Isaia 18:3 - Buki Tabu Lowaenei 1919

³ Iauiaumi gabura ‘ana tomi, ta ‘omi bare‘u ‘ana tomi, ‘ena doe si gilagasina ‘oeao ‘edia, wa da ‘ita; ta ‘ena ioguli si mu‘e, wa da nono.

Isaia 18:3 Iomraidhean Croise

Salamo 50:1

Eaubada, tuga Eaubada, Ieoba, ni‘atu ‘i ona, Ta bare‘u ‘i bwauiena sinara ‘ina tu‘ema ‘enega ga ‘ina mwa‘uta ‘enaia.

Isaia 1:2

Garewa ie, ‘u da nono, ta ‘u da enonotenasi, bare‘u ie, Ieoba ni‘atu ‘i ona ta ‘enega: gogama ia e‘enidi ta ia amwamwedi, ta si loguitoasa ‘eguia.

Isaia 11:12

Ta doe ‘i da sa‘u tu‘e ‘ebeloinao manudi, ta me Iseraela ‘ina to mia apwesa ‘i da egogonedi, ta me Iuda ‘ina to sawarao ‘i da egogonedi bare‘u tupitupina ‘e ata ‘ediega.

Isaia 13:2

Doe wa da sa‘u tu‘e ‘oea daisinamo ‘enaia, ‘enami wa da ‘inana toila ‘edia, wa da lo‘uio, be ‘enega to esaesa ‘idi ‘awa ‘ena si da rugu.

Isaia 13:4

Pwaru ‘idi dududu ‘oeao ‘edia, nadigega tomota sinabwadi! ‘asa ‘adi ‘ebeloinao si egogona ‘idi toitoila ‘ana dududu! Bodao ‘idi Ieoba boda ‘i egogonena saia manuna.

Isaia 26:11

Ieoba, nimaio ‘i tooro, ta nigea si ‘ita‘ita: ta ‘imu waiwai tomota manudi si da ‘itena, ta si da omaiamaia; tamo, awesabelulu ‘amu tarauwarao ‘i da ‘enidi.

Isaia 31:9

Ta ‘ina gurewa ‘i da sawara ‘ebedidiga manuna, ta ‘ina ‘inapwanao si da ‘atesa‘ara doedoe ‘enaia, Ieoba ‘i gwae, tauna ‘ina awe ‘ara‘arata Siona ‘ena ‘i miami, ta ‘ina umura Ierusalema ‘enaia.

Isaia 49:22

‘Inapwana Eaubada gete nadigega ‘i gwae, Wa ‘ita, nimagu ia da gilagasi ‘ebeloinao ‘edia, ta ‘agu doe ia sa‘u etooro tomota ‘edia: ta natumuao me‘olotodi si da me‘edi lumalumadiega, ta natumuao me wainedi si da ‘a‘aridi.

Isaia 5:26

Ta doe ‘i da gilagasi ‘ebeloinao ‘edia ‘edasorega, ta manudi ‘i da losisi bare‘u ‘ana ‘ebelosaroniega: ta, wa ‘ita, si da pili maninima:

Isaia 7:18

Asiata gote ‘enega gete ‘i da apwesa, Ieoba ‘i da losisi nenewara manuna tauna Aigupito ‘ina boasi‘awaiao ‘idi esena to ‘edasora sana ‘enaia, ta mu‘awa manuna tauna ‘asa Asiria ‘ena ‘i miami.