‑Dhɛkpaɔ 22:2 - NAƆ ‑SË 'SËËDHƐ

² 'ö ‑ziö 'pö‑ bha‑ ꞊zinng 'gü ‑dhɛ ꞊dede 'gü. "yi bha ‑tosɛa 'ö 'yaa yën ‑a ‑kë ‑bha "dhü ꞊në gun ta ‑sü 'ka‑ "kpʋng ꞊gban ꞊plɛ "dhiʋ̈. "Dhü bha ‑yö bhɛ ‑dɔ ‑kwɛ do 'gü ‑kaɔng do ga ꞊plɛ, "su do ‑bha do. 'Yö‑ "dhɛ bha 'ö gun "sɛ "pɛpɛ ꞊gban 'gü ‑mɛ ‑nu ‑bha ꞊bɛdhɛ 'ka.

‑Dhɛkpaɔ 22:2 Iomraidhean Croise

‑Dhɛkpaɔ 22:1

'Yö Atanna ‑bha "kië bha 'ö dho 'ö ‑tosɛa 'ö 'yaa yën ‑a ‑kë ‑bha "yi bha‑ ꞊gwaan ga 'ö 'pö‑ ‑bha 'gü bha‑ ‑zɔn 'pö n ‑dhɛ. "Yi bha‑ ‑gun ꞊söng ‑sü 'ka 'ö mɛ‑ ‑dhɛ yö‑ ꞊bhaa ꞊dhɛ ‑kɔ 'ö 'mɛ‑ ‑dhɛ yö‑ 'ka "dënggbɔ 'gü bha‑ 'dhö, kö‑ ‑gɔ ‑yö 'go sië Atanna ‑bha ‑blüdëdhɛ ‑gbloo bha waa‑ "bhlaanë ‑bha bha‑ ‑nu 'gü

1 Piɛdhö 2:24

'Yö go mü 'zü 'ö kwa ‑bha 'wɔn yaa ‑nu ‑kwɛɛ sü 'ö dɔ‑ 'ka "dhü ‑bha, kë "dhʋ̈ kö 'kwa ga 'wɔn yaa ‑gɔ kö 'kwa ‑tosɛa 'ö pö 'aa‑ ‑bha ꞊në‑ kë. ‑Gi ‑nu 'ö‑ wo bha ꞊në‑ ‑wɔn 'gü 'yö 'ka ‑kë "klʋ̈ʋ̈klʋ̈.

‑Dhɛkpaɔ 2:7

«'Wɔn 'ö Atanna ‑bha 'Nii‑ 'dhö‑ pö sië ‑a ‑bha 'kɔdhigümɛ ‑nu ‑dhɛ bha, 'mɛ 'wɔn 'gü ma ‑tʋ 'dhö‑ ‑gɔ ‑bha ‑mɛ ‑ya ma. 'Mɛ waa‑ ‑to "kplëë 'ka Atanna ‑bha 'ko bha‑ zë ‑sü 'gü, a ‑dho ‑nu kë ‑tosɛa ‑kë ‑bha ‑dhü 'ö‑ ‑gɔ ‑gblüdëdhɛpö 'gü bha‑ ‑bhö ‑mɛ 'ka.»

‑Dhɛkpaɔ 22:14

Mɛ "ʋʋ 'mɛ 'wo dho wo ‑bha ‑sɔ "zu, ‑a ‑nu ‑bha ‑së, ‑wo ‑dho kë ‑tosɛa ‑kë ‑bha ‑dhü bha‑ bhɛ ‑bhö ‑mɛ 'ka, "ɛɛn 'ö 'wo dho kë ‑da 'pö‑ bha‑ 'gü ‑mɛ 'ka wo ‑bha ‑sɔ 'wo‑ ‑zu bha‑ ‑wɔn 'gü, kö‑ ‑mɛ ‑nu ‑bha ‑së.

‑Dhɛkpaɔ 22:19

Mɛ "ʋʋ mɛ 'ö ꞊yaa‑ 'bha ‑bho ‑ta 'zü, Atanna ‑dho ‑a ‑mɛ ‑bha ‑tosɛa ‑kë ‑bha ‑dhü bhɛ 'ö‑ ‑bhö ‑wɔn 'dhö 'dhö bha‑ 'sü‑ ‑mɛ ‑gɔ, waa‑ ‑yɛa 'ö dho kë 'nu 'pödhɛ "slʋ̈ʋ̈slʋ̈ 'ö‑ ‑dhiang 'dhö 'sëëdhɛ ya‑ 'gü bha‑ 'dhö.

‑Dhɛkpaɔ 21:24

‑A ‑bha ‑dhɛpuudhɛ bha ꞊në mɛ "pɛpɛ 'wo "kpʋng ꞊taa 'wo dho "ta 'sü‑ 'bhü "dhiʋ̈, 'yö ‑gblüdë "pɛpɛ ꞊gban 'wo nu wo ꞊slɔɔ ‑pë ꞊gban 'ka mü.

‑Dhɛkpaɔ 21:21

'Pö‑ bha‑ 'kpong ‑kaɔng do ga ꞊plɛ bha ‑wo ‑gun ‑zlɔɔ suu 'bha 'ö "yi 'yaa zun‑ ‑wɔn ‑bha bha ꞊në‑ ‑dɩ ‑slɔɔ 'ka. 'Kpong do ‑zlɔɔga do. ‑Kpinngga 'ö gun 'pö‑ bha‑ 'gü ‑yö gun "sënng ꞊në‑ 'ka, 'ö‑ 'bhü ‑yö bhɔ ꞊dhɛ ‑dhuangdhe 'bhü 'dhö.

Dhukö 4:18

«Atanna ꞊ya ö ‑bha 'Nii‑ "slʋ̈ʋ̈slʋ̈ ‑ya n 'gü, ‑a ‑gɛn ‑mü ꞊dhɛ ‑yö ma ꞊në n ‑ya kö 'a‑ ‑bha naɔ ‑së bha‑ dɔ ‑wëëmɛ ‑nu ‑gɔ, kö 'a zuëwaanusü nu 'mɛ 'wo "yënnggbaɔndhe 'gü ‑a ‑nu ‑dhɛ Kö 'mɛ 'wo ‑kaso 'gü 'a‑ ‑nu bho mü, kö 'a ‑ya ‑dɩ 'flëë‑ 'gü ‑sü nu‑ ‑nu ‑dhɛ. Kö 'mɛ 'ö‑ ‑nu "yan 'gü 'dhö tii 'ö 'waa ‑dhɛ yö 'a‑ ‑nu "yan "dhiʋ̈ "pʋ. Kö 'mɛ 'ö 'wɔn ꞊ya ꞊gbaɔn‑ ‑nu ‑ta 'a‑ ‑nu ‑ta 'kun kö ‑wo ‑ya ‑dɩ 'flëë‑ 'gü ‑sü ꞊slɔɔ.