San Mateo 6:10 - Dibshon Mengi-kan Ni Pansigshan

¹⁰ “ ‘Sota pantoshayan mo, pasebim koma ali, jet sota piyan mo, si‐katoy medeka shiya dobong, ja inges to ngod dangit.

San Mateo 6:10 Iomraidhean Croise

San Mateo 12:50

Tep say naka ikarin innak, tan a‐akik, sota ira mandeka ni piyan nen Amak ja ẃared dangit.”

San Mateo 16:28

“Agpayson ẃaray eshom son si‐kayod jay ja eg metey ingkatod asen sha sota kowan sha ey Anak ni Too ja isaad to sota pantoshayan to met laeng.” Kowan nen Jesus.

San Mateo 26:42

Jet nonta maykepinshowa, dimaw mowan na en nanshawat son Apo Shiyos et kowan to ey, “Ama, no kenshat ta ipalobos mon mandikatak, i‐onod ko sota piyan mon dag‐en ko!”

San Mateo 3:2

Say kowan to so nonta ira totoo ja dimaw nodtan, kowan to ey, “Baliẃiyo i ngaaw wa ẃared nemnem jo, ta sota pantoshayan nen Apo Shiyos ja naypadto nonta bayag da, shanshani ma.”

San Mateo 4:17

Jet manshoki ma nontan na timpo, nantoro ma si Jesus, ja kowan to ey, “Baliẃiyo i ngaaw wa ẃared nemnem jo, ta sota naypadton pantoshayan nen Apo Shiyos, shanshani may timpo to.”

San Mateo 7:21

“Isonga aliẃen emin na too ja mengeẃag ey apo towak ket mayda‐kam shi pantoshayan nen Apo Shiyos. Nem say mayda‐kam, sota mengonod ni piyan nen Amak ja ẃared dangit.

San Marcos 11:10

Iyay ali sota toon naypadto nonta bayag da ey mengibengon ni inpantoray nen Ari David ja apo tayo da! Bindisiyonan nen Apo Shiyos i pantoshay to di! Salamat son Apo Shiyos ja Kangeto‐an!”

San Marcos 3:35

Tep say naka ikarin innak tan a‐akik, sota ira mandeka ni piyan nen Apo Shiyos.”

San Lucas 19:11

Nonta ẃares Jesus shi Jiriko ja nay‐esop shi Jerusalem, kowan ira nonta karakdan na totoon emengitneng son si‐kato ey no onmotok si Jesus shi Jerusalem, mayshoki ma sota pantoshayan nen Apo Shiyos. Nem say kowan to son si‐kara, eg nin metongpal sota namnama sha. In‐arigan to ira, ja kowan to ey,

San Lucas 19:38

ja kowan sha ey, “Bindisiyonan koma nen Apo Shiyos iya arin inbetkag to di. Si‐katoy en ali mengi‐kan ni talna ja edapo son Apo Shiyos! Shayaw son Apo Shiyos ja Kangeto‐an!”

San Lucas 22:42

ja kowan to ey, “Ama, no mebedin koma, eg mo ipalobos iyay ya pandikat ko di. Nem say kowan ko, sota piyan mo, si‐katoy metongpal, aliẃen sota kostok.”

San Juan 4:34

Si Jesus kowan to son si‐kara ey, “Say singa naka kena, ja emengi‐kan ni kedsang ko, sota pandekak ni piyan nen Apo Shiyos ja engibetkag son si‐kak; sota obden inpiyal to son si‐kak i dag‐en ko ingkatod meksheng.

San Juan 6:40

Say piyan pay nen Amak, emin ira sota toon eẃatan toy maypangkep son si‐kak, jet memati, may‐aknan ira ni biyag ja enshiy to engintegan, tan panbiyag ko ira di shi ka‐onoran na akew.” Kowan nen Jesus.

San Juan 7:17

Jet sota toon piyan ton onoren i kowan nen Apo Shiyos, idasin to no sipay edapo‐an niyay ya naka pan‐ikowan — no nemnem ko, ono si Apo Shiyos i edapo‐an to.

Inpaspasing 13:22

Idi ingkal nen Apo Shiyos si Saulo, insa‐dat tos David ja mengitoshay son si‐kara ja ari sha. Jet inkowan nen Apo Shiyos ey, ‘Waray simpol kon too ja emepiyal la mandeka ni emin na piyan ko; si‐katoy naka kosto‐i. Jet si‐kato si David ja anak nen Jesse.’ Kowan nen Apo Shiyos.

Inpaspasing 21:14

Idi eg ma‐adok nonta inkowan mi la, inbi‐jag mi ma ja mengadok son si‐kato, jet anongosto ma ey inkowan mi son si‐kato ey, “Sota piyan nen Apo Jesus, si‐katoy metongpal.”

Inpaspasing 22:14

Jet kowan to ma son si‐kak ey, ‘Si Apo Shiyos ja inshayaw ni appo tayo da nontan, pinidi toka ja mengamta ni piyan to; isonga inon‐an mon mismo sota shinotokan to ja si Jesus, tan intenengan mo pay ya mismo i esel to.

I-Roma 12:2

Karejo on‐onoran i ngaaw wa aramid ni karakdan na tood ja dobong, no diket ipedobos jo koma ja si Apo Shiyos i onbaliw so ni nemnem jo say mannemnem kayo ma ni kosto. No sajay i pesing jo, amta‐en jo sota aramid ja toka kosto‐i. Jet sota piyan nen Apo Shiyos ja medeka, sotan i mapteng, sotan i enshiy kolang to, sotan i mengi‐kan ni pan‐imdengan to.

I-Ipiso 6:6

Aliẃen man‐edisto kayo bengat nem ẃara sota apo jo ja emanbantay son si‐kayo, say ikowan jo ey ikowan nonta apo jo ey ma‐obda kayo. Aliẃen sotan i pesing jo, no diket pansi‐met kayon man‐obda, jet say nemnemen jo, joka pandag‐a iyay pangkep so nen Cristo ta sotan i piyan nen Apo Shiyos.

I-Kolosas 1:13

tep istay ya intorayan shakito nen Satanas, nem niman, si Apo Shiyos, si‐katoy engi‐kan son si‐katejo ja itorayan nen Jesucristo ja Anak to. Si Cristo, si‐katoy ensemek nen Ameto,

I-Kolosas 1:9

Isonga nontan na akew wa intenengan mi so niyay, kanayon na kamika mansheẃat son Apo Shiyos ni pansigshan jo, jet say shawat mi para son si‐kayo, a‐shoman to pay koma sota amtayo maypangkep son si‐kato, say eẃatan jon pasiya no ngarantoy piyan ton dag‐en jo, ja may‐enam shi too to, tan si‐katoy mengi‐kan ni pan‐imdengan to.

1 I-Tisalonika 4:3

Say piyan nen Apo Shiyos maypangkep son si‐kayo, piyan ton maypilmi kayo son si‐kato, ja eg kayo ma manbesol. Isonga karekayo memii ono mekileki.

1 I-Tisalonika 5:18

Jet angken ngantoy mepesamak son si‐kayo, pan‐iyaman kayo, ta sajay i piyan nen Apo Shiyos ja dag‐en jo niman na ẃara kayo so nen Cristo Jesus.

Hodiyos 1:14

Ta say koston obda nonta ira anghil bengat ket si‐karay kaibetbetkag nen Apo Shiyos ja eg ma‐sas, ja para tolong so nonta ira totoon maysedakan ja mayda‐kam ali son Apo Shiyos.

Hodiyos 10:36

Mesepol ja man‐enos kayo, ta no meksheng nga dag‐en jo sota piyan nen Apo Shiyos, eẃaten jo ngo sota inkari to.

Hodiyos 10:7

Jet isonga say kowan ko, Apo Shiyos, si‐kak et ngoy ondaw ja ondaga nonta emin na piyan mo, ja inpa‐amtam ey onoren ni too nonta bayag da, ja inpaisolat mo.” Kowan to.

1 San Pedro 2:15

Say piyan nen Apo Shiyos, sota mapteng nga ogadiyo i pesalsheng so ni notnot ni eshom ma too ja makakontra son si‐katejon emati. Sajay iren too, enshi ngoy am‐amtara, nem shaka iba‐ba‐ngat i notnot.

1 San Pedro 4:2

Manipod niman ingkatod ketey jo, sota piyan nen Apo Shiyos komay dag‐en jo, aliẃen sota pipiyan ni bakdang jo bengat i jo tongtongpalen ono patpati‐en.

Inpa-Amta Nen Jesucristo 11:15

Jet sota maykepiton anghil, inpayanget to sota trompita to et ẃaray makedsang nga kiyaw shi dangit ja kowan sha ey, “Saksakey ma niman i mantoshay shi intiron dobong! Si Apo Shiyos, tan si Cristo ja shinotokan to i mantoshay ma ingkatod ingka ja enshiy to pengintegan!”

Inpa-Amta Nen Jesucristo 12:10

Jet ẃaray makedsang nga esel ja intenengan kon edapo alid dangit ja kowan to ey, “Niman mapteng ma, enshiy panshanagan, ta sota emengikokowan ni olay so nen Apo Shiyos ni ka‐akawan tan kalebi‐an ey ngaaw i kait tayon emati, eshagshag shi dangit! Jet niman ma si Apo Shiyos i matekal la toray et si Cristo ja shinotokan to, mantoshay ma!

Inpa-Amta Nen Jesucristo 19:6

Jet ẃara mowan i intenengan kon singa esel ni eshakel la totoo, ja singa bongog ni eshakel la shanom tan singa kedsang ni kirol i pigsa to, ja kowan sha ey, “Manshedjaw kito so nen Apo Shiyos! Si‐katoy Kangeto‐an et emantoshay ma!

Inpa-Amta Nen Jesucristo 20:4

Jet ẃara iray inon‐an kon tongawan, jet say timongaw nodtan, si‐karay epiyal ja mantoshay. Jet inon‐an ko pay i dinaẃa ira nonta ebono shi dobong maypangkep nonta inpangitoro sha nonta maypangkep son Jesus, tan sota inpangikowan sha nonta esel nen Apo Shiyos. Sajay ira sota eg nanshayaw so nonta Animal, ono eg nanshayaw so nonta kabakbakdang nonta Animal ja inemag. Tan sajay ira sota eg timolok ja memalka‐an i temok sha, ono takday sha nonta malka ni Animal. Nem angken ebono ira, nanbiyag met laeng ira jay et ekitoshay ira so nen Cristo ni sandibon tawen.