Isaia 11:4 - Buki Tabu Lowaenei 1919

⁴ Ta bubuna paruparuiega gomabeso ‘i da loinedi, ta bubuna ‘ai‘ailega ‘i da ba‘e ‘asa ‘ana to nuana manudi: ta ‘asa ‘i da ununa ‘awana ‘ina keweliweliliega, ta sopana iawasinega to to‘umalidi ‘i da loemwawasidi.

Isaia 11:4 Iomraidhean Croise

Salamo 110:2

Ieoba ‘imu waiwai ‘ana keweliwelili ‘i da etunena Sionega: ‘U da loina ‘amu tarauwarao gamwagamwanidia.

Salamo 18:8

Ubusu gaulina ‘ediega ‘asu ‘i bwawabwawa, Ta awe sabelulu ‘awanega i ‘enidi: Kebwanigita si ‘ara‘arasina ‘enega.

Salamo 2:9

Keweliwelili kainumu ‘enega ‘u da lasedi; ‘U da ‘elowearidi ‘atua tobubu‐‘urena ‘ana gaeba.

Salamo 76:10

Ona ‘ai‘aila tai ‘ina gamwasoara ‘i da tupuio: Gamwasoara tupwana ‘u da logadiwane ‘emuia.

Isaia 1:17

Guinua bobo‘ana wa da pana‘itena; loina wa da ‘ebesa, to mia mwa‘uta wa da lemedi, pesiedao ‘adi etara wa da gieparuparu, kwabura wa da ona lemena.

Isaia 13:11

Ta gabura ia da ununa ‘idi to‘umalina manuna, ta to to‘umalidi ‘idi bubuna bokobokona manuna; ta to gagasa ‘idi esinasinara ia da loegumwarina, ta to didiga ‘idi gagasa ia da ulamwa‘uta.

Isaia 14:30

Ta gomabeso ‘ina tomatua ‘i da ‘e‘ai, ta nanaewa ‘i da ‘eno bobo‘ana; ta ramuio ia da loemwawasi botanega, ta ‘imu tupwa ‘i da esilae.

Isaia 16:5

Ta ‘ebemi‐esaesa ‘i da mia pa‘ara ‘atenua‘ole‘ole ‘enaia, ta ‘e bweu ‘ena ‘i da miatoa ona‘ai‘ailega, Dabida ‘ina anuanaia ‘enaia; ‘i loiloina, ta etara i ‘ebe‘ebesa, ta ‘i lomanini sabi guinua bubuna paruparu.

Isaia 2:4

Ta ‘i da etara ‘ebeloinao gamwagamwanidia, ta tomota iauiauna ‘i da ba‘edi: ta ‘idi sisi‐saiao si da ‘elotutudi be si da e‘ebegesoalisilisi matana, ta ‘idi gita be si e‘ebe‘upwawiti: ‘asa gea‘abo sisi‐saia ‘i da gilagasi ‘asa ‘enaia, ta gea‘abo wate losaia si da panapana‘ite.

Isaia 26:6

‘Ae ‘i da ‘aiaina; tuga gomabeso ‘aedi, ta nanaewadi ‘idi sa‘ulaga.

Isaia 29:19

Taudi si mia oonua wate ‘idi guausoara si da giesinabwa Ieoba ‘ena, ta gomabeso tomota ‘edia si da uiawana Iseraela ‘ina Tabu Tebweuna ‘enaia.

Isaia 3:14

Ieoba ‘i da etara ‘ina tomota ‘idi to nuganao ma‘edi, ta ‘ina ‘inapwanao ma‘edi: ‘Omi baguraoine wa e‘e gumwarina; gomabeso ‘idi gwegwe ‘oae‘oaena ‘imi anua ‘edia ‘i miami:

Isaia 30:28

Ta iawasina ‘atua boasi‐daudau ‘i maa‘apu‘apu, tauna ‘i tu‘e ga ‘oto ‘enaia, be ‘ebeloinao ‘i da lolulusidi iage besobeso ‘ana ‘ebelolulutega: ta ‘etoboda gieloegesi tomota ‘asemwaudi ‘edia.

Isaia 30:31

Ieoba ‘enanega goma Asiria ‘i da weara lelewane ta ‘enega, tauna ‘i unua keweliweliliega.

Isaia 30:33

Topeta ni‘atu ‘i miami lowaenei ta ‘enega; tamo, si sa‘u king manuna; ‘i mweruruina ni‘uni‘u ta sinabwana: ‘ana sa‘uepopo awe ‘ara‘arata ta kaiwe sinabwana; Ieoba ‘ina bwawa, nadigega mepulupulua daudauna, ‘i loe‘abia.

Isaia 32:1

Wa ‘ita, king ‘e bweu ‘i da loina bubuna paruparuiega, ta ‘inapwanao si da loina etaraeiega.

Isaia 32:7

To boruma ‘ina ‘ebeguinuao si to‘umali: wasegigi to‘umalidi ‘i wasegigi be gomabeso ‘i da giesaooridi ‘ona kabokabo ‘ediega, tuga ‘ena nanaewadi si onaona paruparu.

Isaia 33:22

Ieoba ‘ida to loina ta ‘enega, Ieoba ‘ida to ‘ebwae‐loina, Ieoba ‘ida king; ‘i da ‘etoseeda.

Isaia 40:7

Nedu i ‘oape‘oaperu, senina ‘i medamedari; Ieoba uweuwenununa ‘ena ‘i toa ta ‘enega: ona ‘ai‘aila tomota nedu.

Isaia 49:2

Ta ‘awagu ‘i bubuna sisisaia mamatana nadigega, nimana ‘ina iauiaukwa ‘ena ‘i kwaiegu; ta ‘i bubugu gita usiusina, ‘ina ‘ebe‘a‘aragita ‘ena ‘i egagaregu:

Isaia 61:1

‘Inapwana Eaubada iaruiaruana ‘eguia; Ieoba ‘i eoroigu ta ‘enega be tetera bobo‘ana ia da guguiaei gomabeso ‘edia: i ‘etunegu be ‘ate‘e‘episaridi ia da paimidi, ‘etoli‘ama ia da guguiaei ioniionidi ‘edia, ta anua‘ebeiona ‘ana gigege taudi si losipwedi ‘edia;

Isaia 9:7

‘Ina Loina ‘ana sinabwa ta guguia ‘ana sinabwa nigea ‘e bweu ‘ana ‘ebelosaroni, Dabida ‘ina ebemi‐esaesa ‘enaia, ta ‘ina ‘ebeloina ‘enaia, sabi giepa‘arina, ta sabi giiaina etaraiega ta bubuna paruparuiega gete ‘enega ga tuta ‘ataiamo. Bodao ‘idi Ieoba ‘ina waiwai iage gete ‘i da guinuena.