San Mateo 9:12 - Dibshon Mengi-kan Ni Pansigshan

^12-13 Nem idi intenengan nen Jesus iyay ja kowan sha, simongbat son si‐kara ja kowan to ey, “Ekak ali dimaw ja mengeẃis ni toon maronong, nem dimawak ali ja mengeẃis ira nonta toon eshakel i basol sha. Mebedin na may‐eshigak shi doktor. Eg bisita‐en ni doktor i enshiy sakit to, no diket sota ẃaray sakit to. Daw kayo et ashal jo no ngantoy olog niya esel nen Apo Shiyos ja naysolat nonta bayag da ja kowan to ey, ‘Ekak kostoy animal la maydeton son si‐kak, nem eg say piyan ko, kaasi‐an joy eshom ma too.’ ”

San Mateo 9:12 Iomraidhean Croise

San Mateo 18:11

Ta si‐kak ja naypadton Anak ni Too, say kabol la dinaẃan ko alid ja dobong ket nak ira isalakan sota imaraẃi son Apo Shiyos.

San Marcos 2:17

Nem idi intenengan nen Jesus iyay ya inkowan sha, simongbat son si‐kara ja kowan to ey, “Ekak ali dimaw ja mengeẃis ni toon maronong, nem dimawak ali ja mengeẃis ira nonta toon eshakel i basol sha. Mebedin na may‐eshigak shi doktor. Eg bisita‐en ni doktor i enshiy sakit to, no diket sota ira ẃaray sakit to.”

San Lucas 5:31

Nem idi intenengan nen Jesus iyay ya kowan sha, simongbat son si‐kara, ja kowan to ey, “Ekak ali dimaw ja mengeẃis ni toon maronong, nem dimawak ali ja mengeẃis ira nonta toon eshakel i basol sha, say manbebawi koma ira. Mebedin na may‐eshigak shi doktor. Eg bisita‐en ni doktor i enshiy sakit to, no diket sota ẃaray sakit to bengat i bisita‐en to.”

San Lucas 8:43

Nodta eshakel la toon imonod son Jesus, ẃara ngoy sakey ya biin naydaok ja nanshala ni sampolo tan showen tawen. Kinastos ton emin i kokowa to shi doktor, nem enshiy makabaal ja engagas niyay ya sakit to.

San Lucas 9:11

Nem idi inamta‐an nonta eshakel la too i tinoshong nen Jesus, inonod sha, jet si Jesus ineẃat to ira. Jet inkowan to son si‐kara i maypangkep ni pantoshayan nen Apo Shiyos, tan inpamapteng to sota ira emanpansekit.

I-Kolosas 4:14

Jet angken si Lucas pay ja doktor, ja ensemek tayon agi shi pamati, tan si Dimas, inkowan sha ngo ey pekikowan koy semek sha son si‐kayo.