San Mateo 7:3 - Dibshon Mengi-kan Ni Pansigshan

³ Apay nga sota ootik ka naybosi shi mata ni kait mo i moka iningning, ey si‐kam ma mismo ket eg mo nemnemen ey ebadeg i naypadkal shi matam?

San Mateo 7:3 Iomraidhean Croise

San Mateo 7:4

Na‐alas ja mo ikowan so ni kait mo ey a‐kalen mo sota naybosi shi mateto, ey si‐kam ket ebadeg i naypadkal shi matam ma shorog.

San Mateo 7:5

Ngaaw ita moka pesing ja moka idibak i ngaaw wa nemnem mo! Ekal mo nin sota mismon naypadkal shi matam say kosto may pan‐esas mo, et say asen mo men pasiya ja a‐kalen sota naybosi shi mata ni kait mo.

San Lucas 18:11

Dimayat sota Parisiyo jet kowan to shorog shi bakdang to ni shawat to ey, ‘Salamat Apo Shiyos, tep aliẃen inges ko iya para singil ni bowis ja enshiy kenkenshat to. Salamat tep aliẃen mapidiwak, aliẃen malokdoko‐ak, aliẃen mabii‐ak, ja inges toy aramid ni eshom.

I-Roma 2:1

Say inkowan ko la, sajay. Sota toon ẃaray basol to, anam ton meshosa. No sota mengitneng niyay ket kowan to ey epalado noman i basol ni eshom, ja eg to ida‐kam i bakdang to, enshi met laeng i to idason son Apo Shiyos, ta singa bakdang to met laeng i toka panshoyshoya nontan na kowan to ey basol ni eshom. Ta iso met laeng ja nan‐inges i aramid shen ngaaw. Jet amta tayo ey sota showen toon nan‐inges i basol sha, nan‐inges met laeng nga shosa‐en nen Apo Shiyos iren showa, angken ngantoy katoora.

I-Galasia 6:1

Si‐kayon a‐akik shi pamati, no ẃaray toon na‐amta‐an ey ẃaray ngaaw wa aramid to, si‐kayo ja inshalan ni Ispirito Santo nen Apo Shiyos, i‐odiyo shi panmaptengan to. Nem mesepol la mapteng i pesing jon mengisingpet, karejo ida‐karan. No diket isekit joy sakey tan sakey son si‐kayo, say metongpal i bilin nen Cristo. Nem asas jo et mango i bakdang jo, ta baka angken si‐kayo, on‐onod kayon mandeka ni ngaaw.