Isaia 14:29 - Buki Tabu Lowaenei 1919

²⁹ Pilisitia ie, gea‘abo ‘u guausoara, maibo‘aio, keweliwelili ‘i unumu ‘i elasena manuna: moata ramunega moata darerena ‘i da apwesa ta ‘enega, ta uana ‘i da moata ‘ara‘arata taetae.

Isaia 14:29 Iomraidhean Croise

Isaia 11:14

Ta si da taea mwa‘uta me Pilisitia ‘aradi ‘ena ‘ebwaga ‘enaia; rererea bomatu gogamadi si da ‘oaedi: nimadi si da sa‘u Edoma ta Moabe ‘edia; ta Amona natunao si da ematamatana ‘edia.

Isaia 11:8

Ta goamasususuna ‘i da eesaesasara kabwakabwaku ‘ina gaula ‘enaia, ta goama gagigagina nimana ‘i da sa‘u moata‐darere ‘ina gaula ‘enaia.

Isaia 14:31

‘U da dedoi, ‘ebe rugu ie; ‘u da bwau, ‘asa ie; Pilisitia, ni‘atu ‘u doga, maibo‘aio; ‘asu ‘i apwesama iaaratega ta ‘enega, ta nigea ‘e bweu ‘i tooro tebweuna ‘ina tutao aseiadi ‘ediega.

Isaia 2:6

‘Imu tomota Iakobo ‘ina susu ni‘atu ‘u e‘idi‘idiedi ta ‘enega, si maa bubuna bomatuiega ‘ediega ta ‘enega, ta si ‘e to‐barau me Pilisitia ‘atua, ta si enima‘abi to‘u‘umara natudiao ma‘edi.

Isaia 30:6

Iarasi ‘ina iobai ‘adi ona. ‘Asa loniu ta elo‘uia, tauna ‘enega laione me wainena ta laione me‘olotona si mai, moata darere ta moata ‘ara‘arata lotaea, ‘asa nina ‘idi gwegwe si ‘ewa rubware ase menonoiadi ‘aradi ‘edia, ta ‘idi oesi kameli guaudi ‘edia, tomota nigea si da giebobo‘anedi ‘edia.