Tito 1:1 - Dibshon Mengi-kan Ni Pansigshan

¹ Si‐kak si Pablo ja makasolat niyay. Si Apo Shiyos i mismon engibetkag son si‐kak ja mansilbi son si‐kato, jet mismon si Jesucristo i enotok son si‐kak ja manbedin ni apostol to. Say kabol la eshotokan ko ket say si‐kak i menosho so nonta ira pinidi nen Apo Shiyos ja too to, say onkedsang i pamatira jet say amta‐en sha ngo sota podnon toro. Saja naka pan‐itoro, nay‐anam shi eshiyosan na biyag,

Tito 1:1 Iomraidhean Croise

San Lucas 18:7

Jet si Apo Shiyos, mas pay todongan toy too ton memasig ja mengshaw son si‐kato ni inakew tan dinadabi. Say kowan jo emo, eg to itenengan shagos aya i shawat jo?

Inpaspasing 13:48

Jet idi intenengan nonta ira toon aliẃen Hodiyos iyay ya inkowan nen Pablo, ireka eman‐imdeng, tan ireka emansedamat son Apo Shiyos ni maypangkep nonta esel to ja inkowan nen Pablo. Jet nontan, eshakel may emati ta si‐karay piyan nen Apo Shiyos ja i‐aknan to ni biyag ja enshiy to engintegan.

I-Roma 1:1

Si‐kak si Pablo ja makasolat niyay, ja mismon inbetkag nen Jesucristo ja mansilbi son si‐kato. Si‐kak, shinotokan towak nen Jesucristo ja manbedin ni apostol to, say nak mengitosho nonta mapteng nga shamag ja edapo son Apo Shiyos.

2 I-Korinto 1:1

Si‐kak si Pablo ja makasolat niyay et si Timoteo ja agi tayod pamati, si‐katoy kadẃak. Jet sajay ya solat, para son si‐kayon kait ko ja toon Apo Shiyos ja ẃared ta siyodad ni Korinto, tan shita intiron probinsiya ni Akaya. Itneng jo iya ikowan ko tep si‐kak i sakey ya apostol nen Cristo Jesus, jet si Apo Shiyos i mismon enotok son si‐kak.

I-Ipiso 2:8

Si Apo Shiyos, manangaasi, isonga insalakan shakejo maypangkep ni pamatiyo so nen Cristo. Aliẃen sobadit ni dingkayon mapteng i inkaysalakan jo, no diket dibshin in‐akan nen Apo Shiyos.

I-Pilipos 1:1

Si‐kak si Pablo, ja makasolat niyay et say kadẃak, si Timoteo. Si Cristo Jesus i mismon engibetkag son si‐kami ja mansilbi son si‐kato; isonga itnengi jon pasiya iya ikowan mi. Jet sajay ya solat, para son si‐kayon emin ja kait min too nen Jesus ja ẃared siyodad ni Pilipos, agdalo son si‐kayon pangolo ni ematid tan, tan son si‐kayon para tolong met laeng so nonta ira emati.

I-Kolosas 2:2

Ta say piyan ko, onkedsang i nemnem jo ja manseksekey ya meẃad‐an ni ebadeg ga semek so ni sakey tan sakey son si‐kayo. Jet piyan ko pay ya amta‐an joy maypangkep son Cristo, ta si‐katoy piyan nen Apo Shiyos ja ipa‐amta, say si‐katoy panshindan jon pasiya.

1 Timoteo 2:4

jet say piyan to, maysedakan ngon emin i too, tan piyan ton amta‐en sha i maypangkep ni podnon pamati.

1 Timoteo 3:16

Mapteng noman nga agpayso i pamati ja inpa‐amta nen Apo Shiyos son si‐katejo pangkep so nen Cristo Jesus, ta si Jesus nontan, nay‐anak shi too et tinongpal ton emin sota inpangitorong ni Ispirito Santo nen Apo Shiyos son si‐kato, jet inon‐an ira ni anghil. Jet niman, emankaitoron emin i maypangkep son si‐kato shi emin na sakop ni dobong, jet eshakel iray emati. Jet nay‐oli ja dimaw shi dangit ja kad‐an nen Apo Shiyos.

1 Timoteo 6:3

No ẃaray eshom ma toon apil i toro to, ja aliẃen inges to iyay ya mapteng nga toro ja edapo so nen Apo Jesucristo, ja eg mengitoshong ni eshiyosan na nemnem,

2 Timoteo 2:10

Agpayson naka mepedigat maypangkep ni naka pengitosho ni sajay ya esel nen Apo Shiyos, nem naka en‐enosi, say sota pinidi nen Apo Shiyos ja memati, eẃaten sha ngo sota kaysedakan ja ẃara so nen Cristo Jesus, say mayda‐kam ira did dangit ingkatod ingka.

2 Timoteo 2:23

Araẃi‐im sota dinedokon tabtabal ja enshiy silbi to, ta amtam met ey say pantongpalan niyay ket bakal.

2 Timoteo 2:25

ja amta to pay ja mekitbal ni mapteng so nonta eg makakoston mengitneng ni toka pan‐ikowan, ta balang nem itolok nen Apo Shiyos ja manbebawi sotan na too ni kasopngil to, jet amta‐en to ma i maypangkep nonta podno.

Santiago 1:1

Si‐kak si Santiago ja makasolat niyay, ja mismon inbetkag nen Apo Shiyos tan si Apo Jesucristo ja mansilbi son si‐kara, jet sajay ya solat ko, para son si‐kayon emin na too nen Apo Shiyos ja nayẃaris shiya intiron dobong. Sapay koma ta mapteng kayon emin.

2 San Pedro 1:3

Si Apo Shiyos, ta ebadeg i panakabalin to, in‐akan toy emin na kasapolan tayo say meẃad‐an kito ni eshiyosan na ogadi. Jet say inpasing to, inpalobos ton amta‐en tayo i maypangkep son Cristo ja emili son si‐katejo ja memati, say mayda‐kam kito shi shayaw to tan say ingesen tayoy ogadi to.

2 San Pedro 3:11

Niman ma, ta amtayo i mepesamak ali shiya dobong ja mepoolan na emin iya kompormi, mesepol la asen joy itsora jo, no say ẃara met laeng son si‐kayo ket sota mapteng nga itsora nen Apo Shiyos.

1 San Juan 2:23

Nem say nemnemen jo, sajay. No sipay too ja eg memati ey si Cristoy Anak nen Apo Shiyos, eg maybidang ey Ametos Apo Shiyos. Nem no sipay toon ememati ey si Jesus i Anak nen Apo Shiyos, si‐katoy maka‐ama so nen Apo Shiyos.

Inpa-Amta Nen Jesucristo 1:1

Saja naysolat shiyay ya dibsho, si‐katoy inpa‐amta nen Jesucristo maypangkep ni mepesamak alin shagos. Istay ya enshiy maka‐amta so, nem inpa‐amta nen Apo Shiyos iyay so nen Jesucristo, say ipa‐amta to ngo son si‐katejon emansilbi son si‐kato. Jet inbetkag to sota anghil to ja to ngo ipa‐amta ali son si‐kak ja emansilbi son si‐kato.