Isaia 12:1 - Buki Tabu Lowaenei 1919

¹ Ta asiata gote ‘enega ‘u da ona, Ieoba ie, ‘emuia ia da lokagutoki; lowa ‘u gamwasoara ‘eguia, ga ‘imu gamwasoara i ‘ilawa, ta ‘igu mia bobo‘ana ‘u sa‘una ta ‘enega.

Isaia 12:1 Iomraidhean Croise

Salamo 30:5

‘Ina gamwasoara tuta matana ‘e bweuna tugama; Iawasida ‘ina nuabobo‘ana ‘enaia: Dedoi ‘i da miami nai boiboi ‘enega, Ta guausoara ‘i da mai gonagonaia.

Salamo 71:21

‘Igu sinabwa ‘u da gisinabwa‘ena, Ta ‘u da sana‘ilama be ‘u da gieguausoaregu.

Salamo 85:4

‘Ama ‘etoseana ‘ina Eaubada ie, ‘emaia ‘u da sana‘ilama, Ta ‘imu gamwasoara ‘emaia ‘u da sa‘u.

Salamo 86:17

We‘iwe‘iiaia bobo‘ana manuna ‘u da e‘ita ‘eguia; Be ‘enega taudi si guitoasegu, si da ‘itena, ta si da omaiamaia, ‘Oio, Ieoba, ni‘atu ‘u lemegu, ta ‘u gieguausoarigu ta ‘enega.

Salamo 9:1

Ia da lokagutoki Ieoba ‘enaia ‘ategu maibo‘anega; ‘Imu guinua to sinabwa sana iauiauna ia da e‘ita.

Isaia 10:25

Tuta gidarina tuga ta ‘enega, ta egamwagamwagu ‘i da apwesa ai‘aila, ta ‘igu gamwasoara, ‘idi saoora ‘enega.

Isaia 10:4

Si da ‘opu‘opumo ioniionidi ‘agaraudia, ta si da be‘u to esilae ‘ubunidia. Ga iage maibo‘ana gete ‘i da apwesa ta ‘ina gamwasoara nigea i ‘ilawa, ta nimana ‘i iasitoto ‘ataena.

Isaia 11:16

Ta ‘eda sinabwana ‘i da miami ‘ina tomota tupwadi manudi, taudi si miami, Asiriega; nadigega lowa ‘i miami Iseraela manuna asiata ‘enega ‘i tu‘ema ‘asa Aigupitoega.

Isaia 14:3

Ta asiata ‘enega Ieoba ‘i da gieiawai‘ateio ‘imu dedoi ‘enega, ta ‘imu ate‘uiauia ‘enega, ta guinua pa‘ara ‘enega, tauna ‘enega si loineio be ‘u guinua, gete ‘i da apwesa,

Isaia 2:11

Ta tai ‘ana ‘itatu‘eiao si da mia mwa‘uta, ta tai ‘idi gagasa ‘i da mia ‘opu‘opu, ta Ieoba tebweuna ‘i da miatu‘e asiata gote ‘enega.

Isaia 25:1

Ieoba ie, ‘oio ‘igu Eaubada; ia da sa‘u tu‘eieio, ‘amu esana ia da tupuna; iage to sinabwasidi ‘u guinuedi ta ‘enega, nuanua lowaeneiega, bubuna ‘ai‘aila ta ona ‘ai‘aila ‘ediega.

Isaia 25:9

Ta asiata gote ‘enega si da gwae, Wa ‘ita, gete ‘ida Eaubada; manuna ta iamwaiamwa, ta ‘i da ‘etoseeda; gete Ieoba; manuna ta iamwaiamwa, ta da uiawana be ta da guausoara ‘ina ‘etoseana ‘enega.

Isaia 26:1

Asiata gote ‘enega wari gete si da wariei ‘asa Iuda ‘enaia: ‘Ida ‘asa ‘asa pa‘arina; ‘etoseana ‘i da aseiena ‘ari‐gurewa manudi ta ‘aripa‘ara manudi.

Isaia 35:10

Ta Ieoba ‘ina lagwalagwadi si da ‘ilama, ta Siona ‘ena si da mai wariega; ta guausoara mia ‘ataia debadi, ‘edia ‘i da miami: ‘uiawana ta guausoara si da ‘ewa, ta dedoi be eiawasilagalaga si da denawa.

Isaia 49:13

Wa da wari, Garewa ie; ta ‘u da guausoara; Bare‘u ie; ta wa da ‘arapwaila wari ‘ena, ‘omi ‘oeao: Ieoba ‘ina tomota ‘i gieguausoaridi ta ‘enega, ta ‘ina to‐elo‘uia ‘edia ‘i da ‘atenua‘ole‘ole.

Isaia 51:3

Ieoba Siona ‘ana guausoara ‘i sa‘u ta ‘enega: ‘ina esena waborebore iauiaudi ‘adi guausoara ‘i sa‘u, ta ‘ina mitawa ‘i bubuna Edena nadigega, ta ‘ina kaukaudaisinamo nadigega Ieoba ‘ina bagura; guausoara ta ‘uiawana si da lobedi ‘enaia, lotuputupu, ta wari ‘ai‘aila ‘enana.

Isaia 54:7

Tuta tomwana gidarina ia e‘idi‘idiemu ta ‘enega; ta nua‘ole‘ole sinabwadi ‘ediega ia da egogoneio.

Isaia 54:8

Egamwagamwagu maa‘apu‘apu ‘ena maninigu ia kwaiena ‘emuiega tuta tomwanega; ta oboboma mia ‘ataiega ia da ‘atenua‘ole‘oleio, Ieoba ‘amu to ‘ewalimana ‘i gwae.

Isaia 54:9

Gete nadigega Noa ‘ana boasiao ‘eguia ta ‘enega: nadigega ia ona‘upa‘upa ni‘atu ta ‘enega ‘aene Noa ‘ana boasiao gea‘abo wate bare‘u si da bodena, nadigega tuga ni‘atu ia ona‘upa‘upa ‘aene gea‘abo ia da gamwasoara ‘emuia, nai ia da ba‘eio.

Isaia 60:10

Ta to‘u‘umarao ‘imi ‘ari‐gurewa si da ‘abidi, ta ‘idi kiniao ‘emuia si da guinua: ‘igu gamwasoarega ia unuio ta ‘enega, ta ‘igu nuabobo‘anega ia ‘atenua‘ole‘olemu.

Isaia 61:10

Ieoba ‘enega ia da guausoara sinabwana, iaruiaruagu ‘i da guausoara ‘igu Eaubada ‘enega; ni‘atu ‘i e‘otegu ‘etoseana ‘ana ‘oama ‘ediega ta ‘enega, bubuna paruparu ‘ana tara‘apwarega ni‘atu ‘i bodegu, ‘atua toai me‘olotona ‘i eiarina tauna iaiarega, ta ‘atua toai mewainena ‘i eiarina tauna ‘ina oesiega.

Isaia 64:5

Tauna ‘i guausoara ta bubuna paruparu ‘i guinuei ‘oio ‘u lobena, taudi si nua‘i‘isiio ‘imu ‘edao ‘ediega: u ‘ita, ‘oio ‘u gamwasoara, ta ‘a loegesi: ‘edia ‘a miami tuta lowaeneiega, ta ‘a da bobo‘ana nai?

Isaia 65:18

Ta wa da guausoara ta wa da ‘uiawana ‘ataia iage ia mweruruina ‘enega: wa ‘ita, ta ‘enega, Ierusalema ia mweruruina ‘ebeguausoara, ta ‘ina tomota ‘ebe‘uiawana.

Isaia 66:13

Na‘ieana ‘e bweu sinana ‘i gienuabobo‘anei, na‘ieana nuami ia da giebobo‘ana; ta wa da nuabobo‘ana Ierusalema ‘enaia.