia 26:4 - Buki Tabu Lowaenei 1919

⁴ Ieoba ‘ena ‘u da ‘emisa ‘ataia: Ia Ieoba ‘ena gurewa mia‘ataia ‘i miami ta ‘enega.

Isaia 26:4 Iomraidhean Croise

Salamo 125:1

Taudi Ieoba ‘ena si ‘emisa Taudi ‘oea Siona ‘atua, tauna nigea kapekapeana ‘i loniu, ta ‘i mia ‘ataia.

Salamo 18:2

Ieoba ‘igu gurewa, ta ‘igu anua‐waiwai, ta ‘igu to‘etoseana; ‘Igu Eaubada, ‘igu gurewa waiwai, ‘ena ia da ‘emisa; ‘Igu lawa, ta ‘igu ‘etoseana kunana, ‘igu anua‐‘ebe‘ita‘i‘ita ‘etosorana.

Salamo 46:1

Eaubada ‘ida ‘ebedena ta ‘ida pa‘arina, Tauna lema ta loba ‘ai‘aila elo‘uia ‘enaia.

Salamo 55:22

‘Amu ‘a‘ara Ieoba ‘ena ‘u da sa‘u, ta ‘i da gi‘eteio: Gea‘abo sa‘i ‘i da tagwatagwara be to paruparudi si da loniu.

Salamo 62:11

Eaubada ni‘atu ‘i ona ma‘ebweuna, Ma rua ni‘atu gete ia nonona: ‘Aene waiwai Eaubada ‘ina iage:

Salamo 62:8

‘Omi tomota, tuta iauiauna ‘ena wa da ‘emisa; ‘Atemi wa da siwa matanaia: Eaubada ‘ebedena manuda. (Sela.)

Salamo 62:9

Ona ‘aiaila tai gomabeso ‘awaiauiauwa tuga, ta tai esaesa onakabokabo. ‘Ebekuge ‘ena si da tu‘e; Rererea si kapekapeana wawasae iage besobeso ‘enaia.

Salamo 66:7

‘Ina pa‘arinega ‘i loina ataia; Matana ‘ebeloinao si ‘ita‘i‘isidi: To loguitoasa gea‘abo si da gitu‘eiedi taudi. (Sela.)

Salamo 93:1

Ieoba ‘i loina; ‘ana ‘oama bubuna esaesa; Ieoba ma‘ana ‘oama, ni‘atu tolobwana ‘i losipwena pa‘arinega: Gabura wate ‘i pa‘ara, be gea‘abo ‘i loniu.

Isaia 12:2

Wa ‘ita, Eaubada ‘agu ‘etoseana; ia da ‘emisa, ta gea‘abo ia da ‘atesa‘ara; Eaubada Ieoba tauna ‘igu waiwai ta ‘igu wariwari ta ‘enega; ta tauna ni‘atu ‘agu ‘etoseana.

Isaia 17:10

‘Amu ‘etoseana ‘ina Eaubada ‘u nuapupurena ta ‘enega, ta ‘imu waiwai ‘ina gurewa nigea ‘u nuena; ta ‘enega kaiwe ‘adi ‘ita bobo‘ana u ‘asodi, ta ‘u badina kaiwe ‘upwa‘upwadi dumadumadi ‘ediega:

Isaia 30:29

Wari wa da ‘ewa na‘ieana boiboi nina ‘enega sagari tabu si iagei; ta ‘ate‐guausoara, na‘ieana ‘ena ‘e bweu ‘i tauia ma‘ana lololi sabi rugu Ieoba ‘ina ‘oea ‘enaia, Iseraela ‘ina Gurewa ‘enaia.

Isaia 32:2

Ta tai ‘e bweu ‘i da na‘ieana ‘ebekwaia iagilega, ta ‘ebedena wediliega; nadigega boasi‐daudauiao esena iapasina ‘enaia, nadigega gurewa sinabwana iauiaukwana ‘asa ‘ebelo‘ame‘ame ‘enaia.

Isaia 44:8

Gea‘abo wa matauta, nai wa da ‘atesa‘ara: nigea nai ia simana ‘emuia lowaeneiega, ta ia e‘ita‘ena? ta ‘omi ‘igu to‐‘itao. Wate ‘e bweu Eaubada ‘i miami ‘agu erua? tamo, nigea ‘e bweu Gurewa Sinabwana; nigea ‘e bweu ia mwaratoni.

Isaia 45:17

Iseraela Ieoba ‘i da ‘etoseena ‘etoseana mia‘ataia ‘enega: gea‘abo wa da omaiamaia nai wa da loniu ga bare‘u ‘ana ‘ebelosaroni.

Isaia 45:24

Ieoba ‘ena tebweuna, ‘e bweu ‘i da gwae ‘eguia, bubuna paruparu ta pa‘ara ‘ena ‘i miami: tuga tauna ‘ena tai si da mai, ta iauiaudi si gamwasoara ‘enaia si da omaiamaia.

Isaia 50:10

Iaita ‘emia Ieoba ‘i matautena, ‘ina to‐guinua ‘enana ‘ena ‘i ematamatana? tauna ‘i lopilidadana guguioi ‘ena, ta nigea ‘ina ma‘edananamo, tauna Ieoba ‘ana esana ‘ena ‘i da ‘emisa, ta ‘ina Eaubada ‘ena ‘i da tugadara.

Isaia 51:5

‘Igu bubuna paruparu ‘i serabenaia, ‘igu ‘etoseana ‘i apwesa, ta nimaguao tomota si da loinedi; saruiao si da iamwaiamwa manugu, ta nimagu ‘ena si da ‘emisa.

Isaia 63:1

Iaita gete Edomega ‘i mai, ‘ana ‘oama bweabwearidi Bosira ‘enega? tauna gete ‘ana ‘oamega ‘i esaesa, ‘i tautauia ‘ina waiwai ‘ana sinabwa ‘enega? ‘Abo‘agu ia onaona bubuna paruparuiega, waiwai sabi ‘etoseana.