‑Dhɛkpaɔ 17:1 - NAƆ ‑SË 'SËËDHƐ

¹ ꞊Dhɛ 'ö ꞊ya kë "dhʋ̈, 'yö Atanna ‑bha "kië "saɔplɛ 'ö gbɔnë "saɔplɛ bha 'ö gun‑ ‑nu ꞊kwɛɛ bha‑ mɛ do ‑yö ꞊yɔɔn n "sɔɔ 'yö‑ pö n ‑dhɛ 'ö‑ pö: «‑Bhö nu kö ‑kɔ 'ö Atanna dho 'wɔn bho‑ 'ka ‑zuadhe 'kpii‑ 'ö ‑ya ‑sü 'ka "yi "gblʋ̈gblʋ̈ ‑nu ‑gɔ "dhiʋ̈ bha‑ 'gü bha 'a‑ ‑zɔn i ‑dhɛ.

‑Dhɛkpaɔ 17:1 Iomraidhean Croise

‑Dhɛkpaɔ 19:2

‑A dɔ ‑za bha pö 'aa‑ ‑bha, ‑a ‑gɛn ‑mü ꞊dhɛ 'yaa za dɔ mɛ 'bha ‑bha ꞊flü ‑ta. Yö ꞊në‑ ‑wɔn 'gü 'yö 'wɔn bho ‑zuadhe 'kpii‑ 'ö "kpʋngtaadhɛ see‑ ‑sü 'ka ö ‑bha ‑zua zë ‑sü 'ka bha‑ 'gü. ‑A 'wɔn ‑bho 'gü ‑gɛn ‑mü ꞊dhɛ yö ꞊në kë Atanna ‑bha yëkëmɛ ‑nu ‑zë.»

‑Dhɛkpaɔ 16:19

‑A ‑kë "dhʋ̈ ‑sü bha‑ 'gü, 'pö‑ 'kpii‑ 'wo‑ Babidhɔnö ‑dhɛ ‑kë bha ‑yö kë ‑pɛ 'ö 'gü ‑yaaga, 'ö 'pö‑ "gblʋ̈gblʋ̈ "pɛpɛ 'wo "kpʋng ꞊taa ‑a ꞊gban ‑yö wü trëntrëndhö. Atanna ‑zʋ ‑yö ‑bö Babidhɔnö ‑pö 'wo‑ ‑gɔɔ ‑pö ‑kë bha‑ ꞊sɔng ‑nu ‑ta ‑kɔ bha ꞊në‑ 'gü 'yö 'wɔn 'ö‑ ‑kɔn din 'yaa ‑së bha‑ ‑wɔ ‑ta.

‑Dhɛkpaɔ 21:9

꞊Dhɛ 'ö ꞊ya kë "dhʋ̈, 'yö Atanna ‑bha "kië "saɔplɛ 'ö ꞊nëng "saɔplɛ 'ö to ꞊taama bha 'ö‑ gbɔnë "saɔplɛ bha 'ö gun‑ ‑nu ‑gɔ bha‑ mɛ do ‑ya pö n ‑dhɛ: «‑Bhö nu kö dhebhɔ 'ö‑ gwaan‑ 'kpɔ ‑wɔn 'dhö 'dhö, 'ö "bhlaanë bha‑ ‑bha dhebhɔ 'ka bha 'a‑ ‑zɔn i ‑dhɛ.»

‑Dhɛkpaɔ 15:1

'Yö n "yan ‑yö ‑da 'zü "dhabhliwɔn ‑ziisü 'ö‑ 'wɔn ‑yö mɛ kɔn ‑a ‑dhɛ 'gü dhang‑ 'gü. 'Yö 'a Atanna ‑bha "kië "saɔplɛ yö kö nëng "saɔplɛ ‑ya ‑nu ‑gɔ 'do 'do 'ka. Nëng ‑totaamasü 'ö dho ‑ya "kpʋngtaadhɛ "dhiʋ̈ kö ‑yö kë Atanna ‑bha ‑mawɔnsiödhe "dhiʋ̈todhɛ 'ka bha ꞊në gun bha.

‑Dhɛkpaɔ 21:15

Atanna ‑bha "kië 'ö gun dhiang zë sië n ‑dhɛ "dhʋ̈ bha pë ‑dan 'ka pë do, 'ö "sënng 'ka, "kɛɛ 'ö bhɔ ‑kaadhü ‑bha ‑yö ‑gun ‑kɔ "dhiʋ̈, kö ‑yö 'pö‑ bha‑ 'dhö, ‑a "dhi ‑nu bha‑ 'dhö, ‑a "saan bha‑ 'dhö, ‑a ‑nu dan‑ 'ka.

‑Dhɛkpaɔ 4:1

꞊Dhɛ 'ö 'wɔn 'dhɛ ‑nu bha ꞊wa bo kë ‑sü 'ka ꞊dhɛ ‑kɔ ‑nu bha‑ 'dhö, 'a dho "kan n ‑ta kö dhang‑ "dhi ꞊ya "pʋ, kö mɛ do 'ö gun dhiang zë sië n ‑dhɛ, 'ö‑ ‑wʋ ‑kë ꞊dhɛ "truu ‑wʋ 'dhö bha ‑ya pö sië n ‑dhɛ 'ö‑ pö: «‑Bhö ‑tɔn 'kun kö 'i nu yö kö 'wɔn 'dhɛ ‑nu 'wo dho kë ‑a 'dhɛ bha‑ zian‑ ‑ta bha 'a‑ ‑nu ‑zɔn i ‑dhɛ.»

Dhukö 24:32

꞊Dhɛ 'ö bo ‑dhidha 'sü ‑sü 'ka ‑a ‑nu ‑gɔ ꞊dhɛ ‑kɔ bha‑ 'dhö, 'yö 'wo zun‑ ‑pö wo 'ko ‑nu ‑dhɛ ‑sü ‑bha ꞊dhɛ: «Mɛ 'ö bha "tʋ̈ng 'ö gun Atanna ‑wʋ 'klɔɔ‑ pö sië‑ 'ka kwa ‑dhɛ zian ‑ta bha, kö kwa zuë" 'yaa 'dho sië "sia‑ ‑yɔɔndhö ꞊dhɛ 'pë ꞊wa böö‑ ‑sɛa ꞊në‑ ‑ya ‑ta ‑a 'dhö ‑ee?»

Dhukö 9:30

'Wo dho "kan wo ‑ta kö mɛ ꞊plɛ ‑wo dɔ sië‑ "sɔɔ mü kö ‑wo wo ‑gɔ dun sië. Atanna ‑wʋdhiʋ̈loomɛ ‑nu ꞊plɛ 'bha 'wo gun yi 'bha 'ka 'wo‑ mɛ do ‑dhɛ Moizö, 'wo‑ mɛ do ‑dhɛ Edhi bha.

‑Dhɛkpaɔ 1:1

'Sëëdhɛ 'dhɛ ya 'wɔn 'ö yöö kë ‑dhɛ 'bha ꞊kpaɔyi 'ka ꞊në Yesu Klisi ‑ya to "dhiʋ̈ 'yö‑ ‑zɔn Atanna ‑bha gwëëzë ‑nu ‑dhɛ 'yö 'wo‑ ‑bɛn zë‑ 'gü. Atanna ꞊në ö ‑wʋ kpɔ‑ ‑bha 'yö‑ pö ‑ya kë "dhʋ̈, 'yö Klisi ‑yö ö ‑bha "kië do bɔ kö ‑yö 'wɔn bha‑ ‑zɔn ‑a ‑bha gwëëmi 'dhɛ 'wo‑ Zan ‑kë bha‑ ‑dhɛ.

‑Dhɛkpaɔ 18:1

꞊Dhɛ 'ö ꞊ya kë "dhʋ̈, 'yö 'a Atanna ‑bha "kië "wɛɛ do yö kö ‑yö 'go sië dhang‑ 'gü 'ö ꞊lɔɔ, "kɛɛ kö Atanna ꞊yaa‑ gba 'gügbɩɩdhɛ ꞊dede 'ka, 'yö‑ 'bhü ‑yö ꞊mɔɔ "kpʋngtaadhɛ ꞊gban 'gü.

‑Dhɛkpaɔ 19:9

'Yö Atanna ‑bha "kië ‑ya pö n ‑dhɛ: «‑Bhö ‑a ‑bɛn zë kö 'i‑ pö mɛ "pɛpɛ 'ö Atanna ‑ya ‑nu ‑dhɛ ö ‑bha "bhlaanë bha‑ ‑bha dhe dɔ ‑dhɛ 'gü bha‑ ‑nu ‑dhɛ ‑a ‑nu ‑bha ‑së.» 'Yö ‑ya mü 'zü 'ö‑ pö: «‑Wʋ 'ö Atanna yöö ꞊dede 'ö‑ pö ꞊në bha, 'yaa ꞊sua 'ka.»