Isaia 25:4 - Buki Tabu Lowaenei 1919

⁴ ‘Oio ‘ebepa‘ara gomabeso ‘edia ta ‘enega, ‘ebepa‘ara nanaewa ‘enaia ‘ina ‘atesa‘ara ‘enega, ‘ebedena wediliega, iauiaukwa iaiiaiega, ‘ena to didiga ‘idi apwesama nadigega wedilia ‘arigurewa ‘enaia.

Isaia 25:4 Iomraidhean Croise

Salamo 107:41

Ta gomabesodi ‘i sa‘u tu‘eiedi elo‘uia ‘enega, Ta susu ‘i bubudi ‘enaia ‘atua iau.

Salamo 119:31

‘Imu e‘itao ‘edia ia mia‘i‘ita: Ieoba ie, gea‘abo ‘agu omaiamaia ‘u sa‘usa‘u ‘eguia.

Salamo 12:5

Gomabeso ‘idi ‘oae manuna, to sida ‘idi eiawasilagalaga manuna, Gete ‘enega ia da tooro, Ieoba ‘i gwae; Tauna ‘ena si mu‘enunu ‘ebebobo‘ana ‘ena ia da sa‘una.

Salamo 121:5

Ieoba ‘amu to‐‘ita‘i‘isi: Ieoba ‘imu iauiaukwa ‘ataimuia.

Salamo 35:10

Lulugu iauiauna si da gwae, Ieoba, iaita ‘oio nadigega, Tauio gomabeso u ‘etoseena tauna ‘enega manuna ‘i ewaiwai wawasae, Tamo, gomabeso ta tomia nanaewa tauna i ‘oaena ‘enega?

Salamo 55:8

Ia da lomanini ‘ebe‘eiauiaukwa ‘enaia Iagila sinabwana ta wedilia ‘ediega.

Salamo 72:13

Gomabeso ta nanaewadi ‘i da ‘atenua‘ole‘oleiedi, Ta nanaewadi iaruiaruadi ‘i da ‘etoseedi.

Salamo 72:4

Tomota ‘idi gomabeso ‘i da loinei, Ta nanaewadi natudiao ‘i da ‘etoseedi, Ta to didiga ‘i da lelewanena.

Salamo 9:10

Ta taudi ‘amu esana si mwaratoni ‘emuia si da ‘emisa; ‘Oio ta ‘enega, Ieoba, taudi si ‘ebesemu nigea ‘u pilipilisinedi.

Salamo 91:1

Tauna To Lo ‘Etana Sana ‘ina esena kwaia ‘ena ‘i miamia Tauna Toewaiwai Sana iauiaukwana ‘ena ‘i da mia baula.

Isaia 11:4

Ta bubuna paruparuiega gomabeso ‘i da loinedi, ta bubuna ‘ai‘ailega ‘i da ba‘e ‘asa ‘ana to nuana manudi: ta ‘asa ‘i da ununa ‘awana ‘ina keweliweliliega, ta sopana iawasinega to to‘umalidi ‘i da loemwawasidi.

Isaia 14:32

Ga toase ‘e bweu ‘i da ona limana ‘ebeloina ‘ina etuetune ‘enaia? Ieoba Siona ‘ana ‘autui ‘i sa‘ui, ta ‘ena ‘ina tomota ‘elo‘uiadi si da denadena.

Isaia 16:3

‘U da onaona, etara ‘u da iagei; ‘imu iauiaukwa ‘u da bubuna na‘ieana boiboi asu‘ore‘ore gamwanaia; to dena apwesa ‘u da kwaiedi; to tauiadadana gea‘abo ‘u da simasimanei.

Isaia 17:10

‘Amu ‘etoseana ‘ina Eaubada ‘u nuapupurena ta ‘enega, ta ‘imu waiwai ‘ina gurewa nigea ‘u nuena; ta ‘enega kaiwe ‘adi ‘ita bobo‘ana u ‘asodi, ta ‘u badina kaiwe ‘upwa‘upwadi dumadumadi ‘ediega:

Isaia 27:5

Nai ‘igu pa‘ara ‘i da giiai, be ‘i da bubu guguia ma‘ieagu; tamo, ‘i da bubu guguia ma‘ieagu.

Isaia 28:6

Ta etara iaruiaruana manuna tauna ‘i etaetara ‘enaia, ta pa‘ara manuna taudi saia si ‘ilena ‘ari ‘ina ‘eberugu ‘enaia.

Isaia 29:19

Taudi si mia oonua wate ‘idi guausoara si da giesinabwa Ieoba ‘ena, ta gomabeso tomota ‘edia si da uiawana Iseraela ‘ina Tabu Tebweuna ‘enaia.

Isaia 29:20

To didiga ni‘atu si gibesobeso‘ena, ta to sinasinara ‘i sa‘u, ta iauiaudi si ‘ita‘i‘isi bubuna bokobokona manuna si da ‘upwaiauledi:

Isaia 29:5

Ta ‘amu tarauwarao ‘adi iau si da kau matagidarina na‘ieana, ta to‐didigao ‘adi iau na‘ieana witibwarana ‘i sawasawara: tamo, ‘i da apwesama manini.

Isaia 32:2

Ta tai ‘e bweu ‘i da na‘ieana ‘ebekwaia iagilega, ta ‘ebedena wediliega; nadigega boasi‐daudauiao esena iapasina ‘enaia, nadigega gurewa sinabwana iauiaukwana ‘asa ‘ebelo‘ame‘ame ‘enaia.

Isaia 33:16

Tauna ‘i da mia ‘etanaia: ‘ina ‘ebedena ‘i da gurewao ‘idi anua pa‘ara: ‘ana masura si da ‘ebwaena; ‘ana boasi ‘i da mia ‘ai‘aila.

Isaia 33:2

‘Ieoba ie, ‘emaia ‘u da nua‘ole‘ole; ni‘atu ‘a iamwaiamwa manuio: ‘oio ‘u da nimadi gonagona iauna, ‘ima ‘etoseana wate tuta loniu ‘enega.

Isaia 37:36

Ta Ieoba ‘ina anelose ‘i apwesawa, ta me Asiria ‘idi ‘ebe‘eno ‘ena ‘i unudi wan anaredi ta eti paibe tausana: ta ni‘atu tai si tooro manini gonagonaia, ga wa ‘ita, iauiaudi kokoa mwawamwawasidi.

Isaia 49:25

Ta gete nadigega Ieoba ‘i gwae, Tuga to ewaiwai ‘idi ioniionidi si da ‘ewedi, ta to didiga ‘idi iage oae si da ‘etoseedi: ‘abo‘agu ia da e‘upwa tauna ‘i e‘upwa ma‘ieaio ma‘ieana, ta natumuao ia da ‘etoseedi.

Isaia 57:13

‘Ena ‘u dedoi, taudi ‘u egogonedi si da ‘etoseemu: ta iagila ‘i da tauiedi, uweuwenunu ‘i da siieiedi iauiaudi: ta tauna ‘eguia i ‘emisa ‘asa ‘i da ‘ewa, ta ‘igu ‘oea tabu ‘i da ‘ewena.

Isaia 66:2

Iage iauiauna getedi nimagu ‘i mweruruina ta ‘enega, ta nadigega iage iauiauna getedi si apwesama, Ieoba ‘i gwae: ta tai gete ‘ena ia da dune, tuga tauna ‘i gomabeso ta iaruiaruana i ‘aue‘umula ‘enaia, ta tauna ‘i dededera ‘igu ona ‘enega.

Isaia 8:14

Ta ‘i da anua tabu manuna; ta gurewa ‘ebeesetupe manuna ta gurewa ‘ebeloguitoasa manuna susu Iseraela ruarua manudi, dai manuna ta sikwa manuna to‐mia Ierusalema ‘edia.