‑Dhɛkpaɔ 19:1 - NAƆ ‑SË 'SËËDHƐ

¹ ꞊Dhɛ 'ö ꞊ya kë "dhʋ̈, 'yö n "tʋ 'dhö ‑da ꞊gbang dɔ ‑wʋ 'bha 'gü dhang‑ 'gü ꞊dhɛ mɛ kpö ‑ziisü 'wo "wɩ sië‑ 'dhö kö ‑wo "kwi "kan sië 'wo ‑ya mü 'wo‑ pö: «‑Ka Atanna 'tɔ bhɔ, yöö do ꞊në kwa Dhamɛ 'ka, 'tɔbhɔdhe waa‑ 'gügbɩɩdhɛ ‑wo kwa ‑bha Atanna bha ꞊në‑ ‑bha 'ka.

‑Dhɛkpaɔ 19:1 Iomraidhean Croise

Matiö 6:13

'Bha 'dho kwaa‑ yi ‑zü 'ö 'yi dho 'wɔn yaa kë ‑zian ‑ta, "kɛɛ ‑bhö yi dha Sɔtraan ‑gɔ; ‑a ‑gɛn ‑mü ꞊dhɛ ‑gblüdëdhɛ, 'gügbɩɩdhɛ waa‑ 'tɔbhɔdhe ‑wo bhi ꞊në i ‑gɔ 'ö‑ zübhoyi 'yaa 'dhö, 'ö‑ "dhiʋ̈todhɛ 'yaa 'dhö. Kö ‑yö kë "dhʋ̈ bha 'aa ‑yö kë!

‑Dhɛkpaɔ 11:15

'Yö Atanna ‑bha "kië ‑nu bha‑ "saɔplɛ ‑naa ‑yö ö ‑bha "truu ‑piö. 'A dho n "tʋ 'to kö ‑wʋ 'gbɛ ‑yö "wɩ sië dhang‑ 'gü ‑yuudhö 'ö‑ pö: «‑Gblüdëdhɛ ‑kë "kpʋng ꞊taa "sɩ ꞊ya 'to 'mɛ 'ö‑ ‑dhɛ, dɔ ‑kɔ ya‑ 'gü yö ‑mü kwa Dëmɛ Atanna waa‑ ‑bha ‑Yamɛ bha ꞊në‑ ‑nu 'ka, yö ‑zë ‑a ‑bha mɛ ‑dhɛ bha‑ "dhiʋ̈todhɛ 'yii 'dho kë tongtongdhö, ‑yö ‑dho ‑a kë ‑todhʋ̈ 'ka!»

‑Dhɛkpaɔ 12:10

'Yö 'a ‑wʋ "gbɩɩ‑ do 'bha ma dhang‑ 'gü kö ‑ya pö sië: «Atanna ‑bha mɛ dha ‑sü bha‑ ‑gɔ ꞊ya ‑da 'plöö ꞊tɔn ꞊dɛɛ! ‑A ‑bha ‑gblüdëdhɛ waa‑ ‑bha 'gügbɩɩdhɛ 'bha 'yaa ‑bin 'gü 'zü! ‑A ‑bha Klisi 'ö‑ ‑ya bha ꞊ya 'ö ‑bha mɛdhɛ ‑faan bha‑ ‑zɔn! ‑A ‑gɛn ‑mü ꞊dhɛ 'mɛ 'ö gun dɔ sië Atanna wëëdhö 'ö ‑za dɔ kwa dheebhang ‑nu ‑bha 'yënng‑ 'gü waa‑ gbeng ‑nu ꞊gban 'gü bha ꞊yaa‑ ‑zuö "kpʋng ꞊taa ꞊dɛɛ.

‑Dhɛkpaɔ 19:6

'Yö 'a mɛ kpö ‑ziisü 'bha bha‑ ‑wʋ ma kö ‑wo "wɩ sië ‑yuudhö ꞊dhɛ "yi 'kpii‑ ‑zuö ‑wʋ 'dhö, ꞊dhɛ dha "gbɩɩ‑ 'ö "wɩ sië‑ 'dhö 'wo‑ pö: «‑Ka ‑kwa kwa ‑bha Atanna 'tɔ bhɔ! ‑A ‑gɛn ‑mü ꞊dhɛ yö 'ö kwa Dëmɛ 'ka 'ö‑ ‑bha 'gügbɩɩdhɛ "dhiʋ̈todhɛ 'yaa 'dhö bha ꞊ya zun ö ‑bha mɛdhɛ kë ‑sü ‑bha ꞊tɔn!»