San Mateo 6:1 - Dibshon Mengi-kan Ni Pansigshan

¹ “Eg mesepol la ipa‐sas joy mapteng nga aramid jod karakdan, ja kowan jo ey say i‐etek shakejo nonta mengesas son si‐kayo. No sotan i pesing jo, enshiy jo kon‐oren ja i‐akan ali nen Apo Shiyos ja Amejo shi dangit.

San Mateo 6:1 Iomraidhean Croise

San Mateo 16:27

Epateg, ta no sakey alin timpo, emin sota aramid ni too, si‐kak met laeng i onsobadit son si‐kara. Agpayson si‐kak sota kowan nonta para padto nonta bayag da ey Anak ni Too, jet sota idaw ko ali mowan, say kasesaad ko, inges ko met laeng i kasesaad nen Apo Shiyos. Jet may‐odop ali sota anghil ko son si‐kak.

San Mateo 16:6

Jet si Jesus, kowan to son si‐kara ey, “Tanshaaniyo sota singa para debag ni tinapay ja ẃara so nonta Parisiyo tan Sadosiyo ta baka ma‐edinan kayo.”

San Mateo 23:13

“Nem kaasi kayo din mamaistoro ni dinteg, tan si‐kayon Parisiyo! Sinan maronong kayon too! Say keshosa‐an jo, si‐kayoy singa emengipeshit ni kait jon too ja mayda‐kam shi pantoshayan nen Apo Shiyos. Jet angken si‐kayon mismo, eg jo kosto. May‐eshig ey si‐kayoy mengilkeb ni sakepan ni pantoshayan nen Apo Shiyos so nonta ira makapiyan na onsekep koma.

San Mateo 23:5

Emin na shaka dagdag‐a, piyan shen asen ni totoo say i‐etek sha ira. Singa agpayson epateg i pamatira son Apo Shiyos, ta ẃaray shaka itaktakin ni olay ja papil la naysolatan ni esel nen Apo Shiyos, nem shaka peba‐deg say on‐an ni totoo. Tan shaka arti‐i i kajaran ni baro sha say ikowan ni too ey sota bilin nen Apo Shiyos noman i pipiyan sha.

San Mateo 25:40

Jet onsongbat sota ari ja kowan to ey, ‘Podno iya ikowan ko son si‐kayo. Sajay den inkowan ko, dingkayo so ira nonta kabeba‐an na kait ko, jet maybidang ey si‐kak i dingka‐an jo so nontan.’

San Mateo 5:16

Inges niyay koma ngoy pesing jon menidew ni nemnem ni too shiya dobong. Isonga eg jo sa‐dinan i silew jo, no diket ipa‐sas joy mapteng nga ogadiyo, say asen ni totoo. Jet say ishayaw sha si Apo Shiyos ja Amejo ja ẃared dangit.

San Mateo 5:46

Mesepol la ensemek joy makakontra son si‐kayo, ta no bilang ey say ensemek jo bengat ket sota toon ensemek shakejo ngo, enshiy jo kon‐oren son Apo Shiyos. Ta sotan met laeng i kepesing ira nonta para singil ni bowis ja kowan jo ey enshiy kenshat sha.

San Mateo 5:48

Mesepol la enshiy pankodangan ni ogadiyo ja inges toy ogadi nen Apo Shiyos ja Amejon ẃared dangit.

San Mateo 6:16

“Jet, no ibiyang jo nin ja eg mengan pangkep ni pamatiyo, eg mesepol la pa‐amtayo shi eshom ma too, ja inges toy kepesing ira nonta toon mengipa‐sas ni mapteng nga aramid sha say eg amta‐an ni karakdan ey ngaaw gayam i nemnem sha. Emedew shi dopara ey si‐kara, inbiyang sha nin i pangan sha maypangkep ni pamatira. Nem podno iya ikowan ko son si‐kayo. Sota ira toon sajay i itsora ni aramid sha, enshiy isobadit nen Apo Shiyos son si‐kara, ta singa ineẃat sha lay konkona sha nonta in‐etek ira ni totoo.

San Mateo 6:9

Isonga no mansheẃat kayo, inges niyay i pesing jo: “ ‘Si‐kam ma Amemi ja ẃared dangit, si‐kam koma i mayshedjaw ni olay.

San Marcos 8:15

Jet si Jesus, binidin to ira ja kowan to ey, “Tanshaaniyo sota singa para debag ni tinapay ja ẃara so nonta ira Parisiyo tan so nen Ari Hirodis.”

San Lucas 11:35

Isonga pantanshaan ka, ta no ma‐enshiy istay dawag ni nemnem mo, may‐eshig ey embolinget ngon emin i kawad‐an mo.

San Lucas 12:1

Nontan, shimakel la pasiyay totoon emay‐odo‐odop son Jesus, ja shaka pay pan‐ikatin i sedi ni eshom. Jet nontan, ẃaray inkowan nen Jesus, nem ẃa‐ẃa‐shen sota too to i toka pan‐ikowani so; kowan to ey, “Tanshaaniyo iray Parisiyo, tep singa mapteng ira nem o‐owap gayam i kamapteng sha. Baka ma‐edinan kayo ni ngaaw wa ogadira, ja singa inges toy para debag ni tinapay ja toka edinay kaydaokan to.

San Lucas 12:15

Jet intoloy ton ẃaray inkowan to so nonta totoon eshakel ey, “Pantanshaan kayo ta baka ẃaray pengamkam jo ni kompormi, ono apal jo ni kokowa ni eshom, ono ma‐isew kayo. Say biyag ni too, aliẃen shi kokowa toy toka pandepo‐i, no diket si Apo Shiyos i nanngel, angken ngantoy kabaknang to.”

San Lucas 16:15

Inkowan nen Jesus son si‐kara ey, “Si‐kayoy emengikokowan ey mapteng kayo et say i‐etek shakayo ni totoo. Nem si Apo Shiyos, amta toy ẃared nemnem jo, jet sota toon mengiredjaw ni bakdang to shorog, en‐oges nen Apo Shiyos ja ishemshemang.

San Juan 12:43

Eg sha ipa‐sas ey ireka memati tep say pipiyan sha, sota kosto‐an so ni too son si‐kara, ey aliẃa et ta sota kosto‐an so nen Apo Shiyos son si‐kara.

San Juan 5:44

Isonga eg kayo emati son si‐kak, ta say pipiyan jo, sota shayaw ni kait jon too, ey aliẃa et ta sota kosto‐an shakejo so nen Apo Shiyos, ja istay topogen jo komen panshedjawan.

Inpaspasing 3:12

Jet idi asen nen Pedro ey eshakel aliy totoon emankesa‐nop ali son si‐kara, kowan to so nonta totoo ey, “Si‐kayon kait kon Hodiyos, apay nga kayoka messhaaw niyay ya banag? Apay nga jokamika iningning? Karejo ipangkep ey ẃaray panakabalin mi, ono eshiyosan kami, ja si‐katoy kabol la nan‐akashan niyay ya too.

I-Galasia 6:12

Sota ira toon ememidit son si‐kayo ja on‐onod shi ogadi ni Hodiyos, say pangkep sha, kowan sha ey say ishayaw ni kait sha ira ni sajay ya inpasing shen ememidit son si‐kayo, tan say eg ira mayda‐kam nodta toon mepedigat kabol nonta inpamatira nonta inkatey nen Cristo shi koros.

Hodiyos 11:26

Jet nanda‐kam ni digat ja naykait so nonta ira kait ton too nen Apo Shiyos, ja inges toy tayoka panda‐kam ni digat niman pangkep son Cristo. Nem inbilang to ey epatpateg sota toka pandigdigat ey say sota emin na kameng shi Egypt, ta say ẃared nemnem to ni olay, sota maypangkep ni konkona to ja i‐akan ali nen Apo Shiyos shi ma‐onod ja timpo.

Hodiyos 2:1

Isonga mesepol la nemnemnemen tayon pasiya sota podnon toro ja intenengan tayo, ta baka et ey dibkan tayo jet nakol ni eshawi‐an tayo sota kekosto‐i nen Apo Shiyos.

Hodiyos 6:10

Waray namnama mi son si‐kayo, ta sigoradon si Apo Shiyos i ẃara son si‐kayo. Si Apo Shiyos, sota koskosto i toka pesing jet amta to sota maypangkep ni mapteng nga dingkayo ni intolong jo so ira nonta kait jon emati, pangkep ni semek jo son si‐kato. Sajay met laeng i joka dagdag‐a ingkato niman.

2 San Juan 1:8

Isonga mesepol la tanshaanan jo, say eg onkawas sota nandigatan tayo pangkep ni pamatiyo. Piyan kon eẃaten joy konkona ni nandigatan tayo.