Isaia 1:1 - Buki Tabu Lowaenei 1919

¹ Isaia Amosa natuna ‘ina madawara, tauna i ‘itena Iuda ta Ierusalema manudi, Osia be, Iotama be, Aasa be, Esekia be, Iuda ‘ana kiniao, ‘idi tutao ‘ediega.

Isaia 1:1 Iomraidhean Croise

Salamo 89:19

Ga madawarega ‘u ona ‘imu toiaruiarua‐‘esasena ‘edia, Ta ‘u gwae, Leme ni‘atu ia sa‘u ‘e bweuna ‘i ewaiwai ‘enaia; ‘E bweuna tomota ‘ediega si ‘esinuena ni‘atu ia gitu‘eiena.

Isaia 13:1

Babulonia ‘ana ona, tauna Isaia Amosa natuna i ‘itena.

Isaia 2:1

Ona nina Isaia Amosa natuna i ‘itena Iuda ta Ierusalema manudi.

Isaia 20:2

Tuta gote Ieoba ‘i ona Isaia Amosa natuna ‘enega, ‘i gwae, ‘U da tauia, ‘oama ‘oausa ‘u da lolo tolobwamuiega, ta ‘amu ‘aeiapaiapa ‘u da gimoni ‘aemuiega. Ta ‘i guinua nadigega, ‘i tautauia bwaradaisinamo ta ‘aedaisinamo.

Isaia 21:2

Madawara mwau n‘iatu ‘i apwesama ‘eguia; to bubu wasegigi ‘i bubu wasegigi, ta to‘oae i ‘oae‘oae. Elama ie, ‘u da tu‘e; Media ie, ‘u da tara‘au; ‘ina eiawasilagalaga ni‘atu ia loegumwarina.

Isaia 37:2

Ta Eliakima, tauna anua ‘ana to loina, ta Sebena to‐‘etoladi, ta to‐taria ‘ina‘inapwanidi, ‘oama ‘oausa si e‘otena, Isaia paropita Amosa natuna ‘ena ‘i etunedi.

Isaia 38:1

Asiata gotedi Esekia ‘i le‘oasa i ‘abe ‘i mwawasa. Ta Isaia paropita Amosa natuna ‘ena ‘i mai, ta ‘ena ‘i ona, Ieoba gete nadigega ‘i gwae, ‘Imu anua ‘u da sa‘u ‘ai‘aili; ‘u da mwawasa ta ‘enega, ta gea‘abo ‘u da bobo‘ana.

Isaia 40:9

‘Oio tetera bobo‘ana ‘u etetera Siona ‘ena, ‘u da tu‘e ‘oea kesora ‘enaia; ‘Oio tetera bobo‘ana ‘u etetera Ierusalema ‘ena, ‘enaio ‘u da gitu‘eiei waiwaiega; ‘u da gitu‘eiei, gea‘abo ‘u matauta; Iuda ‘ina ‘asa ‘edia ‘u da gwae, Wa ‘ita, ‘imi Eaubada!

Isaia 6:1

Iakwara nina Osia King ‘i mwawasa ‘Inapwana ia ‘itena ‘ebemi esaesa ‘ena ‘i miatoa, lo‘etana ta lomiatu‘e, ta ‘ana ‘oama iuiuna anua tabu ‘i loemaa.

Isaia 7:1

Ta Aasa Iotama natuna ‘ina asiatao ‘ediega, tauna Osia natuna, Iuda ‘ana King, gete ‘i apwesa, Resina Siria ‘ana king, ta Peka Remalia natuna, Iseraela ‘ana king, si tu‘e Ierusalema ‘ena sabi saia ‘enaia; ta nigea si ewaiwai ‘enaia.