Iona 4:2 - Buki Tabu Lowaenei 1919

² Ta Ieoba ‘ena i ‘awanoi, ta ‘i gwae, Ia sideio, Ieoba ie, gete nigea ‘igu ona nai, ‘ena ‘igu ‘asaia ia miami? Ta ‘enega ia dena manini Tasisa ‘enaia: ia mwaratoni ta ‘enega ‘aene ‘oio Eaubada oboboma, u ‘atenua‘ole‘ole wawasae, gamwasoara manuna ‘u so‘iso‘i, nua‘ole‘oleiega ‘u eiau, ta to‘umalina manuna nuaio i ‘ebunina.

Iona 4:2 Iomraidhean Croise

Salamo 103:8

Ieoba ‘i maa nua‘ole‘oleiega ta nuana ‘i bobo‘ana, ‘I so‘iso‘i gamwasoara ‘enaia, ta nua‘ole‘oleiega ‘i sinabwa.

Salamo 145:8

Ieoba ‘i oboboma, ta nua‘ole‘oleiega ‘i maa; ‘Ina gamwasoara ‘i so‘iso‘i, ta ma‘ina nua‘ole‘ole sinabwana.

Salamo 78:38

Ta tauna, ‘i maa nua‘ole‘oleiega, ga ‘idi bubuna bokobokona nigea ‘i e‘isa, ta nigea ‘i loesaooridi; Tamo, tuta iauna ‘ina gamwasoara i ‘ile‘ile, Ta ‘ina gamwasoara iauiauna nigea ‘i iliili.

Salamo 86:15

Ta ‘oio, ‘Inapwana ie, ‘oio Eaubada nua‘ole‘ole ta oboboma ‘ediega ‘u maa, Gamwasoara manuna ‘u so‘iso‘i, ta ‘imu nua‘ole‘ole ta ona ‘ai‘aila si ‘elosinabwa.

Salamo 86:5

‘Oio ta ‘enega, ‘Inapwana, ‘u bobo‘ana, ta to‘umalina ‘u kweu manini, Ta iauiaudi ‘emuia si bwau ‘edia ‘u nua‘ole‘ole sinabwana.

Salamo 90:13

Ieoba ie, ‘U da ‘ilama; tuta ‘eisa? Ta ‘imu ‘ari‘eao manudi ‘u da nuaebuni.

Si Apwesa 32:14

Ta Ieoba nuana i ‘ebunina to‘umali nina manuna tauna ‘i ona ‘i da guinua ‘ina tomota ‘edia.

Iona 1:3

Ta Iona ‘i tooro sabi dena Tasisa ‘enaia Ieoba matanega; ta Iopa ‘ena ‘i mwa‘uta, ta waga ‘e bweuna ‘i lobena Tasisa ‘ena ‘i tautauia: ga ‘ina geru ‘i e‘isena, ta ‘ena ‘i geru, sabi tauia ma‘edi Tasisa ‘ena Ieoba matanega.

Iona 3:10

Ta Eaubada ‘idi guinua i ‘itena, ‘aene ‘idi bubuna to‘umalina ‘enega si sana‘ila; ta Eaubada to‘umalina nina manuna nuana i ‘ebunina, tauna ‘i ona ‘aene ‘i da guinua ‘edia; ta nigea ‘i guinuena.

Iona 3:9

Iaita ‘i mwaratoni nai Eaubada ‘i da sana‘ila ta ‘i da nuaebuni, ta ‘ina gamwasoara didiga ‘enega ‘i da sana‘ilama, be ‘enega gea‘abo ta da saosaoora?