San Mateo 8:5 - Dibshon Mengi-kan Ni Pansigshan

^5-6 Idi emanmotok si Jesus shi Kapirnaom, en inaspol nonta kapitan ni solsharo ni Roma, jet kowan nontan ey, “Pangpangaasim apo, emansekit sota baga‐en ko. Eg makakeykey i bakdang to jet emandikat ta pasiya. Imed baley ko niman.”

San Mateo 8:5 Iomraidhean Croise

San Mateo 11:23

“Tan si‐kayo ngon tood Kapirnaom, kowan jo ey ingato jon shorog i bakdang jo ingkatod dangit, nem ayshi, eg mebedin! Maybeba kayod impiyarno. Ta no sota milagro ja edaga shita kad‐an jo ket istay edaga koma shi Sodoma nonta bayag da, sigoradon nanbebawi komay tood man. Jet sotan na dogad, istay ẃara koma niman ja eg pinilshi nen Apo Shiyos.

San Mateo 27:54

Sota kapitan ni solsharo, tan sota kait ton emanbantay son Jesus ja naykoros, dineknara sota jegjeg jet mismon inon‐an shay epasemak. Eta‐kot iren pasiya jet kowan sha ey, “Agpayso gayam ey sajay ya too ket anak ni Shiyos!”

San Mateo 4:13

Indekjas toy Nasarit et nan‐iyan shi siyodad ni Kapirnaom ja naykilig shi baybay, ja istay sakop ni Sabolon tan Niptali.

San Mateo 9:1

Si Jesus, en nandogan nodta bangka et pati ira sota too to, jet dimaw ira shima siyodad ja ili to.

San Marcos 15:39

Jet sota kapitan ni solsharo ja ẃara nodta naymamang ni kad‐an nen Jesus, idi inon‐an toy itsora ni inkatey nen Jesus, kowan to ey, “Agpayso gayam ey sajay ya too ket anak ni Shiyos!”

San Marcos 2:1

Idi edabas malay pigen akew, imoli si Jesus shi Kapirnaom. Jet shinemag ni eshakel la too ey ẃares Jesus shi baley to.

Inpaspasing 22:25

Nem idi shaka panbedora si Pablo, inkowan to so nonta solsharo ja nay‐esop son si‐kato ey, “Aliẃen nebeng nga jo ba‐ngaten i sepdat ni toon i‐Roma ja eg nin ebistigal no ẃaray basol to.”

Inpaspasing 23:17

Jet si Pablo, tineẃal to i sakey so nonta ira kapitan ni solsharo, jet inkowan to ey, “Ipangdoyo ka iya balodaki so ni apo jon solsharo, ta ẃaray ikowan to kono son si‐kato.”

Inpaspasing 23:23

Nontan ma, sota apo ni solsharo, tineẃal to sota showen kapitan to, jet kowan to son si‐kara ey, “Pansagana kayo ni showen dasos sa solsharo, tan piton polon solsharon mankebayo, tan showen dasos sa solsharo ja mengita‐jon ni kayang, tep itolod jos Pablo shi Sisaria so nen Gobinarol Felix ni oras ni alas nowibi ni kalebi‐an. Tan pangisagana kayo pay ni kabajo ja pankebayo‐an nen Pablo. Ta kapiditan na imotok jod man ja enshiy mengan‐ano son si‐kato.” Kowan nonta apo ni solsharo,

Inpaspasing 27:13

Jet nontan, inshogi ton eman‐a‐adoney i shagem ja edapod pesaw, jet kowan sha ma ey mebedin na itoloy sha sota planora. Isonga ninatnat sha di sota danshok ka emengipked ni barko, jet inonod sha sota kilig ni Crete.

Inpaspasing 27:31

Nem si Pablo, say kowan to so nonta kapitan ni solsharo, tan sota ira solsharo to met laeng, kowan to ey, “No onbetik ira ja obrantis niya barko, eg kayo mebiyag.”

Inpaspasing 27:43

Nem sota kapitan ni solsharo, piyan ton mebay‐an si Pablo; isonga inkowan to ey, “Enshi, karejo dag‐en itan!” Jet say inpasing to, inkowan to ey emin ira sota amtaren mannengoy, mepangdo iren onnangoy da nodta kamag‐an.

Inpaspasing 9:38

Saja ilin Jopa, nay‐esop shima Lida; isonga idi inamta‐an ira nonta emati ey ẃares Pedrod man, engibetkag ira ni showen daki ja en mengikowan son Pedro ey pangpangaasi to koma, kano‐an ton ondaw ali shi Jopa.