San Mateo 6:12 - Dibshon Mengi-kan Ni Pansigshan

¹² Si‐kam i memekawan son si‐kami ni nanbasolan mi, ja inges toy mika pemekawan ni kait min too ja ẃaray nanbasolan sha son si‐kami.

San Mateo 6:12 Iomraidhean Croise

San Mateo 26:28

Ta sajay i shalak ja on‐ayos ja pansigshan ni eshakel la totoo. Ta sota ketey ko di, si‐katoy kepekawanan ni basol ni totoo, tan si‐katoy panshoki‐an nonta badon bilin nen Apo Shiyos so ni totoo.

San Mateo 9:2

Jet nontan, ẃaray binangtal ali ni totoo jet sha in‐ilaw son Jesus. Sotan na toon in‐ilaw sha, eg makakeykey i bakdang to. Idi indasin nen Jesus ey ebadeg i pamatira, kowan to so nonta emansekit ey, “Pan‐imdeng ka kajem ko. Ta sota basol mo, epakaẃanan.”

San Marcos 11:25

“Jet no maramen kayoka mansheẃat son Apo Shiyos, ey ẃaray nemnemen jon eg jo kosto ja inpasing ni eshom son si‐kayo, mesepol la pekawanan jo sotan na too, say si Apo Shiyos ja Amejo shi dangit, pekawanan to ngoy nanbasolan jo.

San Lucas 11:4

Si‐kam i memekawan son si‐kami ni nanbasolan mi, tep mika ngo pekawani sota ira nanbasol son si‐kami. Karam itolok koma ja manbesol kami, no diket si‐kam i mengiredan son si‐kami say eg kami manbesol.’ ”

San Lucas 13:4

Asan say sakey pay, ngantoy kowan jo nonta sampolo tan ẃalon edisgrasiya shi Siloam ja etedteshan ja etey? Kowan jo mowan ey si‐katoy ka‐asan to ey ebadeg i basol sha nem say sota eshom ma tood Jerusalem?

San Lucas 6:37

“Karejo nemnemen i nankamali‐an ni eshom ja si‐katoy pengikowanan jo ma ey ngaaw ira, say eg ngo ikowan nen Apo Shiyos ey ngaaw kayo.

Inpaspasing 13:38

Isonga si‐kayon kait ko, mesepol la amta‐an jo ey, say mebedin ja memekawan ni basol, si Jesucristo, jet si‐kato iya mika pan‐itoro son si‐kayo.

I-Ipiso 1:7

Say eẃaya‐an tayo, ono epakaẃanan ni basol tayo, kabol ni shala nen Jesus ja imayos shi koros nonta inkatey to. Sajay i inpasing nen Apo Shiyos son si‐katejo ta ebadeg i kaasi to.

I-Ipiso 4:32

Say mapteng koma ja dag‐en jo, sota pansigshan ni sakey tan sakey son si‐kayo, tan pankinaasi kayo, tan mesepol pay ya amtayon memekawan ni kait jo no ẃaray nanbasolan to son si‐kayo. Ta angken si Apo Shiyos, pinekawan shakejo ni basol jo, kabol ni inpamatiyo son Cristo.

I-Kolosas 3:13

Pan‐i‐inanos kayo, mesepol la esagana kayon memekawan ni eshom, no ẃaray eg jo pan‐i‐inawatan. Si Apo Jesus, pinekawanan shakejo, isonga mesepol ngon pekawanan jo sota nanbasol son si‐kayo.