San Mateo 5:5 - Dibshon Mengi-kan Ni Pansigshan

⁵ “Si‐kayon ekombaba, bindisiyonan shakejo nen Apo Shiyos, tep si‐kayoy onkon‐od niya dobong.

San Mateo 5:5 Iomraidhean Croise

San Mateo 11:29

Si‐kak i mengitosho son si‐kayo et may‐eshig ey engka‐jas i kalken pa‐aksiw ko son si‐kayo, ja inam‐ay ya ma‐aksiw. Si‐kak, na‐anosak et no man‐ashal kayo son si‐kak, eg medikatan i nemnem jo.” Kowan nen Jesus.

San Mateo 21:5

“Ikowan mo so nonta ira tood Jerusalem ey eg ira koma ontakot tep sota ari sha, ondaw alin mengi‐kan ni talna. Isonga nankabajo ali shi kilaw ni donkey ja para obda.”

I-Roma 4:13

Sota inkari nen Apo Shiyos so nen Abraham nonta bayag da ey si‐kato tan sota poli to ali i ontawid so niya dobong, aliẃen na nay‐awat son si‐kato ja sobadit nonta inpangonod to so ni bilin nen Apo Shiyos ja nay‐awat so ni Hodiyos. No diket say kabol la inkari‐an to so, sota inpamati nen Abraham son si‐kato. Sotan i kinosto‐an son Apo Shiyos son si‐kato.

I-Galasia 5:23

amta ton memesinsiya ni eshom, tan amta ton tetngelen shorog i bakdang to. Sajay iren ogadi, emaytotop shi emin na bilin nen Apo Shiyos.

I-Ipiso 4:2

Isonga mesepol la eg kayo ontangsit, no diket mesepol la man‐i‐inanos kayo, ta si‐katoy ka‐asan to ey ẃaray semek jo so ni sakey tan sakey son si‐kayo.

I-Kolosas 3:12

Jet niman ma, tep too shakejo nen Apo Shiyos, ja ensemek to, mesepol la isa‐dat jo sota mapteng nga ogadi nodta sigod ja ngaaw, jet iyay i eshom: mesepol la ẃara son si‐kayo i kaasi, anos, tan penodong ni kait ta too; mesepol la eg jo ipilit i kostoyo.

1 Timoteo 6:11

Nem si‐kam Timoteo, ja too nen Apo Shiyos, araẃi‐im ma emin sota ngaaw wa ogadi ja inkowan ko la. Jet say nemnemen mo, sota kinashonong, sota eshiyosan na nemnem, sota pangkep ni pamati son Apo Jesus, sota semek mo ni totoo, sota pengitoded mo ni digat, tan sota kina‐anos mo.

2 Timoteo 2:25

ja amta to pay ja mekitbal ni mapteng so nonta eg makakoston mengitneng ni toka pan‐ikowan, ta balang nem itolok nen Apo Shiyos ja manbebawi sotan na too ni kasopngil to, jet amta‐en to ma i maypangkep nonta podno.

Tito 3:2

Ikowan mo ngo son si‐kara ey ngaaw i penomang ni eshom, tan aliẃen ira mekibekbekal; no diket say mapteng nga dag‐en sha koma, mankombaba ira, ja eg sha ipilit i kostora shi kompormin too.

Santiago 1:21

Isonga ibi‐jag jon emin sota sigod ja pipiyan jon dag‐en ja ensekig ja eg jo pay laeng binediwan. Sota esel nen Apo Shiyos ja dimamot shi poso jo komay nemnemnemen jo ni olay, tep sotan i mebedin na onbaal so ni kaysedakanan jo. Ekombaba kayo komen on‐awat so ni esel to.

Santiago 3:13

No ẃara son si‐kayo i kowan to ey edaing nga mengitosho, mesepol la mapteng i ogadi to, mesepol la ekombaba, tep sotan i ka‐amta‐an to ey podnon edaing.

1 San Pedro 3:15

Si Cristoy nemnemnemen jon ishayaw, jet itodok jo ta bakdang jon itorayan to. Mesepol la esagana kayo ni olay ja mengileẃag nodta toon mansedodsod no apay nga si‐kayon emati son Cristo, ẃara ni olay i ebadeg ga namnama jo. Nem dododop jon menongbat son si‐kara; karekayo mandastog.

1 San Pedro 3:4

No diket say epateg ga mesepol la ma‐sas son si‐kayo, sota mapteng nga nemnem ja agpayso, tan sota talna. Sajay ya itsora ni ogadi, si‐katoy on‐onong son si‐kayo ni olay, eg ma‐enshi, jet sajay i epateg son Apo Shiyos.