Isaia 11:5 - Buki Tabu Lowaenei 1919

⁵ Ta bubuna paruparu ‘i da tolobwana ‘ana gadiwana, ta bubuna ‘ai‘aila gamwana ‘ana gadiwana.

Isaia 11:5 Iomraidhean Croise

Salamo 109:19

‘I da ‘atua ‘oama ‘enaia tauna ‘enega ‘i bodena tauna, Ta gadiwana manuna tauna ‘enega ‘i logadiwana ‘ataia.

Salamo 45:4

Ta ‘imu to‐‘etana‐sana ena ‘u da tauia ‘ai‘aila, Ona ‘ai‘aila be, bubuna nuana be, bubuna paruparuna be, manudi: Ta ‘ataio iage didiga ‘i da e‘itaio.

Salamo 89:9

Ora ‘ina gagasa ‘u loinena: ‘Ena lisuna si lo‘oea‘oea, ‘u giemwa‘uleiedi.

Salamo 93:1

Ieoba ‘i loina; ‘ana ‘oama bubuna esaesa; Ieoba ma‘ana ‘oama, ni‘atu tolobwana ‘i losipwena pa‘arinega: Gabura wate ‘i pa‘ara, be gea‘abo ‘i loniu.

Isaia 25:1

Ieoba ie, ‘oio ‘igu Eaubada; ia da sa‘u tu‘eieio, ‘amu esana ia da tupuna; iage to sinabwasidi ‘u guinuedi ta ‘enega, nuanua lowaeneiega, bubuna ‘ai‘aila ta ona ‘ai‘aila ‘ediega.

Isaia 32:1

Wa ‘ita, king ‘e bweu ‘i da loina bubuna paruparuiega, ta ‘inapwanao si da loina etaraeiega.

Isaia 59:17

Ta bubuna paruparu ‘i sa‘u ‘ailumaluma manuna, ta ‘etoseana ‘ina peaula debanaia; ta e‘isa ‘ana ‘oama ‘i e‘otedi, ta waiwaiega ‘i e‘oama tara‘apwara ‘atua.

Isaia 9:6

Goama ‘i tubua ‘edaia ta ‘enega, natuda me‘olotona si ‘ebwaeda ta ‘enega; ta loina ‘i da miami ‘a‘aranaia: ta ‘ana esana si da eesena ‘Ebenuaowana, To E‘ita, Eaubada Waiwai, Tuta ‘ataia Tamana, Guguia ‘ana ‘Inapwana.

Isaia 9:7

‘Ina Loina ‘ana sinabwa ta guguia ‘ana sinabwa nigea ‘e bweu ‘ana ‘ebelosaroni, Dabida ‘ina ebemi‐esaesa ‘enaia, ta ‘ina ‘ebeloina ‘enaia, sabi giepa‘arina, ta sabi giiaina etaraiega ta bubuna paruparuiega gete ‘enega ga tuta ‘ataiamo. Bodao ‘idi Ieoba ‘ina waiwai iage gete ‘i da guinuena.