San Mateo 8:4 - Dibshon Mengi-kan Ni Pansigshan

⁴ Jet si Jesus, binidin to sotan na too ja kowan to ey, “Karam ikokowan iyay so ni eshom, no diket pandiritso ka et ja ondaw shima pari. Ipa‐sas mo ita bakdang mo son si‐kato, ja mimapteng ma. Jet pangidaton ka nonta kowan nen Moises shi dinteg ey maydeton son Apo Shiyos, say amta‐en ni karakdan ey si‐kam, enshi may bayang mo.” Kowan nen Jesus.

San Mateo 8:4 Iomraidhean Croise

San Mateo 10:18

Jet ikoyod shakejo pay shi sango‐an nonta ira gobinarol, tan sango‐an nonta ira ari, ta too takejo. Jet sotan i ẃaya jon mengiringan na mengikowan son si‐kara ni maypangkep son si‐kak. Tan angken sota ira aliẃen Hodiyos, ẃaray ẃaya jon mengikowan son si‐kara.

San Mateo 16:20

Jet binidin to ira sota too to ey angken sipa, eg sha ikokowan ey si‐kato sota naypadto nonta bayag da ey ibetkag ali nen Apo Shiyos ja mengisedakan.

San Mateo 17:9

Jet idi ireka manshedong ja edapo nodta shontog, si Jesus binidin to ira sotan na too to ey eg sha ikokowan so ni eshom, ja angken sipa, sota inon‐an sha nonta ẃara ired ma shontog. Jet inkowan to ey asan shaka ikowan iyay nem man‐ongal ma ali sota kowan sha ey Anak ni Too.

San Mateo 3:15

Nem si Jesus, simongbat ja kowan to ey, “Eti, dagam et niman. Bonjagimak ma. Mapteng i itongpal ta so ni bilin nen Apo Shiyos maypangkep niyay.” Jet si Juan, timolok.

San Mateo 5:17

“Aliẃen jo ipangkep koma ey dimawak ali ja en mena‐dat nonta dinteg ja para son si‐katejo, ja in‐awat nen Moises nonta bayag da, ono en mena‐dat nonta inkowan ira nonta para padto met laeng nontan da, no diket dimawak ali say amta‐an joy koston olog nonta inkowan sha nontan da.

San Mateo 6:1

“Eg mesepol la ipa‐sas joy mapteng nga aramid jod karakdan, ja kowan jo ey say i‐etek shakejo nonta mengesas son si‐kayo. No sotan i pesing jo, enshiy jo kon‐oren ja i‐akan ali nen Apo Shiyos ja Amejo shi dangit.

San Mateo 9:30

Jet nontan, nan‐asas ma ira. Jet binidin ira nen Jesus ja pasiya, ja kowan to ey, “Eg jo pa‐am‐amta iyay shi eshom.”

San Marcos 13:9

“Pantanshaan kayo, ta ẃaray eshom ma totoo ja mengidaw son si‐kayo shi oskaro. Tan angken shima sa‐nopan sha, sepsepdaten shakejod man pay. Jet ikoyod shakejo pay shi sango‐an nonta ira gobinarol, tan sango‐an nonta ira ari, ta too takejo. Jet sotan i ẃaya jon mengiringan na mengikowan son si‐kara ni maypangkep son si‐kak.

San Marcos 3:12

Nem binidin to iren pasiya ey eg sha ikokowan i maypangkep son si‐kato so ni angken sipa.

San Marcos 5:43

Nem kowan nen Jesus son si‐kara ey, “Karejo ikokowan shi eshom iyay ya epasemak niman. Akniyo et mango iya anak jo ni kenen to.”

San Marcos 6:11

Nem no sota dogad ja motoken jo ket eg shakejo eẃaten, ono eg sha pati‐en i itoro jo son si‐kara, sota depok ja naypeket shi sediyo, pokpok jo nin asan joka ilekjas sotan na dogad. Ta si‐katoy pengamta‐an sha so ey enshi may bibiyang jo son si‐kara.” Kowan nen Jesus so nonta ira apostol to.

San Marcos 7:36

Jet kowan ma nen Jesus so nonta ira totoo ey, “Karejo ikokowan iyay so ni angken sipa.” Nem angken intalengteng nen Jesus i bilin son si‐kara, ey eg sha pa‐amta shi eshom, mas pay et ja inshamashamag sha sota kaskasshaaw wa dingka to.

San Marcos 8:30

Jet si Jesus, binidin to iren pasiya ey eg sha ikokowan ni angken sipa ey si‐kato sota naypadto nonta bayag da ja mengisedakan.

San Marcos 9:9

Jet idi ireka manshedong ja edapo nodta shontog, binidin nen Jesus ira sotan na tedon too to ey eg sha ikokowan so ni eshom, ja angken sipa, sota inon‐an sha nonta ẃara ired ma shontog. Jet inkowan to ey asan shaka ikowan iyay nem man‐ongal ma ali sota kowan sha ey Anak ni Too.

San Lucas 17:14

Inon‐an nen Jesus ira et kowan to ey, “Daw kayo, jo pa‐sas i bakdang jo so nonta pari.” Jet nonta ẃara pay laeng ired shalan ja ireka emandaw shi kad‐an ni pari, na‐omas ma sota bayang sha.

San Lucas 21:13

Sotan i ẃaya jon mengiringan na mengikowan son si‐kara ni maypangkep son si‐kak.

San Lucas 4:41

Angken sota ira dimonyon pimeket shi totoo, bimetik ira, ja kaonkaneljaw, ja kowan sha ey, “Si‐kam sota Anak nen Apo Shiyos!” Nem si Jesus, sinelkag to ira tep amtara ey si‐kato sota inkari nen Apo Shiyos nonta bayag da ja inbetkag to di.

San Lucas 5:14

Jet si Jesus, binidin to sotan na too, ja kowan to ey, “Karam ikokowan iyay so ni eshom, no diket pandiritso ka et ja ondaw shima pari. Ipa‐sas mo ita bakdang mo son si‐kato, ja mimapteng ma. Jet pangidaton ka nonta kowan nen Moises shi dinteg ey maydeton son Apo Shiyos, say amta‐en ni karakdan ey si‐kam, enshi may bayang mo.” Kowan nen Jesus son si‐kato.

San Lucas 8:56

Sota ama tan ina nonta nga‐nga, nasshaaw ira. Jet kowan nen Jesus son si‐kara ey, “Karejo ikokowan shi eshom iyay ya edaga niman.”

San Lucas 9:21

Jet si Jesus, binidin to iren pasiya ey eg sha ikokowan ni angken sipa i maypangkep nonta inkowan nen Pedro.

San Juan 5:41

Si‐kak, aliẃen sota shayaw ni tooy naka en‐enapa,

San Juan 7:18

Sota toon say toka pan‐itoro ket sota maypangkep met laeng ni bakdang to, say ẃared nemnem to bengat, sota kayshedjaw to shorog. Nem sota toon say ẃara son si‐kato ket sota kayshedjawan nen Apo Shiyos ja engibetkag son si‐kato, enshiy kolang ni toka ikowan; podnon emin.” Kowan nen Jesus.

San Juan 8:50

Si‐kak, aliẃa met kitdin sota pengiredjaw ni tooy naka kamkamkami. Nem si Apo Shiyos, si‐katoy kaonnemnemnem son si‐kak, jet si‐kato aliy mengigsheng ey maptengak.