Isaia 1:26 - Buki Tabu Lowaenei 1919

²⁶ Ta ‘imu to loinao ia da sa‘u limedi ‘atua tuta ‘e bweunega, ta ‘imu to‐onaonaiao ‘atua nuganaia: muriega si da eesemu, Bubuna paruparu ‘ina ‘asa, ‘asa bubuna ‘ai‘aila.

Isaia 1:26 Iomraidhean Croise

Isaia 1:21

‘Asa bubuna ‘ai‘aila ni‘atu ‘i esogara! Tauna lowa loinega ‘i maa! bubuna paruparu ‘ena ‘i miami, ta gete to‐loemwawasaiao.

Isaia 2:3

Ta tomota iauiauna si da tauia ta si da ona, Wa da mai, be ta da tu‘e Ieoba ‘ina ‘oea ‘enaia, Iakobo ‘ina Eaubada ‘ina anua ‘enaia; ta ‘ina ‘edao manudi ‘i da e‘iteda, be ta da tautauia ‘ina ‘edao ‘edia: Sionega loina ‘i da apwesawa ta ‘enega, ta Ieoba ‘ina ona Ierusalemega.

Isaia 33:5

Ieoba ‘i miatu‘e; ‘etanaia ‘i miami ta ‘enega: Siona ‘i loemaa loina ta bubuna paruparu ‘ediega.

Isaia 54:14

Bubuna paruparuiega ‘u da mia pa‘ara: didigega ‘u da mia ‘edasora, gea‘abo ‘u da matauta ta ‘enega; ta ‘ebedidigega, gea‘abo ‘i da mai serabemuia ta ‘enega.

Isaia 60:14

Ta taudi si unuio natudiao me‘olotodi ‘emuia si da mai bwagobwago; ta iauiaudi si sinariio si da a‘opu‘opu ‘aeiapaiapamuao ‘edia; ta si da eesemu Ieoba ‘ina asa, Iseraela ‘ina Tabu Tebweuna ‘ina Siona.

Isaia 60:21

‘Imu tomota wate iauiaudi si da paruparu, ‘asa si da ‘ewa ‘ataia; ‘igu asoa narina, nimaguao ‘idi guinua, be ‘enega ma‘igu esaesa.