Isaia 1:11 - Buki Tabu Lowaenei 1919

¹¹ ‘Imi tariao ‘adi iau to‘ase ‘ana bobo‘ana ‘eguia? Ieoba ‘i gwae: ‘Abo‘agu gamwagu ‘i pawa sipi me‘olotodi ‘ebwaea‐daita gabugabudi manudi, ta iobai e‘enidi iapadi manuna; ta bulomakau nai lamiao, nai gota‐me‘olotodi raradi nigea manudi ia guausoara.

Isaia 1:11 Iomraidhean Croise

Salamo 40:6

Taria ta ‘ebwaeadaita nigea ‘edia ‘u eguausoara; Tenagu ni‘atu u ‘etobwaredi: ‘Ebwaeadaita gabugabu ta loegesi ‘ana ‘ebwaeadaita nigea nuanuaio.

Salamo 50:8

Gea‘abo ia da ba‘eba‘eio ‘imu tariao manudi; Ta ‘imu ‘ebwaeadaita gabugabu mataguia si mia ataia.

Salamo 51:16

Taria nigea ‘imu ‘ebeguausoara ta ‘enega; nai ia da ‘ebwaena; ‘Ebwaeadaita gabugabu nigea ‘imu ‘ebe‘uiawana.

Isaia 58:2

Ta asiata iauna si ‘ebesegu tuga, ta si ‘uiawana ‘igu ‘eda si mwaratonidi manuna: ‘atua ‘asa bubuna paruparu si guinua, ta ‘idi Eaubada ‘ina loina nigea si e‘idi‘idia, loina paruparuiao si eonegu, si ‘uiawana ‘idi doro Eaubada serabenaia.

Isaia 66:3

Tauna bulomakau ‘i ununa tauna na‘ieana tauna tai ‘i loemwawasina; tauna lami ‘i gitariei, na‘ieana tauna kedewa ‘otona ‘i lasena; tauna ‘ebwaeadaita‐palaua i ‘ebwaeaei, na‘ieana tauna bawe rarana i ‘ebwaeaei; tauna mu‘ana ‘i gabuna, na‘ieana tauna goamamea ‘i onaobobomena: tamo, ‘idi ‘edao taudi ni‘atu si ‘esinuedi, ta iaruiaruadi i ‘uiawana ‘idi gadiluluiao ‘ediega;