San Mateo 8:16 - Dibshon Mengi-kan Ni Pansigshan

¹⁶ Idi mama‐shem mala, eshakel ira di sota eman‐engaw wa kawad‐an ni dimonyo, ja indaw ni kait sha son Jesus. Jet si Jesus, esel bengat i inosal ton engipabtik so nonta dimonyo so nontan iren too. Tan inpamapteng to pay ira sota emanpansekit.

San Mateo 8:16 Iomraidhean Croise

San Mateo 12:22

Waray toon ekorab tan eg maka‐esel pay ja nan‐inan ni dimonyo ja indaw sha son Jesus et inpamapteng to sotan na too et nan‐esel ma, tan nan‐asas.

San Mateo 14:14

Idi ondisaag si Jesus nodta bangka, inon‐an to ira sota eshakel la toon nay‐aspol et naysemekan na pasiya son si‐kara. Isonga sota ira emanpansekit son si‐kara, inpamapteng to ira.

San Mateo 8:15

Jet si Jesus, pinishat toy takday nonta emansekit jet na‐kal la shagos i sakit nonta bii. Jet nontan met laeng, bimangon na shagos et inkamakaman to ira.

San Mateo 8:33

Jet sota toon istay emanbantay ira niyay ya keshel, kinano‐an shen inshamag shi siyodad sota emin na epasemak, tan angken pay sota edaga so nonta showen istay kawad‐an ni dimonyo.

San Mateo 9:2

Jet nontan, ẃaray binangtal ali ni totoo jet sha in‐ilaw son Jesus. Sotan na toon in‐ilaw sha, eg makakeykey i bakdang to. Idi indasin nen Jesus ey ebadeg i pamatira, kowan to so nonta emansekit ey, “Pan‐imdeng ka kajem ko. Ta sota basol mo, epakaẃanan.”

San Marcos 2:3

Idi maramen toka pan‐itoro son si‐kara sota mapteng nga shamag, binangtal ngo di ni epat ta too i sakey ya toon eg makakeykey i bakdang to, ja idaw sha ali son Jesus.

San Marcos 9:25

Idi inon‐an nen Jesus ja emankai‐sop sota eshakel la totoo son si‐kato, sinelkag to sota dimonyo, ja kowan to ey, “Si‐kam ma dimonyo ja kabol la eg pantetnengan tan eg pan‐a‐selan niya nga‐nga, ikowan ko son si‐kam, betik ked ta nga‐nga, jet kareka ma on‐oli‐oli son si‐kato!”

San Lucas 13:12

Idi inon‐an nen Jesus iyay ya bii, tineẃal to ja kowan to ey, “Niman, ma‐kal ma sota sakit mo.”

San Lucas 4:40

Idi mama‐shem mala, emin ira sota ẃaray kajem to ja emansekit ni ekalkalasin sakit, indaw sha ira son Jesus. Insakpal nen Jesus i takday to so ni sakey tan sakey son si‐kara et mimapteng iren emin.

San Lucas 4:41

Angken sota ira dimonyon pimeket shi totoo, bimetik ira, ja kaonkaneljaw, ja kowan sha ey, “Si‐kam sota Anak nen Apo Shiyos!” Nem si Jesus, sinelkag to ira tep amtara ey si‐kato sota inkari nen Apo Shiyos nonta bayag da ja inbetkag to di.

Inpaspasing 5:15

Jet sota ira emanpansekit, in‐ilaw sha ali ira nodta kalsara ja imonong ira nodta shinokolan sha, jet kowan sha ey no ondabas alis Pedro, balang nem dabsan ni adirong to ira, say ma‐kal i sakit sha.