Isaia 16:3 - Buki Tabu Lowaenei 1919

³ ‘U da onaona, etara ‘u da iagei; ‘imu iauiaukwa ‘u da bubuna na‘ieana boiboi asu‘ore‘ore gamwanaia; to dena apwesa ‘u da kwaiedi; to tauiadadana gea‘abo ‘u da simasimanei.

Isaia 16:3 Iomraidhean Croise

Isaia 1:17

Guinua bobo‘ana wa da pana‘itena; loina wa da ‘ebesa, to mia mwa‘uta wa da lemedi, pesiedao ‘adi etara wa da gieparuparu, kwabura wa da ona lemena.

Isaia 25:4

‘Oio ‘ebepa‘ara gomabeso ‘edia ta ‘enega, ‘ebepa‘ara nanaewa ‘enaia ‘ina ‘atesa‘ara ‘enega, ‘ebedena wediliega, iauiaukwa iaiiaiega, ‘ena to didiga ‘idi apwesama nadigega wedilia ‘arigurewa ‘enaia.

Isaia 32:2

Ta tai ‘e bweu ‘i da na‘ieana ‘ebekwaia iagilega, ta ‘ebedena wediliega; nadigega boasi‐daudauiao esena iapasina ‘enaia, nadigega gurewa sinabwana iauiaukwana ‘asa ‘ebelo‘ame‘ame ‘enaia.

Isaia 56:8

‘Inapwana Eaubada Tauna Iseraela ‘ina to mia apwesa ‘i egogonedi ‘i gwae, Ta ‘ena ‘aidi wate ia da egogonedi, ta nigea taudimo ‘ina tomota ni‘atu si egogona.

Isaia 58:7

Nigea gete nai ‘imi palaua to botana ‘edia wa ‘ebwaea, ta gomabeso si ‘ulaapwesedi ‘u me‘edi ‘imu anua ‘enaia? ‘ena to mabubugewa u ‘itena, ‘aene ‘u lobodebode; ta ‘aene nigea ‘u kwaiemu tauio ‘imu susu tauio ‘enega?

Isaia 9:6

Goama ‘i tubua ‘edaia ta ‘enega, natuda me‘olotona si ‘ebwaeda ta ‘enega; ta loina ‘i da miami ‘a‘aranaia: ta ‘ana esana si da eesena ‘Ebenuaowana, To E‘ita, Eaubada Waiwai, Tuta ‘ataia Tamana, Guguia ‘ana ‘Inapwana.