‑Dhɛkpaɔ 9:4 - NAƆ ‑SË 'SËËDHƐ

⁴ 'Yö 'wo ‑dhio dɔ ‑kpaa ‑nu bha‑ ‑nu ‑ta 'wo‑ pö 'wa 'dho 'wɔn bho blëë "dhɛ ‑nu waa‑ "dhü ‑nu "ɛɛn tapë ‑nu ‑zë 'bha 'gü, "kɛɛ ‑wo mɛ "pɛpɛ 'ö Atanna ‑bha 'klëë‑ 'yaa 'kpɔ ‑sü 'ka‑ ‑nu ‑bha ‑a ‑nu ‑kpong "dhiʋ̈ bha ꞊në‑ ‑nu ‑wëë ‑kë "dhiʋ̈ bho.

‑Dhɛkpaɔ 9:4 Iomraidhean Croise

Matiö 24:24

‑A ‑gɛn ‑mü ꞊dhɛ a‑ ‑pö ka ‑dhɛ ꞊dhɛ 'mɛ 'wo dho‑ pö wo ‑dɩ ‑dhɛ ꞊dhɛ wo ꞊në 'wo Atanna ‑bha ‑Yamɛ bha‑ 'ka, waa‑ Atanna ‑wʋdhiʋ̈loomɛ ꞊flüsü ‑nu ‑dho nu "tʋ̈ng bha‑ 'gü, 'ö 'wo "slë "gblʋ̈gblʋ̈ ‑nu ‑kë 'ö 'wo "dhabhliwɔn ‑nu ‑kë, kë "dhʋ̈ kö aa" ꞊ni 'mɛ 'ö Atanna ‑ya ‑nu sü ö ‑bha 'ka bha, ‑a ‑nu ‑kɔ ‑zë ꞊ya ꞊mɔɔ‑ ‑bha kö ‑wa ‑nu "kan Atanna ‑bha.

Efɛzö 4:30

'Ka 'dho Atanna ‑bha 'Nii‑ "slʋ̈ʋ̈slʋ̈ ‑siö ‑dhɛ ‑wɔn kë 'ö 'ka‑ wë 'gü ‑siö ka ‑tosɛa kë ‑kɔ 'ka. ‑A ‑gɛn ‑mü ꞊dhɛ yö ꞊në 'klëë‑ 'ö Atanna ‑ya kpɔ ka ‑bha ‑a 'ka. Yö ꞊në‑ ‑zɔn kwa ‑dhɛ ꞊dhɛ ‑dhɛ 'bha‑ ‑dho kpaɔ, Atanna ‑dho kwa ‑bha dha ‑sü bha‑ ‑gɔ ‑da 'plöö.

‑Dhɛkpaɔ 14:1

'A dho ‑dhɛ ‑ga kö "bhlaanë bha ‑yö dɔ sië ‑tɔn 'ö Zedhizadhɛmö bha‑ ꞊gbin‑ waa‑ mɛ "gblü këng do ‑kɔ ‑yiisiö waa‑ mɛ "gblü ‑yiisiö 'ö waa‑ Dë ‑a ‑nu 'tɔ ‑yö gun ‑ya ‑sü 'ka‑ ‑nu ‑kpong "dhiʋ̈ bha‑ ‑nu 'dhö.

‑Dhɛkpaɔ 6:6

'Yö 'a ‑wʋ do 'bha ma kö ‑yö 'go sië pë "yaandhe ‑yiisiö bha‑ ‑nu kpö 'gü 'ö‑ pö "gbɩɩ‑ 'ka 'ö‑ pö: «‑Bhö ‑mlüga waa‑ "klëënga bha‑ ‑nu dan kö 'i‑ "dhɔɔ ‑siö. ‑Wo ‑mlü 'tɛa‑ ‑yan do 'dhɔ 'wëëga 'wo ‑dhɛkpaɔyi do ‑yë ꞊saa bho‑ 'ka bha‑ 'ka, kö ‑wo "klëën 'tɛa‑ ‑yan ‑yaaga 'dhɔ "dhʋ̈ 'pö, "kɛɛ 'bha 'dho "yɔn waa‑ we ‑zë ‑a ‑nu "dhɔɔ ‑siö.»

‑Dhɛkpaɔ 7:1

꞊Dhɛ 'ö 'wɔn bha ꞊ya bo ‑kë "dhʋ̈ ‑sü 'ka, 'a dho ‑dhɛ ‑ga, kö Atanna ‑bha "kië ‑yiisiö ‑wo dɔ sië "sɛ "gwënng 'gü ‑dhɛ ‑yiisiö bha‑ ꞊gban 'gü, kö "tɛɛ ‑gɔ ‑yiisiö 'wo "kpʋng ꞊taa bha ꞊waa‑ 'kun kö ‑ya ‑nu ‑gɔ, Kë "dhʋ̈ kö "tɛɛ 'ya 'dho ziö "kpʋng ꞊taa, "ɛɛn ꞊weeyi ‑ta ‑dhɛ "ɛɛn "dhü ‑zian 'bha ‑bha tongtongdhö.

‑Dhɛkpaɔ 8:7

'Yö‑ mɛ ‑blɛɛsü ‑yö ö ‑bha ‑piö. 'Yö mëngga waa‑ pɛng waa‑ ꞊yɔɔn ‑nu ‑kaan "kwëë ‑sü bha 'wo ‑ya ꞊wɛnng ‑sü ‑bha "kpʋng ꞊taa. 'Yö "kpʋngtaadhɛ ‑yö 'pɛ 'gü ‑yaaga, 'yö‑ "pɛan do ‑yö ‑gʋ̈, 'yö "dhü ‑nu ‑dɩ 'pö‑ ‑nu ‑bha ‑yö ‑kë "dhʋ̈, 'yö blëë "dhɛ ꞊gban ‑yö ‑gʋ̈.