‑Dhɛkpaɔ 21:4 - NAƆ ‑SË 'SËËDHƐ

⁴ ‑Yö ‑dho ö ‑kɔ ziö‑ ‑nu "yan "dhiʋ̈, 'ö‑ ‑nu "yanyi ꞊gban bho mü "pɛɛpɛdhö. Ga 'yii 'dho bhɔ 'zü, "ɛɛn ‑wëë ‑ya wo ‑sü 'bha 'yii 'dho kë 'zü, ‑wëë ‑wʋ 'kpɔ ‑sü waa‑ pë ‑ma mɛ 'ka ‑sü ꞊gbaan yën. ‑A ‑gɛn ‑mü ꞊dhɛ 'wɔn "pɛpɛ 'dhɛ 'kö gun kë sië zii ‑blɛɛsü bha‑ ꞊gbaan ziö.»

‑Dhɛkpaɔ 21:4 Iomraidhean Croise

‑Dhɛkpaɔ 7:17

‑A ‑gɛn ‑mü ꞊dhɛ "bhlaanë 'ö dɔ sië 'mɛ 'ö ‑gbloo 'kpiisü ‑ta bha‑ wëëdhɛ ꞊dede 'gü bha ꞊në dho‑ ‑nu ‑maa kë ꞊dhɛ ‑tuʋ̈ ‑maakëmɛ 'dhö, 'yö dho‑ ‑nu 'ka "yigɔ ‑nu 'ö 'waa "bhʋ̈ʋ̈, "kɛɛ 'ö ꞊sii 'ö 'yaa yën ‑a ‑kë mɛ ‑dhɛ bha‑ ‑dhɛ 'gü. 'Yö Atanna ‑dɩ 'pö 'ö‑ ‑nu "yanyi ꞊gban bho‑ ‑nu "yan "dhiʋ̈ "pɛɛpɛdhö.

1 Kodhɛngtö 15:26

'Sa ga ꞊në‑ 'yaɔ‑ ‑nu 'wo "dhʋ̈ bha‑ ‑nu ‑totaamasü 'ka.

1 Zan 2:17

"Kɛɛ 'sa "kpʋngtaadhɛ waa‑ 'gü ‑pë ‑nu 'wo mɛ zuë" ‑bhɔ ‑bha ‑pë 'ka bha ziö ‑pë ‑nu ‑mü, ‑a ‑dhɔ ꞊ya 'mɛ 'ö‑ kë kö ‑yö 'to‑ "dhia "piʋ̈ ‑yö ‑dho fië‑ 'gü, "kɛɛ 'mɛ 'ö Atanna ‑zë ‑a ‑dhidhɛwɔn ‑kë, ‑a ‑mɛ ‑dho ‑tosɛa kë ‑kpɛawo ‑a "piʋ̈.

Matiö 24:35

‑Yö kë ka "yaan ꞊dhɛ "sɛ waa‑ dhang‑ ‑wo ‑dho ziö, "kɛɛ n ‑wʋ ‑zë do 'yii 'dho 'go "gblʋʋ tongtongdhö.»

‑Dhɛkpaɔ 21:1

꞊Dhɛ 'ö ꞊ya kë "dhʋ̈, 'yö 'a "sɛ waa‑ dhang‑ ‑dee 'ö Atanna ‑ya kë bha‑ yö kö‑ ‑blɛɛsü ‑nu 'kö 'wo gun bha ꞊wa ꞊dhɛng, kö ꞊weeyi ‑dɩ 'pö 'yaa 'dhö 'zü.

‑Dhɛkpaɔ 20:14

'Yö 'wo ga waa‑ ꞊geebɔɔdhɛ ‑a ‑nu sü 'wo‑ ‑nu ‑zuö pɛng "yigblü bha‑ ꞊bhaa. (‑A 'dhɛ bha ꞊në 'wo‑ ga ꞊plɛ ‑naa ‑kë.)

‑Dhɛkpaɔ 22:3

Pë "pɛpɛ kö Atanna ꞊ya "dhang ‑da ‑bha, ‑a do ‑zian 'yii 'dho kë 'pö‑ bha‑ 'gü. Atanna waa‑ "bhlaanë bha‑ ‑nu ‑bha ‑gblüdëdhɛ ‑kë ‑ta ‑gbloo ‑dho kë 'pö‑ bha ꞊në‑ 'gü, 'yö‑ ‑bha gwëëzë ‑nu 'wo‑ ‑dhɔkë mü.

2 Piɛdhö 3:10

"Kɛɛ yö ‑zë ꞊gban 'gü, kwa Dëmɛ Yesu nu ‑yi bha ‑yö ‑dho ‑wo ꞊dhɛ ꞊kwaanmɛ 'ö nu ‑a 'dhö, 'yii dho yi 'kpɔ. Dhang‑ ‑nu ‑dho ꞊dhɛng 'yi bha ꞊në‑ 'ka 'yö‑ vin ‑yö "suʋ̈ ‑da mɛ ꞊gban 'gü, 'yö pë ‑nu 'wo mü bha pɛng ‑ya ꞊gban ‑bhö "pɛɛpɛdhö, 'yö "sɛ waa‑ pë "pɛpɛ 'wo‑ ‑ta ‑a ‑nu "dhiʋ̈ ‑yö to.

1 Kodhɛngtö 7:31

Kö 'mɛ 'wo wo "dhia bho sië "kpʋngtaapë ‑nu 'gü ‑wo kë ꞊dhɛ 'pë ꞊wa wo "kian 'kpɔ‑ 'ka ‑a 'dhö, ‑a ‑gɛn ‑mü ꞊dhɛ "kpʋngtaadhɛ ya mɛ ꞊yaa‑ ‑ga "sɛnngdhö kwa dɔ ‑kɔ ya‑ 'gü, mɛ ‑ya 'wɔn ‑dɔ ꞊dhɛ ‑yö 'dho sië ö "dhiʋ̈todhɛ 'gü.

2 Kodhɛngtö 6:17

'Wɔn 'ö‑ ‑wɔn 'gü 'yö kwa Dëmɛ ‑yö dhiang zë 'ö‑ pö: «‑Ka 'go 'mɛ 'wo bha‑ ‑nu kpö 'gü, ‑ka "kan‑ ‑nu ‑bha, 'pë 'ö‑ ‑dhɔ 'yaa n kë, 'ka 'dho ka ‑kɔ zun‑ ‑bha tongtongdhö, ꞊ya kë "dhʋ̈ a ‑dho n ‑kɔ 'kpɔ ka ‑gɔ,

2 Kodhɛngtö 5:17

'Wɔn 'ö‑ ‑wɔn 'gü 'yö 'yi‑ pö 'yaa ꞊yɔɔ mɛ 'bha ‑bha 'zü bha‑ 'klɔɔ‑ ‑mü ꞊dhɛ mɛ "ʋʋ mɛ 'ö ꞊ya ‑kplu Klisi ‑bha, kö‑ ‑mɛ ꞊ya "gla, kö 'ö gun ‑kɔ 'ö‑ ‑bha ‑blɛɛsü bha 'yaa‑ ‑bha 'zü, kö Atanna ꞊yaa‑ ‑mɛ ‑da ‑deewo. Kö ‑tosɛa 'dhɛ 'ö‑ ‑mɛ ‑yö gun‑ kë sië ‑blɛɛsü bha ꞊ya ziö, kö‑ ‑mɛ ꞊ya ‑da ‑tosɛa ‑dee 'gü.

Eblö 12:27

‑Wʋ do 'dhɛ 'ö‑ pö 'ö‑ pö ꞊dhɛ: «‑A 'dhɛ 'ö yöö kë ꞊taamasü ya‑ 'gü,» bha ꞊në‑ ‑zɔn kwa ‑dhɛ ꞊dhɛ pë "pɛpɛ 'ö Atanna ‑ya ‑da ‑a ꞊gban‑ ‑dho ꞊zii 'ö ‑ziö, 'yö‑ 'dhɛ 'ö ‑todhʋ̈ ‑pë 'ka bha 'ö to.

‑Dhɛkpaɔ 20:13

'Yö 'mɛ 'wo ga ꞊weeyi ꞊bhaa, 'yö nu 'yö ‑pe ‑nu 'ka, 'yö ꞊geebɔɔdhɛ yöö ‑dɩ 'pö 'ö nu 'ö ‑pe ö ‑bha 'ka. 'Yö 'wo 'mɛ 'ö "dhʋ̈‑ ‑bha za ‑gɔ ‑yɛ ‑kɔ 'ö 'mɛ 'ö "dhʋ̈ 'ö ‑tosɛa ‑kë 'ka "kpʋng ꞊taa ‑a ‑bha 'do 'do 'ka.