San Mateo 8:2 - Dibshon Mengi-kan Ni Pansigshan

² Jet nontan, ẃaray toon dimaw ali son si‐kato ja ebayabayang i bakdang to. Sotan na too, nantalimokod shi sango‐an nen Jesus ja kowan to ey, “Apo, no piyan mo, pamapteng mo iya bakdang ko, say eg sha‐ak seskigen.”

San Mateo 8:2 Iomraidhean Croise

San Mateo 10:8

Jet angken sota ira emansekit nodtan, pamapteng jo ira, tan no ẃaray sebi‐en jon etey, panbiyag joy eshom. Pamapteng jo pay ira sota ebayabayang i bakdang sha. Sota ira toon eman‐engaw ja ẃaray dimonyon pimeket son si‐kara, pabtik jo son si‐kara sota dimonyon pimeket. Sajay ya panakabalin, ineẃat jon enshiy bayad to son si‐kak, isonga no i‐osal jod eshom ma too, eg kayo mengshaw ni bayad to.

San Mateo 13:58

Jet si Jesus, aliẃen eshakel i dingka tod man ja milagro, ta eg ira memati son si‐kato.

San Mateo 14:33

Jet nontan, sota ira too to nodta bangka, nantalimokod ira ja nanshayaw son si‐kato, jet kowan sha son si‐kato ey, “Agpayson si‐kam sota Anak nen Apo Shiyos!”

San Mateo 15:25

Nem sota bii dimaw et ali ja en nantalimokod shi sango‐an nen Jesus ja kowan to ey, “Apo, kaasi‐imak.”

San Mateo 18:26

Nem sota baga‐en, nantalimokod shi sango‐an nonta apo to, ja ekikaasi son si‐kato, ja kowan to ey, ‘Kaasi‐imak apo! Emin sota otang ko son si‐kam, bayshan ko.’

San Mateo 2:11

Simekep ira nodta baley et inon‐an sha sota san‐ina. Jet sota ira toon nankedaing ja edapod bedalan, nantalimokod ira ja nanshayaw son si‐kato. Jet inbo‐day sha sota inta‐jon sha ja nankebanol ja i‐akan sha so nonta nga‐nga, ja balitok, tan sota emanseng‐ew wa kowan sha ey insinso, tan mira.

San Mateo 20:20

Jet nontan, sota aseẃa nen Sibidi, dimaw ali so nen Jesus et pati sota showen anak to. En nantalimokod shi sango‐an nen Jesus, ta ẃaray ibaga to.

San Mateo 26:6

Jet nontan na akew, ẃares Jesus shi Bitania, shima baley nen Simon ja istay ebaybayang i bakdang to.

San Mateo 28:17

Jet idi inon‐an sha si Jesus nodtan, nantalimokod iren emin ja nanshayaw son si‐kato, nem sota eshom, ẃaray showashowa sha.

San Mateo 28:9

Idi nonta ẃara ired shalan, ebiglen nay‐aspol si Jesus son si‐kara jet kowan to ey, “Siya, talna i meẃesha son si‐kayo!” Jet sota ira bibii, nanshomog ira ja inegshi‐an sha sota sedi to, jet nanshayaw ira son si‐kato.

San Mateo 4:9

Jet si Satanas, kowan to pay so nen Jesus ey, “Emin ira jay, i‐akan ko son si‐kam no si‐kak i pantedimokoshan mo ja panshedjawan.”

San Mateo 8:1

Idi shimalong si Jesus nodta shontog, eshakel la pasiya ira sota toon imonod son si‐kato.

San Mateo 8:25

Sota ira too to, sha binengon si Jesus, ja kowan sha ey, “Apo! Isedakan jokami! Shanshani kiton metey!”

San Mateo 9:18

Idi maramen eman‐a‐sel pay laeng si Jesus, ẃara ngoy mimotok alin too ja pangolo ni Hodiyos. Nantalimokod shi sango‐an nen Jesus ja kowan to ey, “No mebedin, kay‐olop ka son si‐kak shi baley ko, ta sota anak kon bii ket ena‐bosan nonta ekay. Isonga pangaasim, mo isakpal i takday mo son si‐kato. No sajay i dag‐en mo, manbiyag mowan.”

San Lucas 4:27

Asan sakey pay, eshakel iray ebaybayang nga emin i bakdang to ja ẃara shi Israel nonta timpon Ilisio ja para padto, nem angken sakey son si‐kara, enshiy en na‐agasan. Nem say na‐agasan et ngo mowan, si Naaman bengat ja i‐Siria.” Kowan nen Jesus.

San Juan 9:38

Sota toon istay ekorab, simongbat ja kowan to ey, “Apo, naka memati son si‐kam.” Jet sotan ma ey nantalimokod ja nanshayaw son Jesus.

Inpaspasing 10:14

Nem si Pedro, simongbat ja kowan to ey, “Enshi Apo, ta eg mebedin ja menganak ni angken nganton kaibilang ni si‐kamin Hodiyos ey ensekig!”

Inpaspasing 10:25

Idi emanseskep si Pedro, en inaspol nen Cornelio jet nantalimokod shi sango‐an nen Pedro, ja nanshayaw son si‐kato.

1 I-Korinto 14:25

Jet maynemneman pangkep ni itsora to shorog. Jet mantedimokod ma ja manshedjaw son Apo Shiyos, jet ikowan to ma ey podno ja ẃara son si‐kayo si Apo Shiyos.

Inpa-Amta Nen Jesucristo 19:10

Jet si‐kak, nanshomogak shi sango‐an nonta anghil ja kowan ko ey manshedjawak koma son si‐kato, nem say kowan to, “Enshi! Kareka manshedjaw son si‐kak! Nan‐inges kita ja emansilbi son Apo Shiyos, ja inges to ira sota eshom ma a‐akim shi pamati ja etoled ja mengikowan ni maypangkep so nen Jesus shi dobong. Si Apo Shiyos i panshedjawan mo.” (Inkowan to iyay ta sota ira etoled ja mengikowan ni maypangkep son Jesus, inges sha ira sota para padto nonta bayag da ja emengikowan ni esel nen Apo Shiyos.)