San Mateo 9:1 - Dibshon Mengi-kan Ni Pansigshan

¹ Si Jesus, en nandogan nodta bangka et pati ira sota too to, jet dimaw ira shima siyodad ja ili to.

San Mateo 9:1 Iomraidhean Croise

San Mateo 4:13

Indekjas toy Nasarit et nan‐iyan shi siyodad ni Kapirnaom ja naykilig shi baybay, ja istay sakop ni Sabolon tan Niptali.

San Mateo 7:6

“Nem mesepol la asen jo nin i pengipiyalan jo so ni inbilin nen Apo Shiyos, ta aliẃen anam ni toon singa asoy ogadi to. No ipiyal jo son si‐kara sota inbilin nen Apo Shiyos, sekitan shakejo et bengat. Kasta met no ẃaray ensekig ga too ja singa keshel i itsora to, angken eg jo ngo ipiyal sota ebanol la maypangkep ni pantoshayan nen Apo Shiyos. Ta no sajay i pesing jo, singa joka pan‐i‐akan shi keshel sota ebanol la para alkos ni baro ni too. Jet sajay ya ebanol, kenshat ta damsisen mango ira nonta keshel iyay et pan‐ikatin sha bengat.

San Mateo 8:18

Idi inon‐an nen Jesus sota eshakel la toon nandikmot son si‐kato, inkowan to so nonta too to ey, “Eti, ondaw kito shima piig ni baybay.”

San Mateo 8:23

Jet idi nandogan si Jesus nodta bangka, ja onda‐jat ma, nay‐olop met laeng sota too to.

San Marcos 5:21

Nandogan si Jesus shi bangka et bimaliw shima naymamang nga kilig ni baybay. Jet sota eshakel la too, esa‐nop ira son Jesus nodta kilig ni baybay ja nandisaagan to.

San Lucas 8:37

Jet emin ira sota i‐Girgasa, kowan sha son Jesus ey no mebedin koma, idekjas to ira, ta epaladoy takot sha. Isonga si Jesus, nandogan shi bangka ja onda‐jat ma.

San Lucas 8:40

Idi mimotok si Jesus nodta piig ni baybay, sota ira eshakel la totoo, ireka man‐imdeng ni inmotok to tep shaka ngo eshan sesseskera.

Inpa-Amta Nen Jesucristo 22:11

Nem niman, sota ira ngaaw i aramid sha, itoloy shen mandeka ni ngaaw. Jet sota edogit i aramid sha, itoloy shen mandeka ni edogit. Nem sota ira maronong, itoloy shen mandeka ni kinashonong et sota eshiyosan i nemnem sha, sotan ngoy itoloy shen dag‐en.” Kowan nonta anghil.