Isaia 2:3 - Buki Tabu Lowaenei 1919

³ Ta tomota iauiauna si da tauia ta si da ona, Wa da mai, be ta da tu‘e Ieoba ‘ina ‘oea ‘enaia, Iakobo ‘ina Eaubada ‘ina anua ‘enaia; ta ‘ina ‘edao manudi ‘i da e‘iteda, be ta da tautauia ‘ina ‘edao ‘edia: Sionega loina ‘i da apwesawa ta ‘enega, ta Ieoba ‘ina ona Ierusalemega.

Isaia 2:3 Iomraidhean Croise

Esiteri 9:27

Ga me Iuda si sa‘uiaina, ta si ‘ewa ‘edia, ta tubudiao ‘edia, ta iauiaudi si egogona ma‘edi ‘edia, be ‘enega gea‘abo ‘i da gumwagumwara, ‘aene asiata ‘e rua getedi si da ‘ita‘i‘isi ‘ana ‘etoladi na‘ieana, ta ‘ana tuta ‘ai‘aila na‘ieana, iakwara ‘e bweuna ‘e bweuna;

Salamo 102:23

‘Igu waiwai ‘i gienenetena ‘edega; ‘Igu asiatao ‘i giekukupedi.

Salamo 110:2

Ieoba ‘imu waiwai ‘ana keweliwelili ‘i da etunena Sionega: ‘U da loina ‘amu tarauwarao gamwagamwanidia.

Salamo 119:171

Sopagu tuputupu si da ‘inana; ‘Imu ona tomwanao ‘u e‘itegu ta ‘enega.

Salamo 122:1

Ia guausoara ‘ena si eonegu, Ta da tauia Ieoba ‘ina anua ‘enaia.

Salamo 48:1

Ieoba sinabwana, ta si da tupuna sinabwana, ‘Ida Eaubada ‘ina ‘asa esaesa ‘enaia, ‘ina ‘oea tabu ‘enaia.

Isaia 1:26

Ta ‘imu to loinao ia da sa‘u limedi ‘atua tuta ‘e bweunega, ta ‘imu to‐onaonaiao ‘atua nuganaia: muriega si da eesemu, Bubuna paruparu ‘ina ‘asa, ‘asa bubuna ‘ai‘aila.

Isaia 11:10

Ta gete ‘i da apwesa asiata gote, Iese ramuna, tauna ‘i tooro tomotaiao ‘adi doe manuna, ‘ebeloinao ‘ena si da ‘ebesa; ta ‘ina ‘ebe‘eiawai‘ata ‘i da esaesa.

Isaia 19:23

Asiata gote ‘eda sinabwana ‘i da miami Aigupitoega ga Asiria ‘enaia, ta goma Asiria ‘i da mai Aigupito ‘enaia, ta goma Aigupito Asiria ‘enaia; ta me Aigupito si da bwagobwago me Asiria ma‘ediao.

Isaia 28:9

Sinasinapu ‘i da e‘ita iaita ‘enaia? ta ‘are ‘i da e‘ita iaita ‘enaia? Taudi nai susuiega si gagidi, ta susu matadiega si lisidi?

Isaia 44:5

‘E bweu ‘i da gwae, ‘Abo‘agu Ieoba ‘ina tai; ta wate ‘e bweu ‘i da eesena tauna Iakobo ‘ana esanega; ta wate ‘e bweu ‘i da ‘etoladi nimanega Ieoba ‘enaia, ta ‘i da eesena tauna Iseraela esanega.

Isaia 56:5

‘Igu anua ‘ena ta ‘igu pitao gamwagamwanidia ‘ebenua‘i‘isi ta esana bobo‘ana wawasae natudiao me‘olotodi ta natudiao me wainedi ‘edia ia da ‘ebwaedi; esana miaataia ia da ‘ebwaedi, tauna nigea si da ‘upwa‐iaulena.

Isaia 56:7

Tuga taudi ia da ‘au‘ewedima ‘igu ‘oea tabu ‘enaia, ta ‘igu anua ‘ebesidasida ‘ena ‘adi guausoara ia da sa‘u; ‘idi ‘ebwaeadaita‐gabugabudi ta ‘idi tariao ia da nuanuana ‘igu ‘ebetaria ‘enaia: ‘igu anua si da eesena sidasida ‘ina anua tomota iauiaudi manudi ta ‘enega.

Isaia 60:3

Ta ‘ebeloinao si da mai ‘imu ma‘edana ‘enaia, ta kiniao ‘imu apwesama ‘ina tuiaiara ‘enaia.

Isaia 65:11

Ta ‘omi Ieoba wa e‘idi‘idia, ‘igu ‘oea tabu wa nuapupura, tebeli wa sa‘u ‘ai‘aili Simasimana manuna, ta oine wa ‘ili‘ilina wa loemaa Oba manuna;

Isaia 66:20

Ta tasimiao iauiaudi si da ‘au‘ewedima ‘ebeloinao iauiaudi ‘ediega ‘ebwaeadaita manuna Ieoba ‘enaia, ‘ose ‘edia, saliote ‘edia be, ‘ebe‘a‘ara ‘edia be, mule ‘edia be, kameli ‘edia be, ‘igu ‘oea tabu Ierusalema ‘ena, Ieoba ‘i gwae, nadigega Iseraela natunao ‘idi ‘ebwaeadaita si me‘ena gaeba ‘esasena ‘enega Ieoba ‘ina anua ‘enaia.