San Mateo 8:13 - Dibshon Mengi-kan Ni Pansigshan

¹³ Jet si Jesus, kowan to so nonta kapitan ni solsharo ey, “Eti akad ka, medeka sota kowan mo ta emati ka.” Jet sota baga‐en nonta kapitan, mimapteng nga shagos nonta mismon inkowan nen Jesus iyay.

San Mateo 8:13 Iomraidhean Croise

San Mateo 15:28

Simongbat si Jesus so nonta bii ja kowan to ey, “Agpayson ebadeg i pamatim! Isonga sota shawat mo, medeka.” Jet nontan met laeng, sota anak nontan na bii, mimapteng nga shagos, ja bimetik sota dimonyo son si‐kato.

San Mateo 17:20

Simongbat si Jesus ja kowan to son si‐kara ey, “Ekolang eshan i pamatiyo. Agpayso iya ikowan ko son si‐kayo. No ẃara koma i pamatiyo ja angken ootilik, ja inges toy kaba‐deg nonta botil nonta mola ja kowan sha ey mostasa, mebedin na ikowan jo so nima shontog ey on‐etan shi apil la dogad jet ma‐tan nga agpayso. Jet no inges nontan i pamatiyo, enshiy jo ikowan ey edigat son si‐kayo.

San Mateo 8:4

Jet si Jesus, binidin to sotan na too ja kowan to ey, “Karam ikokowan iyay so ni eshom, no diket pandiritso ka et ja ondaw shima pari. Ipa‐sas mo ita bakdang mo son si‐kato, ja mimapteng ma. Jet pangidaton ka nonta kowan nen Moises shi dinteg ey maydeton son Apo Shiyos, say amta‐en ni karakdan ey si‐kam, enshi may bayang mo.” Kowan nen Jesus.

San Mateo 9:22

Jet si Jesus, nanposipos et idi inon‐an to sota bii, kowan to ey, “Anak ko, say minaptengan mo, sota pamatim son si‐kak.” Jet nontan sota bii, nay‐inshas ja mimapteng.

San Marcos 7:29

Simongbat si Jesus so nonta bii ja kowan to ey, “Kostoy songbat mo. Angken on‐akad ka ma niman, tep bimetik mala sota dimonyo ja pimeket nodta anak mo.”

San Marcos 9:23

Kowan nen Jesus ey, “Singa kowan mo ey ekak emo baalan? Sota toon ememati son Apo Shiyos, kabedinan ton emin i angken nganto.”

San Juan 4:50

Si Jesus, kowan to so nonta toray ey, “Akad ka, sota anak mo, onmapteng ma.” Sota toray, pinati to sota inkowan nen Jesus, jet dima‐jat ja on‐akad.