Wlɔmö 3:3 - NAƆ ‑SË 'SËËDHƐ

³ 'Sa Zuifö ‑nu 'wo bha‑ mɛ 'bha ‑nu ‑wo mü 'ö wo ‑zë 'wii 'dhang bho‑ ‑wʋ bha‑ "dhiʋ̈, "Kɛɛ 'kö 'zü yöö kë "dhʋ̈, yö ‑zë ꞊ya 'wɔn 'kö‑ pö, 'yii 'dho ꞊fië‑ 'gü ‑wɔn kë ‑sü ‑bha tongtongdhö.

Wlɔmö 3:3 Iomraidhean Croise

Matiö 24:35

‑Yö kë ka "yaan ꞊dhɛ "sɛ waa‑ dhang‑ ‑wo ‑dho ziö, "kɛɛ n ‑wʋ ‑zë do 'yii 'dho 'go "gblʋʋ tongtongdhö.»

Naɔ ‑së 'ö ‑gban Yesu Klisi ‑bha 'ö Zan ‑ya pö 1:16

Kwaa ‑dɩ 'pö kwa kwa ‑bha ꞊trɔɔn ‑slɔɔ ‑a ‑bha "klʋsëdhɛ ‑ziisü bha‑ 'gü, 'ö‑ ‑wɔn 'gü Atanna ‑bha 'dhuë‑ ‑yö dɔ 'ko ‑gɛn "piʋ̈ kwa ‑gɔ.

Wlɔmö 10:16

"Kɛɛ mɛ ꞊gban 'wii 'dhang bho naɔ ‑së 'ö go Atanna "piʋ̈ bha‑ "dhiʋ̈. Yö ꞊në‑ ‑wɔn 'gü 'yö Ezai 'ö ‑kë ‑a ‑wʋdhiʋ̈loomɛ 'ka bha 'ö dhiang zë 'ö‑ pö: «N Dëmɛ, mɛ "pɛpɛ 'yi i ‑bha naɔ ‑së bha‑ dɔ‑ ‑nu ‑gɔ bha, ‑yö kë ‑bhɔ de ꞊në‑ 'gü tɛan‑ ‑bha, 'de ꞊në kë 'dhang bho‑ "dhiʋ̈?»

Wlɔmö 11:29

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ Atanna ꞊ya bo ö ‑bha ‑gasitɛ bha‑ kë ‑sü 'ka 'mɛ 'ö‑ ‑dhɛ 'yaa‑ 'sü‑ ‑mɛ ‑gɔ 'zü, 'yö ꞊ya ö bo 'pö 'mɛ 'ö‑ ‑ya ‑sü 'ka, 'yaa 'go ö ‑wʋ ‑ta ‑a ‑mɛ ‑dhɛ 'zü tongtongdhö.

Wlɔmö 9:6

'Ma‑ pö "dhʋ̈ kö 'mii‑ pö ꞊dhɛ ꞊ya kë "dhʋ̈ kö "plüün 'ö Atanna ‑ya bho Izraɛdhö ‑mɛ ‑nu ‑dhɛ bha 'yii 'to‑ ‑bha, ‑a ‑gɛn ‑mü ꞊dhɛ mɛ "pɛpɛ 'wo Izraɛdhö 'gü ‑në ‑nu 'ka, Atanna 'yaa‑ ‑nu ꞊gban ‑ga ꞊dhɛ Izraɛdhö 'në ꞊dede 'dhö.

2 Kodhɛngtö 3:18

‑A ‑kë "dhʋ̈ ‑sü bha‑ 'gü, 'mɛ "pɛpɛ 'ö 'kwa bɔ kwa Dëmɛ bha‑ 'ka, 'ö pë 'bhaa kpa ‑sü 'ka kwa wëëdhö bha kwa ꞊në 'kwa ꞊dhɛ ‑a ‑bha mɛdhɛ 'bhü 'dhö. ‑A ‑kë "dhʋ̈ ‑sü bha‑ 'gü, ꞊ya kwa "gla kë "dhʋ̈ kö 'kwa kë ö ‑bhɔbha 'ka. ‑A ‑wɔn 'gü 'kwa 'go 'tɔbhɔdhe ‑blɛɛsü bha‑ 'gü 'kwa ‑da ‑a 'dhɛ 'ö 'kpii‑ 'ö ‑ziö ‑a 'dhɛ bha‑ ‑ta bha‑ 'gü. 'Pë 'ö kwa Dëmɛ 'ö‑ ‑bha 'Nii‑ "slʋ̈ʋ̈slʋ̈ 'dhö ‑mü bha 'ö‑ ‑kë kwa ‑dhɛ bha 'yö bha.

2 Tesadhonikö 1:3

‑A ‑dhɛa ‑bha ꞊dhɛ 'yi Atanna nuɛ" bho yi ꞊gban 'ka ka ‑wɔn 'gü, n dheebhang ‑nu. "Kɛɛ 'sa ‑a kë ‑kɔ 'kö 'dhö 'yö bha, ‑a ‑gɛn ‑mü ꞊dhɛ ka ‑bha ‑zʋ ‑yö Atanna ‑dhɛ ‑sü 'bha ꞊në ‑da sië‑ ‑ta do 'ö dho‑ 'ka, waa‑ ka ‑dhɔ ‑bha ka 'ko kë ‑sü 'dhö.

2 Timote 2:13

꞊Ya kë 'zü ꞊dhɛ 'kwa 'go kwa ‑wʋ ‑ta, yö ‑zë 'yaa 'go ö ‑wʋ ‑ta, ‑a ‑gɛn ‑mü ꞊dhɛ yö ‑zë ‑yö ö ‑dɩ ‑dɔ. Pë 'dhɛ 'kö ꞊yaa‑ pö ö "dhi 'ka ‑ya 'gü ‑wɔn ‑kë, 'yaa 'to‑ 'gü tongtongdhö» bha 'yaa ꞊sua 'ka.

Eblö 4:2

‑A ‑gɛn ‑mü ꞊dhɛ ‑kɔ do 'wo ꞊naɔ ‑së bha‑ dɔ‑ 'ka ‑a ‑nu ‑gɔ yi 'bha 'ka bha ꞊në 'wo‑ dɔ sië‑ 'ka kwa ‑gɔ 'pö ꞊dɛɛ, ‑wʋ bha‑ ‑zun "dhiʋ̈ ‑bhlɔɔ 'ö 'yii kë 'mɛ ‑a ‑nu 'gü ‑yö ꞊see bha‑ ‑nu ‑gɔ bha‑ 'klɔɔ‑ ‑mü ꞊dhɛ 'wii kë 'dhang ꞊në‑ bho‑ "dhiʋ̈ kö ‑wo wo ‑zʋ 'gɔn Atanna ‑dhɛ.