Tito 1:3 - Dibshon Mengi-kan Ni Pansigshan

³ Sajay ya inkari to, inpa‐amta to nonta inkayẃadsak ni esel to, ta nontan may koston timpo ni kaytosho to. Jet si‐kak i inpiyal ton en mengitosho nonta esel to. Sajay i inbilin nen Apo Shiyos son si‐kak, ta si‐katoy Mengisedakan.

Tito 1:3 Iomraidhean Croise

San Marcos 1:15

Jet kowan to ey, “Niman sota naypadton timpo! Shanshani ma sota naypadton pantoshayan nen Apo Shiyos! Isonga baliẃiyo sota ngaaw wa ẃared nemnem jo jet patiyo iya mapteng nga shamag ja naka pan‐itoro!”

San Marcos 13:10

Jet sota mapteng nga shamag maypangkep ni pantoshayan nen Apo Shiyos, maypedawag shi emin na ka‐ili‐ili asan kesabi may pantepos ni dobong.

San Marcos 16:15

Jet kowan to pay son si‐kara ey, “Daw kayo shi emin na sakop niya dobong jet jo ikowan so ni emin na totoo i mapteng nga shamag maypangkep son si‐kak.

San Lucas 1:47

tan naka man‐imdeng kabol son Apo Shiyos sa mengisedakan son si‐kak.

Inpaspasing 10:36

Amtayo met ey si‐kamin Hodiyos ja i‐Israel, si‐kamiy inbetkagan to so nen Jesucristo say to ikowan no ngarantoy dag‐en mi say kosto‐an shakami nen Apo Shiyos, jet si‐kato met laeng sota Apo ni toon emin, pati si‐kayon aliẃen Hodiyos.

Inpaspasing 17:26

Say edapo‐an ni emin na too, sakey bengat — sota pinalsowa nen Apo Shiyos, ja ebonat, jet si‐kara iya nayẃaris shi intiron dobong. Jet si Apo Shiyos i engigsheng ni pan‐iyanan sha tan timpora.

I-Roma 15:19

Inon‐an sha sota milagron dingdingkak, jet sajay, ineẃatan sha ey edapod panakabalin ni Ispirito Santo nen Apo Shiyos. Isonga inekad ko ira jay ya dogad, manshokid Jerusalem ingkatod Ilirikom, jet intorok ka emin shiman sota mapteng nga shamag pangkep so nen Cristo.

I-Roma 16:25

Niman, mayshedjaw koma si Apo Shiyos, ta si‐kato bengat i makabaal ja mengi‐kan ni kedsang jo shi pamati, jet say toka osala ja emengi‐kan ni kedsang jo, sota naka itoro ja kosto pangkep so nen Jesucristo. Istay ya enshiy maka‐amta so niyay ya sigod ja nemnem nen Apo Shiyos nonta bayag da, tep eg to inpa‐amta so ni angken sipen too.

I-Roma 16:26

Nem niman ma sotan na istay eg tayo amta, naypa‐amta ma son si‐katejo jet emankaitosho shi intiron dobong, say amta‐en sha, tan say si‐katoy onoren sha. Jet mika ibatay ni olay nodta insolat ni para padto nonta bayag da. Si Apo Shiyos ja ẃara ni olay ingkatod ingka, sajay i inbilin ton medeka.

I-Roma 5:6

Enshin polos ngo eshan i mebedin na dag‐en tayon kaysedakan tayo tep ebadeg i basol tayo. Nem idi simabi sota koston timpo, etey si Cristo shi koros para son si‐katejon totoo ja istay eg memati son Apo Shiyos.

1 I-Korinto 9:17

No sajay ket dingkak ja nandapo bengat shi nemnem ko, mebedin na ẃaray idastog ko. Nem aliẃen nemnem ko iyay, no diket si Apo Shiyos i emili son si‐kak, jet inpiyal to iyay ya obda son si‐kak.

I-Galasia 4:4

Nem idi simabi ma sota koston timpo, inbetkag nen Apo Shiyos ali sota Anak to. Jet sajay ya Anak to, in‐anak ni bii jet sinekopan nonta bilin ni Hodiyos manipod nonta inkay‐anak to.

I-Ipiso 1:10

tep sotan may koston timpo. Jet say plano tod nemnem to, emin sota ẃared dangit, tan saja ẃared ja dobong, manseksekey ira so nen Cristo.

I-Ipiso 2:17

Isonga si Cristo, dimaw ali son si‐katejon emin — aliẃen Hodiyos ja araẃi son Apo Shiyos, tan kasta met son si‐kamin Hodiyos ja sigod ja too to — say amta‐en tayoy maypangkep ni talna.

I-Pilipos 1:13

Jet say pilmiron mapteng nga nanbanagan to, inamta‐an ira nonta kowadja ni ari shima baley to, tan angken sota ira emin na ẃared ja badoran, jey say kabol la naybaloshan ko ket sota maypangkep ni pamatik so nen Cristo.

I-Kolosas 1:23

Nem mesepol la itoloy joy pamatiyo, karejo ibi‐jag; mesepol la edagshay pamatiyo. Jet mesepol pay ya eg jo itolok ka maysi‐jan nodta esel nen Apo Shiyos ja naytoro son si‐kayo, ta sajay i kawad‐an ni namnama jo. Jet sajay ya esel nen Apo Shiyos, naykowan da shi emin na sakop ni dobong, jet si‐kak i sakey ja kaontolong ja mengikowan so.

I-Kolosas 1:6

Jet sota esel nen Apo Shiyos pangkep so nen Jesucristo, ja simabi son si‐kayo, si‐katoy emankaiweshis shi emin na dogad shiya dobong. Jet ẃaray nanbanagan to ni olay, ja inges to son si‐kayo, manshoki nonta pilmiron akew wa inamta‐an jo ey sota podnon kaasi, medepo son Apo Shiyos.

1 I-Tisalonika 2:4

Si Apo Shiyos, inapolbaran tokami et sota mapteng nga shamag pangkep so nen Jesus, inpiyal to son si‐kami, ey si‐kamiy mengikowan so ni totoo. Jet say mika pengitosho, eg mi i‐anam nodta kowan ni too ey piyan sha, no diket emay‐enam nodta piyan nen Apo Shiyos sa maytosho say man‐imdeng si Apo Shiyos, ta si‐kato bengat i maka‐amta ni ẃared nemnem mi.

1 Timoteo 1:1

Si‐kak si Pablo ja makasolat niyay et sajay ya solat ko, para son si‐kam Timoteo, ja naka ikarin anak ko shi pamati. Jet say shawat ko son Apo Shiyos, sapay koma ta sota kaasi, tolong, tan talna, ja edapo so nen Apo Shiyos ja Ametayo tan si Cristo Jesus ja Apo tayo, sotan i ma‐shoman koma son si‐kam. Itnengim iya ikowan ko son si‐kam, tep si‐kak i apostol nen Cristo Jesus, ta si‐katoy bilin nen Apo Shiyos ja engisedakan son si‐katejo, tan si‐katoy bilin nen Cristo Jesus ja kawad‐an ni namnama tayo.

1 Timoteo 2:3

Sajay i mapteng nga koston ka‐aporbalin Apo Shiyos. Si Apo Shiyos, si‐katoy mengisedakan son si‐katejo,

1 Timoteo 4:10

Sajay i kabol la tayoka ikalkalikatin mengitosho ni eshiyosan na nemnem, ta si Apo Shiyos i tayoka panshindi ja sibibiyag. Si‐katoy mengisedakan ni emin na too, agdalo sota ira emati son Jesucristo.

2 Timoteo 4:17

Nem eg towak met laeng binaybay‐an nen Apo Jesus nonta indekjas sha‐ak so nonta eshom, no diket tinodongan towak, jet in‐aknan towak pay ni kedsang ko ja mengipedawag ni maypangkep son si‐kato, say itenengan nonta ira totoo ja aliẃen Hodiyos. Sota ira makakontra son si‐kak ket istay piyan shen bono‐en sha‐ak, nem insalakan towak nen Apo Shiyos.

Tito 2:10

Eg sha pengibotan komay apo sha, no diket ipa‐sas sha et koma ey ireka emepiyal ni olay. Jet no sajay i pesing sha, ma‐eẃis i eshom so nontan na toron pangkep son Apo Shiyos ja engisedakan son si‐katejo.

Tito 2:13

Sajay komay ẃaren ogadi tayo niman na tayoka pansessesked nonta akew wa idaw ali mowan nonta Kangeto‐an na Shiyos tayo ja si Jesucristo. Enshiy kay‐ingesan nonta idaw to mowan ali jet man‐imdeng kiton emin tep metongpal la emin sota namnama tayo. Si‐katoy engisedakan son si‐katejo,

Inpa-Amta Nen Jesucristo 14:16

Jet siya, sota timongaw shima kolpot, inkompay to sota kompay to shiya dobong jet sota inpangepit to niya dobong, enaksheng ma.