Isaia 19:21 - Buki Tabu Lowaenei 1919

²¹ Ta Ieoba ‘i da e‘ita‘ena tauna Aigupito ‘enaia, ta me Aigupito Ieoba si da mwaratonina asiata gote; tamo, si da bwagobwago taria ta ‘ebwaeadaita ‘ediega, ta ona‘upa‘upa si da ona‘upa‘upa‘ena Ieoba ‘enaia, ta si da guinuena.

Isaia 19:21 Iomraidhean Croise

Salamo 61:8

Ta ‘enega, ‘amu esana ‘ena ia ‘da wari tuputupu ataia, Be ‘enega ‘igu ona‘upa‘upa ia da bubudi asiata iauiauna.

Salamo 67:2

Be ‘enega ‘imu ‘eda si da mwaratoni bare‘u ‘enaia, ‘Imu ‘etoseana ‘ebeloina iauiauna ‘edia.

Salamo 68:31

‘Inapwanao Aigupitoega si da apwesama; Aitiopia si da pili be nimadi si da iasitoto Eaubada ‘enaia.

Salamo 68:32

Eaubada ‘ena wa da wari, ‘omi bare‘u ‘ina ‘ebeloinao; ‘Inapwana ‘ena wa da wari tuputupu; (Sela.)

Isaia 11:11

Ta gete ‘i da apwesa asiata gote, ‘Inapwana nimana ‘i da sa‘u limana ‘e ruena be ‘ina tomota tupwadi ‘i da ‘ewalimedi, taudi si da miami, Asiriega, Aigupitoega be, Patarosega be, Kusega be, Elamega be, Sinaega be, Amatega be, ora saruna ‘ediega be.

Isaia 11:9

Gea‘abo si da unuunu nai si da giesaoora ‘igu ‘oea tabu maibo‘ana ‘enaia: bare‘u ‘i da maa Ieoba ‘ina sinasinapu ‘enega, na‘ieana boasiao ora si bodena.

Isaia 27:13

Ta gete ‘i da apwesa asiata gote, ioguli sinabwana si da mu‘e; ta taudi ‘i abe si saoora ‘asa Asiria ‘enaia, ta taudi si mia apwesa ‘asa Aigupito ‘enaia, si da mai; ta Ieoba ‘ena si da bwagobwago Ierusalema ‘ina ‘oea tabu ‘enaia.

Isaia 37:20

Ta ‘enega, Ieoba ie ‘ima Eaubada, gete ‘enega ‘u da ‘etoseema nimanega, be ‘enega bare‘u ‘ina ‘ebeloina iauiauna si da mwaratoni ‘aene ‘oio Ieoba, tuga tebweumumo.

Isaia 44:5

‘E bweu ‘i da gwae, ‘Abo‘agu Ieoba ‘ina tai; ta wate ‘e bweu ‘i da eesena tauna Iakobo ‘ana esanega; ta wate ‘e bweu ‘i da ‘etoladi nimanega Ieoba ‘enaia, ta ‘i da eesena tauna Iseraela esanega.

Isaia 45:14

Ieoba gete nadigega ‘i gwae, Aigupito ‘ina guinua, ta Aitiope ‘ina gwegwe, ta me Sabea, tai sinabwadi, si da lagama ‘emuia, ta si da ‘imu iage; si da muriemu; ioniionidi ‘aupega si da lagama: si da be‘u mwa‘uta ‘emuia, si da ‘awanoi ‘emuia, si da gwae, Ona ‘ai‘aila Eaubada ‘emuia; ta nigea wate ‘e bweu, nigea ‘e bweu Eaubada.

Isaia 49:7

Gete nadigega Ieoba ‘i gwae, Iseraela ‘ana to‘ewa limana, ta ‘ina Tabu Tebweuna, tauna tai ‘i sinarina ‘enaia, tauna ‘asa ‘i guitoasena ‘enaia, ‘inapwanao ‘idi toguinua ‘enaia: Kiniao si da ‘ita ta si da tooro; ‘inapwanao, ta si da bwago: Ieoba tauna to bubu ‘ai‘aila manuna, tuga Iseraela ‘ina Tabu Tebweuna, tauna i ‘esinueio.

Isaia 55:5

U ‘ita, ‘ebeloina nigea ‘u mwaramwaratoni ‘u da bwauiena, ta ‘ebeloina ‘e bweuna nigea ‘i mwaratoniio ‘i da pili ‘emuia, Ieoba ‘imu Eaubada manuna, ta Iseraela ‘ina Tabu Tebweuna manuna; ni‘atu i ‘awaeseesemu ta ‘enega.

Isaia 56:7

Tuga taudi ia da ‘au‘ewedima ‘igu ‘oea tabu ‘enaia, ta ‘igu anua ‘ebesidasida ‘ena ‘adi guausoara ia da sa‘u; ‘idi ‘ebwaeadaita‐gabugabudi ta ‘idi tariao ia da nuanuana ‘igu ‘ebetaria ‘enaia: ‘igu anua si da eesena sidasida ‘ina anua tomota iauiaudi manudi ta ‘enega.

Isaia 60:7

Kedara ‘ina sipi iau iauiaudi si da egogonama ‘emuia, Nebaiota ‘ina sipi me‘olotodi ‘emuia si da guinua: ‘igu ‘ebetaria ‘ena si da tu‘ema ta nuagu ‘i da bobo‘ana ‘edia, ta ‘igu esaesa ‘ina anua ‘ana tuputupu ia da sa‘u.

Isaia 66:23

Ta gete ‘i da apwesa, nawarae auauna ‘e bweuna ga ‘e ruena, ta sabate ‘e bweuna ga ‘e ruena, esio iauiauna si da mai sabi bwagobwago mataguia, Ieoba ‘i gwae.

Iona 1:16

Ga tai nidi Ieoba si matautena wawasae; ta taria Ieoba ‘ena si ‘ebwaea, ta si ona‘upa‘upa.