Isaia 12:2 - Buki Tabu Lowaenei 1919

² Wa ‘ita, Eaubada ‘agu ‘etoseana; ia da ‘emisa, ta gea‘abo ia da ‘atesa‘ara; Eaubada Ieoba tauna ‘igu waiwai ta ‘igu wariwari ta ‘enega; ta tauna ni‘atu ‘agu ‘etoseana.

Isaia 12:2 Iomraidhean Croise

Salamo 112:8

‘Atena ‘i miapa‘ara, gea‘abo ‘i da matauta, Ga tuta nina ‘ana tarauwarao ‘edia ‘ina nuena ‘i da ‘itena.

Salamo 118:14

Ieoba ‘igu waiwai ta wari; Ta ni‘atu tauna ‘agu ‘etoseana.

Salamo 118:21

Ia da lokagutoki ‘emuia, ‘eguia ‘u ona limana ta ‘enega, Ta ‘oio ni‘atu ‘agu ‘etoseana.

Salamo 27:1

Ieoba ‘igu ma‘edana ta ‘agu ‘etoseana; iaita ia da matautena? Ieoba iawasigu ‘ina waiwai; iaita manuna ia da ‘atesa‘ara?

Salamo 65:6

Tauna ‘ina pa‘arinega ‘oeaiao ‘i sa‘uiaidi; ‘I paimidi waiwaiega;

Salamo 68:20

Eaubada ‘edaia ‘etoseanao ‘idi Eaubada; Ta Ieoba ‘Inapwana Tauna mwawasa ‘ina ‘ebeapwesaiao ‘ena si miami.

Salamo 68:21

Ta Eaubada ‘ana tarauwarao debadi ‘i da ‘e‘aubware, Tauna Debana bwarana ma‘uia‘uiana nadigega ‘ina bubuna to‘umalina ‘ena ‘i tautauia ataia.

Salamo 83:18

Be ‘enega si da mwaratoni ‘aene tebweuio, ‘amu esana IEOBA, To Lo‘etana Sana bare‘u maibo‘ana debanaia. ‘Oio.

Si Apwesa 15:2

Ieoba ‘igu waiwai ta ‘igu wari, Ta Tauna ni‘atu ‘agu ‘etoseana: Gete ‘igu Eaubada, ta ia da tupuna; Tamagu ‘ina Eaubada, ta ia da gitu‘eiena.

Isaia 10:24

Ta ‘enega gete nadigega ‘Inapwana ‘i gwae, bodao ‘idi Ieoba, ‘Igu tomota ie, Siona ‘ena wa miami, gea‘abo goma Asiria nina wa da matautena: ‘abo keweliweliliega ‘i unuio, ta ‘ina guna ‘i gilagasi matamuia, Aigupito ‘ina bubuna ‘atua.

Isaia 17:10

‘Amu ‘etoseana ‘ina Eaubada ‘u nuapupurena ta ‘enega, ta ‘imu waiwai ‘ina gurewa nigea ‘u nuena; ta ‘enega kaiwe ‘adi ‘ita bobo‘ana u ‘asodi, ta ‘u badina kaiwe ‘upwa‘upwadi dumadumadi ‘ediega:

Isaia 27:5

Nai ‘igu pa‘ara ‘i da giiai, be ‘i da bubu guguia ma‘ieagu; tamo, ‘i da bubu guguia ma‘ieagu.

Isaia 32:2

Ta tai ‘e bweu ‘i da na‘ieana ‘ebekwaia iagilega, ta ‘ebedena wediliega; nadigega boasi‐daudauiao esena iapasina ‘enaia, nadigega gurewa sinabwana iauiaukwana ‘asa ‘ebelo‘ame‘ame ‘enaia.

Isaia 33:22

Ieoba ‘ida to loina ta ‘enega, Ieoba ‘ida to ‘ebwae‐loina, Ieoba ‘ida king; ‘i da ‘etoseeda.

Isaia 38:20

Ieoba ‘i abe ‘i da ‘etoseegu: Ta ‘enega ‘igu wari ta da wari ‘ebebinobinoo mamarakwadi ‘edia Iawasida ‘ana asiata iauiauna Ieoba ‘ina anua ‘enaia.

Isaia 45:17

Iseraela Ieoba ‘i da ‘etoseena ‘etoseana mia‘ataia ‘enega: gea‘abo wa da omaiamaia nai wa da loniu ga bare‘u ‘ana ‘ebelosaroni.

Isaia 49:5

Ta gete ‘enega Ieoba ‘i gwae tauna gamwega ‘i bubugu be ‘abo‘agu ‘ina to‐guinua, be Iakobo ia da me‘ena limana ‘enaia, ta ‘aene Iseraela ‘i da egogona ‘enaia: (‘abo‘agu ia esaesa Ieoba matanaia ta ‘enega, ta ‘igu Eaubada Tauna ‘igu waiwai:)

Isaia 50:10

Iaita ‘emia Ieoba ‘i matautena, ‘ina to‐guinua ‘enana ‘ena ‘i ematamatana? tauna ‘i lopilidadana guguioi ‘ena, ta nigea ‘ina ma‘edananamo, tauna Ieoba ‘ana esana ‘ena ‘i da ‘emisa, ta ‘ina Eaubada ‘ena ‘i da tugadara.

Isaia 51:12

‘Abo‘agu, tuga ‘Abo‘agu, taugu ia gieguausoarimi: iaita ‘oio, ‘u matauta tai ‘i da mwawasa manuna, ta tai natuna ‘i da enedu ‘atua manuna;

Isaia 61:10

Ieoba ‘enega ia da guausoara sinabwana, iaruiaruagu ‘i da guausoara ‘igu Eaubada ‘enega; ni‘atu ‘i e‘otegu ‘etoseana ‘ana ‘oama ‘ediega ta ‘enega, bubuna paruparu ‘ana tara‘apwarega ni‘atu ‘i bodegu, ‘atua toai me‘olotona ‘i eiarina tauna iaiarega, ta ‘atua toai mewainena ‘i eiarina tauna ‘ina oesiega.

Isaia 62:11

Wa ‘ita, Ieoba ni‘atu ‘i guguia bare‘u ‘ina ‘ebelosa‘u ‘enaia, Siona natuna me wainena ‘ena wa da gwae, U ‘ita, ‘amu ‘etoseana ‘i memai; u ‘ita, ‘ana e‘isa ma‘ieana, ta ‘ina guinua matanaia.

Isaia 65:18

Ta wa da guausoara ta wa da ‘uiawana ‘ataia iage ia mweruruina ‘enega: wa ‘ita, ta ‘enega, Ierusalema ia mweruruina ‘ebeguausoara, ta ‘ina tomota ‘ebe‘uiawana.

Isaia 7:14

Ta ‘enega ‘Inapwana tauna we‘iwe‘iiaia ‘i da ‘ebwaemi; wa ‘ita, gomagweine nina ‘i da ‘euwana, ta natuna me‘olotona ‘i da enatunena, ta ‘i da eesena Imanuela.

Iona 2:9

Ta ‘abo‘agu lokagutoki ‘enanega ia da taria ‘emuia; Iage ni‘atu ia ona‘upa‘upa‘ena ia da ‘ebwaeae. Ieoba ‘enega ‘etoseana ‘i mai.