Isaia 11:10 - Buki Tabu Lowaenei 1919

¹⁰ Ta gete ‘i da apwesa asiata gote, Iese ramuna, tauna ‘i tooro tomotaiao ‘adi doe manuna, ‘ebeloinao ‘ena si da ‘ebesa; ta ‘ina ‘ebe‘eiawai‘ata ‘i da esaesa.

Isaia 11:10 Iomraidhean Croise

Nugana 49:10

Loina ‘ana‘e toguna gea‘abo Iuda ‘i da pilisinena, Nai loina ‘ana keweliwelili ‘aena mwatuinega, Ga Silo ‘i da mai; Ta ‘ena tomotaiao si da ematamatana.

Salamo 116:7

Iaruiaruagu ie, ‘imu eiawai‘ata ‘ena ‘u da ‘ila; Ieoba ‘i bubuna ‘ai‘aila ‘emuia ta ‘enega.

Salamo 145:11

‘Imu ‘ebeloina ‘ina esaesa manuna si da gwae, Ta ‘imu waiwai manuna si da ona;

Salamo 149:5

To tapwaroro ‘esasedi si da guausoara esaesa ‘enega: Si da wari uiawana ‘idi ‘ebe‘eno ‘edia.

Salamo 91:1

Tauna To Lo ‘Etana Sana ‘ina esena kwaia ‘ena ‘i miamia Tauna Toewaiwai Sana iauiaukwana ‘ena ‘i da mia baula.

Salamo 91:4

Dagurinega ‘i da tara‘apwariio Ta papena ‘agaraudia ‘u da dena; ‘Ina ona‘ai‘aila lawa ta lobodaboda.

Isaia 11:1

Ta Iese ‘arenega bwasila ‘e bweuna ‘i da apwesama, ta nari ‘e bweuna ramunega ‘i da uaua:

Isaia 11:12

Ta doe ‘i da sa‘u tu‘e ‘ebeloinao manudi, ta me Iseraela ‘ina to mia apwesa ‘i da egogonedi, ta me Iuda ‘ina to sawarao ‘i da egogonedi bare‘u tupitupina ‘e ata ‘ediega.

Isaia 14:3

Ta asiata ‘enega Ieoba ‘i da gieiawai‘ateio ‘imu dedoi ‘enega, ta ‘imu ate‘uiauia ‘enega, ta guinua pa‘ara ‘enega, tauna ‘enega si loineio be ‘u guinua, gete ‘i da apwesa,

Isaia 2:11

Ta tai ‘ana ‘itatu‘eiao si da mia mwa‘uta, ta tai ‘idi gagasa ‘i da mia ‘opu‘opu, ta Ieoba tebweuna ‘i da miatu‘e asiata gote ‘enega.

Isaia 2:2

Ta asiata muriega gete ‘i da apwesa, ‘aene Ieoba ‘ina anua ‘ana ‘oea ‘i da mia pa‘ara ‘oea debadia, ta ‘i da mia tu‘e ‘oea ‘etanidia; ta ‘ebeloina iauiaudi si da daudau ‘enaia.

Isaia 2:3

Ta tomota iauiauna si da tauia ta si da ona, Wa da mai, be ta da tu‘e Ieoba ‘ina ‘oea ‘enaia, Iakobo ‘ina Eaubada ‘ina anua ‘enaia; ta ‘ina ‘edao manudi ‘i da e‘iteda, be ta da tautauia ‘ina ‘edao ‘edia: Sionega loina ‘i da apwesawa ta ‘enega, ta Ieoba ‘ina ona Ierusalemega.

Isaia 28:12

Taudi ‘edia ‘i gwae, Gete eiawai‘ata nina, tauna ‘i lo‘ame‘ame eiawai‘ata wa da ‘ebwaena; ta gete ‘ebebobo‘ana: ta nigea si da nono.

Isaia 42:4

Gea‘abo ‘i tabataba nai ‘i da ‘atesa‘ara, ga etara ‘i sa‘u bemi bare‘uia; ta saru ‘ina loina si da iamwaiamwai.

Isaia 49:22

‘Inapwana Eaubada gete nadigega ‘i gwae, Wa ‘ita, nimagu ia da gilagasi ‘ebeloinao ‘edia, ta ‘agu doe ia sa‘u etooro tomota ‘edia: ta natumuao me‘olotodi si da me‘edi lumalumadiega, ta natumuao me wainedi si da ‘a‘aridi.

Isaia 59:19

Nadigega Ieoba ‘ana esana si da matautena ‘ebwagega, ta ‘ina esaesa sinara ‘ina sae ‘enega: ‘i da mai ‘atua murua ta ‘enega, tauna Ieoba iawasina ‘i giedau.

Isaia 60:3

Ta ‘ebeloinao si da mai ‘imu ma‘edana ‘enaia, ta kiniao ‘imu apwesama ‘ina tuiaiara ‘enaia.

Isaia 60:5

Ga ‘u da ‘ita ta ‘u da ema‘edana, ta ‘ateio ‘i da dedera ta ‘i da sinabwa; ora ‘ina sinabwa ‘i da ‘ila ‘emuia, ‘ebeloina ‘ina gwegwe si da mai ‘emuia.

Isaia 62:10

Wa da rugu, wa da rugu ‘ari ‘ana ‘eberugu ‘edia; tomota ‘idi ‘eda wa da kakari; wa da ‘ulatu‘e, ‘eda sinabwana wa da ‘ulatu‘e; gurewa wa da egogonediwa; doe wa da gilagasi tomota manudi.

Isaia 66:19

Ta we‘iwe‘iiaia ia da sa‘u gamwagamwanidia, ta taudi nigea si mwawasa ‘ediega ia da etunedi ‘ebeloinao ‘edia, Tasisa ‘ena, Pula ta Luda, taudi si lisi‐tupu, Tubala ta Iabana ‘edia, saru ‘edasora ‘edia, taudi nigea ‘aregu si nonona, nai ‘igu esaesa si ‘itena; ta ‘igu esaesa si da simana ‘ebeloinao gamwagamwanidia.