San Mateo 5:7 - Dibshon Mengi-kan Ni Pansigshan

⁷ “Si‐kayon manangaasi, bindisiyonan shakejo nen Apo Shiyos, tep si‐katoy mismon mengaasi son si‐kayo.

San Mateo 5:7 Iomraidhean Croise

San Marcos 11:25

“Jet no maramen kayoka mansheẃat son Apo Shiyos, ey ẃaray nemnemen jon eg jo kosto ja inpasing ni eshom son si‐kayo, mesepol la pekawanan jo sotan na too, say si Apo Shiyos ja Amejo shi dangit, pekawanan to ngoy nanbasolan jo.

San Lucas 6:35

No ẃaray kowan to ey memodod son si‐kayo, pabodori jo ira, angken eg to i‐oli. Semek joy makakontra son si‐kayo, tan mapteng koma mangoy pesing jo son si‐kara. Ta no satan i pesing jo, joka pan‐ipa‐sas ey annak shakejo nen Apo Shiyos ja Kangeto‐an. Ebadeg i kon‐oren jon isobadit nen Apo Shiyos tep si Apo Shiyos, mapteng i toka pesing ni emin na too, angken sota eg man‐iyaman son si‐kato tan sota makedsel.

I-Roma 11:30

Nontan da, eg kayo emati son Apo Shiyos jet sota ngo ira Hodiyos, too to ira. Nem niman, kinaasi‐an shakejo et ngo mowan nen Apo Shiyos, tep sota ira Hodiyos, ja sigod ja too to, eg sha tongpalen niman i piyan nen Apo Shiyos.

1 I-Korinto 7:25

Niman sajay ya ikowan ko mowan pangkep ni enshiy aseẃa to, aliẃen na bilin iyay ya edapo son Apo Jesucristo, no diket edapo iyay shi nemnem ko. Nem mebedin na panshindan jo iya ikowan ko, ta amtayo met ey ebadeg i kaasi nen Apo Jesus son si‐kak.

2 I-Korinto 4:1

Si Apo Shiyos, kinaasi‐an tokami jet si‐katoy engipedaw son si‐kami ni sajay ya obda. Isonga eg kami medismaya.

I-Ipiso 4:32

Say mapteng koma ja dag‐en jo, sota pansigshan ni sakey tan sakey son si‐kayo, tan pankinaasi kayo, tan mesepol pay ya amtayon memekawan ni kait jo no ẃaray nanbasolan to son si‐kayo. Ta angken si Apo Shiyos, pinekawan shakejo ni basol jo, kabol ni inpamatiyo son Cristo.

I-Kolosas 3:12

Jet niman ma, tep too shakejo nen Apo Shiyos, ja ensemek to, mesepol la isa‐dat jo sota mapteng nga ogadi nodta sigod ja ngaaw, jet iyay i eshom: mesepol la ẃara son si‐kayo i kaasi, anos, tan penodong ni kait ta too; mesepol la eg jo ipilit i kostoyo.

1 Timoteo 1:13

Nonta pilmiro ja enshi pay laeng i pamatik son Apo Jesus, ngaaw i inkokowan ko pangkep son si‐kato, eshakel i pinedigat kon too to, tan binebaingan ko pay ira. Nem kinaasi‐an towak, ta ekak amta ey ngaaw sotan na dingdingkak.

1 Timoteo 1:16

Say kabol la kinaasi‐an towak so, jey angken na si‐kak i kabalkan i basol to, piyan nen Jesucristo ja ipa‐sas i ebadeg ga ka‐anos to, say ẃaray pengasan ira nonta toon memati ali son si‐kato ja meẃad‐an ni biyag ja enshiy to engintegan.

Hodiyos 4:16

Jet niman ma, eg kito koma ontakot ja mengshaw ni kaasi so nen Apo Shiyos ja toka i‐akan alid ma tinongawan to, say kaasi‐an shakito nonta nankolangan tayo, jet sotan na kaasi to, si‐katoy ontolong son si‐katejo ni timpon kasapolan.

Hodiyos 6:10

Waray namnama mi son si‐kayo, ta sigoradon si Apo Shiyos i ẃara son si‐kayo. Si Apo Shiyos, sota koskosto i toka pesing jet amta to sota maypangkep ni mapteng nga dingkayo ni intolong jo so ira nonta kait jon emati, pangkep ni semek jo son si‐kato. Sajay met laeng i joka dagdag‐a ingkato niman.

Santiago 2:13

Mesepol la ẃaray kaasiyo, tep sota toon enshiy kaasi to so ni kait to, eg ngo kaasi‐an nen Apo Shiyos. Nem sota toon amta ton mengaasi ni kait to, eg mesepol la panshanagan toy penosa ali nen Apo Shiyos.

Santiago 3:17

Nem no si Apo Shiyos i edapo‐an ni daing ni too, poro mapteng i ogadira. Si‐kara, eg sha ibalnay i kait shen mekibekal, jet amtaren mengibeba ni bakdang sha. Eg sha ipilit i kostora, amtaren mengaasi, jet ẃaray mapteng nga panbenagan ni aramid sha. Enshiy showashowa sha maypangkep ni pamatira son Apo Shiyos, jet shi poso sha, ẃaray nemnem shen ontolong.

1 San Pedro 2:10

Nonta epangdon timpo la, aliẃen too shakejo nen Apo Shiyos jet singa enshiy makatoo son si‐kayo; nem niman, too shakejo ma. Nontan da, eg jo amta ey si Apo Shiyos ket ebadeg gayam i kaasi to son si‐kayo, nem niman, mismon pineshasan joy kaasi nen Apo Shiyos son si‐kayo.