Isaia 10:5 - Buki Tabu Lowaenei 1919

⁵ Oioi me Asiria, ‘igu gamwasoara ‘ina keweliwelili, guna nina tauna nimanaia ‘igu egamwagamwagu ‘i miami!

Isaia 10:5 Iomraidhean Croise

Nugana 10:11

‘Asa gote ‘enega ‘i tauiawa Asiria ‘enaia, ta Ninebe ‘i taraunena, Reobota‐Ira ta, Kala ta,

Salamo 125:3

To‘umalina ‘ana keweliwelili gea‘abo to paruparuna ‘idi esena ‘ena ‘i da miamia ‘ataia ta ‘enega; Be ‘enega to paruparuna gea‘abo nimadi si da iasiiasitotodi bubuna bokobokona ‘enaia.

Salamo 17:14

Tai ‘ediega, nimamuiega, Ieoba ie, Gabura ‘ina tai ‘ediega, taudi ‘adi ‘egu‘eguiai tuta gete ‘ena, Ta gamwadi ‘u loemae ‘imu gwegweiega: Nuadi ‘i bobo‘ana gogama manudi, Ta ‘idi gwegwe tupwana si pilisinena meameadi ‘edia.

Isaia 10:15

‘Ila ‘i da ona gagasa nai tauna ‘enega ‘i tara kaiwe ‘enaia? Daba ‘i da ‘awa sinabwa‘ena tauna ‘i gidederina ‘enaia? ‘atua keweliwelili taudi si gilagasina ‘i da giniuiedi, nai ‘atua guna tauna nigea kaiwe ‘i da gilagasina.

Isaia 10:25

Tuta gidarina tuga ta ‘enega, ta egamwagamwagu ‘i da apwesa ai‘aila, ta ‘igu gamwasoara, ‘idi saoora ‘enega.

Isaia 13:5

‘Asa ‘edasorega si mai, garewa esenana ‘ebelosaroniega, tuga Ieoba, ta ‘ina nuaiaiiai ‘ana ‘ebelosaiao, sabi giesaoora ‘asa maibo‘ana.

Isaia 14:24

Bodao ‘idi Ieoba ni‘atu ‘i ona‘upa‘upa, ‘i gwae. Ona ‘ai‘aila nadigega ia nuanua, nadigega ‘i da apwesa; ta nadigega ia nuena, nadigega ‘i da tooro:

Isaia 14:25

Goma Asiria ia da weari ‘igu ‘asa ‘enaia, ta ‘igu ‘oea ‘edia ia da ‘aiaina: ga ‘ina ‘ebe‘ara ‘i da pilisinedi, ta ‘ana ‘a‘ara ‘aradiega ‘i da tauiawa.

Isaia 23:13

Wa ‘ita, me Kaladea ‘idi ‘asa: tomota gete nigea wate ‘e bweu; goma Asiria i ‘aseiena mitawa ‘ina iobai manudi: ‘idi anua ‘etosoradi si gietoorodi, ‘ina anua esaesa si ‘auseparedi; ‘i giesawaridi.

Isaia 26:20

‘Igu tomota, wa da mai, ‘imu anuao ‘edia ‘u da rugu, ta ‘imu ‘auboda ‘u da gibodedi deimuia: ‘u da ‘akwaiemu ga tuta tomwana gidarina, be gamwasoara ‘i da gumwara bemi.

Isaia 29:2

Ga Ariela ia da e‘atemutuiena, ta dedoi ta ‘ewabamu si da apwesa: ta ‘i da Ariela na‘ieana ‘eguia.

Isaia 30:27

Wa ‘ita, Ieoba ‘ana esana ‘edasorega ‘i mai, i ‘ara‘arata ‘ina gamwasoarega, ta ‘asu badona ‘i tu‘e ‘enega: sopana si maa ‘ina egamwagamwaguiega, ta meiana ‘atua awe ‘ara‘arata:

Isaia 30:30

Ta Ieoba ‘enana esaesa ‘i da loina be si da nonona, ta nimana ‘ina e‘etomwa‘uta ‘i da e‘ita, ‘ina gamwasoara ‘ina egamwagamwagu ma‘ieana, ta ‘awe ‘ara‘arata meiana, ‘atumaninisa ma‘ieana, wedilia be, ‘usana patuna be.

Isaia 30:9

Tomota gete loguitoasidi, gogama onakabokabo, gogama Ieoba ‘ina loina nigea si da nono:

Isaia 34:2

Ieoba ma‘ina gamwasoara ‘ebeloina iauiaudi ‘edia ta ‘enega, ta egamwagamwagu ‘idi boda maibo‘ana ‘edia: ni‘atu ‘i giesaoora ‘aiailidi, unuunu ‘ena ‘i tagwaredi.

Isaia 66:14

Ta wa da ‘itena, ta ‘atemi ‘i da guausoara, ta lulumi si da sinabwa ‘ai‘aila nedu nuana nadigega: ta Ieoba nimana ‘i da e‘ita ‘ina to‐guinuao ‘edia, ta nuana ‘i da to‘umalina ‘ana tarauwarao ‘edia.

Isaia 7:17

Ieoba ‘emuia, ta ‘imu tomota ‘edia ta tamaio ‘ina susu ‘enaia, asiatao ‘i da me‘edi, taudi nigea si mai, asiata ‘enega Eparaima Iuda ‘i pilisinena ga batua; tuga Asiria ‘ana King.

Isaia 7:20

Asiata gote ‘enega ‘Inapwana deba ta ‘ae unuununa ‘i da sui ‘ebesui e‘isa‘isana ‘enega, tauna Boasi‘awana mariesena esenanao ‘edia ‘i miami, tuga Asiria ‘ina king ‘enega: ta wate umi ‘i da loegumwarina.

Isaia 8:4

Goama nina nigea ‘i da mwaratoni be ‘i bwau, Tamagu, ta, Sinagu, ga nugana Damaseko ‘ina oesi ta Samaria ‘ina gwegwe si da ‘ewedi Asiria ‘ana king matanaia ta ‘enega.

Isaia 8:7

Gete enega wa ‘ita, ta ‘enega, ‘Inapwana Boasi‘awa nina boasinao i ‘ewa tu‘edima ‘edia, pa‘aridi ta ‘iauiaudi, tuga Asiria ‘ana king ta ‘ina esaesa maibo‘ana: ta ‘i da tu‘ema ‘ina boasi‘awa iauiaudi debadia, ta tupitupina iauiaudi debadia ‘i da tauia: