San Mateo 9:11 - Dibshon Mengi-kan Ni Pansigshan

¹¹ Jet sota ira eshom ma Parisiyo, inon‐an sha iyay et kowan sha so nonta too nen Jesus ey, “Apay nga sama maistoro jo ket emekipengan so ira nima para singil ni bowis tan sama eshom ma toon enshiy kenshat sha, ja eshakel i basol sha?”

San Mateo 9:11 Iomraidhean Croise

San Mateo 11:19

Jet si‐kak niman na indaw ko di, enganak ni inges toy joka kena, tan enginomak, nem binedaw jowak met laeng, ja kowan jo ey, ‘Asas jo kari iman na too: makibel, ma‐inom ni adak, tan say kajem to pay, sota ira para singil ni bowis, tan angken pay sota ira eshom ma toon enshiy kenshat sha ja eshakel i basol sha.’ Sotan i kowan jo, nem sota ira emati son Juan, tan emati son si‐kak, si‐karay ka‐asan to ey say plano nen Apo Shiyos, podnon mapteng ni olay.” Kowan nen Jesus.

San Mateo 5:46

Mesepol la ensemek joy makakontra son si‐kayo, ta no bilang ey say ensemek jo bengat ket sota toon ensemek shakejo ngo, enshiy jo kon‐oren son Apo Shiyos. Ta sotan met laeng i kepesing ira nonta para singil ni bowis ja kowan jo ey enshiy kenshat sha.

San Mateo 9:10

Jet nontan, engan si Jesus tan sota too to shi baley nen Mateo, jet dinikoban ira nonta kait nen Mateo ja para singil ni bowis, tan sota eshom ma kowan ni Hodiyos ey enshiy kenshat shen too.

San Marcos 2:16

Nem sota eshom so nonta ira Parisiyo, ja mamaistoro met laeng ni dinteg, idi inon‐an sha ey emekipengan si Jesus so iren ja toon shaka ibilang ey enshiy kenkenshat sha, kowan sha so nonta ira too nen Jesus ey, “Ngantoy! Emekipengan ima apo jo so ira nima para singil ni bowis tan sama eshom ma toon enshiy kenshat sha, ja eshakel i basol sha!”

San Lucas 19:7

Nem emin ira sota toon engasas son Jesus ni indaw tod baley nen Sakio, ireka onẃanadegẃeg ja kowan sha ey, “Ngantoy daẃan tod man aya? Dimaw wa en memisita nima toon enshiy kenkenshat to!”

San Lucas 5:30

Nem sota ira eshom ma Parisiyo, tan sota mamaistoro ni dinteg ni Hodiyos ja kait sha, inriri sha so nonta ira too nen Jesus ey, “Apay nga kayoka emekipengan tan emeki‐inom so ira nima para singil ni bowis tan sama eshom ma toon enshiy kenshat sha, ja eshakel i basol sha?”

Inpaspasing 11:3

“Si‐kam Pedro, apay nga dimaw ka shi baley ni toon aliẃen Hodiyos, jet ekipengan ka pay son si‐kara?”

I-Galasia 2:15

Si‐kami, nay‐anak kamin Hodiyos, aliẃen inges mi ira sota toon aliẃen Hodiyos ja enshiy Shiyos sha.

Hodiyos 5:2

Jet sajay ya pari ni Hodiyos, mebedin ngon amta toy pesing ton mengaasi so nonta ira emanbesol ja eg etod‐an ni kosto, ta angken si‐kato ngo, eshakel i toka pankodangi.

2 San Juan 1:10

Niman, no ẃaray ondaw son si‐kayo ja apil i itoro to, ja aliẃen inges toy toron Cristo, karejo peskep shi baley jo, ono karejo sintilen.