Isaia 26:12 - Buki Tabu Lowaenei 1919

¹² Ieoba, guguia ‘u da loinei manuma: ‘oio ‘imu guinua iauiauna wate ni‘atu ‘u bubudi manuma.

Isaia 26:12 Iomraidhean Croise

Salamo 29:11

Ieoba waiwai ‘i da ‘ebwaea ‘ina tomota ‘edia; Ieoba tomota ‘i da obobomedi guguiega.

Salamo 57:2

Ia da bwau Eaubada To ‘Etana Sana ‘enaia; Eaubada ‘ena tauna iage iauiauna ‘i bubudi manugu.

Salamo 57:3

Garewega ‘i da etunenama, ta ‘i da ‘etoseegu, Tuta enega tauna ‘aene ‘i da tonegu ‘i eliegu; (Sela.) Eaubada ‘ina nua‘ole‘ole ta ‘ina ona ‘ai‘aila ‘i da etunediwa.

Salamo 68:28

‘Imu Eaubada ‘imu pa‘arina ni‘atu ‘i loina: Eaubada ie, iage ni‘atu ‘u bubuna manuma ‘u da giepa‘ara.

Salamo 90:17

Ta Ieoba ‘ima Eaubada ‘ana ‘ita bobo‘ana ‘i da miami ‘emaia: Nimamao ‘idi guinua ‘u da giepa‘ara ‘emaia; Tamo, nimamao ‘idi guinua ‘u da giepa‘ara.

Isaia 26:3

Tauna ‘ina nuena ‘emuia i ‘emisa, tauna ‘u da ‘ita‘i‘isina guguia ‘ai‘aila ‘enega: i ‘emiseio ta ‘enega.

Isaia 27:5

Nai ‘igu pa‘ara ‘i da giiai, be ‘i da bubu guguia ma‘ieagu; tamo, ‘i da bubu guguia ma‘ieagu.

Isaia 29:23

Ta ni‘atu natunao i ‘itedi, nimagu ‘idi guinua, gamwagamwanaia, ga ‘agu esana si da etabuna; tamo, Iakobo ‘ina Tabu Tebweuna si da etabuna, ta Iseraela ‘ina Eaubada si da matautena.

Isaia 32:18

Ta ‘igu tomota anua guguia ‘ena si da miami, ta anua pa‘ara ‘ai‘ailina ‘edia, ta ‘ebeeiawai‘ata mia‘enono ‘edia.

Isaia 57:10

‘U lo‘ame‘ame ‘imu ‘eda ‘ina dudura ‘enega: ta nigea ‘u gwae, Nigea ‘e bweu nuaiai: ‘imu pa‘ara ‘ina ‘ebewaiwai ‘u lobena; ta ‘enega nigea ‘u mwawamwawasa.

Isaia 57:19

Sopa uadi ia mwerurua: Guguia, guguia, tauna ‘edasora ‘ena ta tauna serabeguia ‘ena, Ieoba ‘i gwae; ta ia da giebobo‘anena.

Isaia 9:6

Goama ‘i tubua ‘edaia ta ‘enega, natuda me‘olotona si ‘ebwaeda ta ‘enega; ta loina ‘i da miami ‘a‘aranaia: ta ‘ana esana si da eesena ‘Ebenuaowana, To E‘ita, Eaubada Waiwai, Tuta ‘ataia Tamana, Guguia ‘ana ‘Inapwana.