San Mateo 5:11 - Dibshon Mengi-kan Ni Pansigshan

¹¹ “Si Apo Shiyos, bindisiyonan shakejo no somangen shakejo ni kait jon too, ja kompormiy ikokowan sha, angken enshiy basol jo, ono bebaingan shakejo, ono pedigaten shakejo tep too takejo.

San Mateo 5:11 Iomraidhean Croise

San Mateo 10:18

Jet ikoyod shakejo pay shi sango‐an nonta ira gobinarol, tan sango‐an nonta ira ari, ta too takejo. Jet sotan i ẃaya jon mengiringan na mengikowan son si‐kara ni maypangkep son si‐kak. Tan angken sota ira aliẃen Hodiyos, ẃaray ẃaya jon mengikowan son si‐kara.

San Mateo 10:22

Jet angken si‐kayo, sota joka pemati son si‐kak, si‐katoy kabol la okesan shakejo so ni karakdan na too. Nem sota mengitoded ni angken nganton digat ja onsabi son si‐kato, si‐katoy maysedakan.

San Mateo 10:25

Sota man‐ashal, mepnek koma no ingesen to sota emengitosho son si‐kato; jet angken ngo sota baga‐en, mepnek ngo koma no ingesen to sota apo to. Say olog niyay, no si‐kak ka apo jo ket eg sha ibaingan, ja kowan sha ey apo sha‐ak ni dimonyo, mas pay ya ngaaw i ikokowan sha maypangkep son si‐kayon took.

San Mateo 10:39

Sota mengaẃan ni biyag to, mepokaw son si‐kato et ngo mowan. Nem sota mepokaw i biyag to maypangkep son si‐kak, odi‐en to met laeng sotan na biyag to ingkatod ingka.

San Mateo 19:29

Jet ikowan ko son si‐kayo, no sipay engilekjas ni baley to, a‐aki to, annak to, bo‐day to, ono sota maka‐anak son si‐kato, kabol ni inpamati to ni bilin ko, ebadbadeg ga pasiyay eẃaten to ja angken mansandasos, tan kon‐oren to pay i biyag ja enshiy to engintegan.

San Mateo 24:9

“Jet si‐kayo, i‐awat shakejo shi toray jet pedigaten shakejo asan shakejo bono‐a. Karakdan ni tood ka‐ili‐ili, okesen shakejo maypangkep ni joka pemati son si‐kak.

San Mateo 27:39

Sotan ngo ira toon emandebas ja man‐ekad nodtan, ngini‐ngi‐ngi‐an sha, tan inbi‐bi‐ẃisan sha pay,

San Marcos 13:13

Jet angken si‐kayo, sota joka pemati son si‐kak, si‐katoy kabol la okesan shakejo so ni karakdan na too. Nem sota mengitoded ni angken nganton digat ja onsabi son si‐kato, si‐katoy maysedakan.

San Marcos 13:9

“Pantanshaan kayo, ta ẃaray eshom ma totoo ja mengidaw son si‐kayo shi oskaro. Tan angken shima sa‐nopan sha, sepsepdaten shakejod man pay. Jet ikoyod shakejo pay shi sango‐an nonta ira gobinarol, tan sango‐an nonta ira ari, ta too takejo. Jet sotan i ẃaya jon mengiringan na mengikowan son si‐kara ni maypangkep son si‐kak.

San Marcos 8:35

Sota toon entapi toy biyag to ja kowan to ey ensikshal la metey maypangkep son si‐kak, si‐kato et ngo mowan i mepokaw i biyag to. Nem sota toon eg to kaẃanan i bakdang to maypangkep son si‐kak, ono sota mapteng nga shamag ja maypangkep son si‐kak, si‐kato et ngo mowan i i‐aknan nen Apo Shiyos ni biyag ja enshiy to engintegan.

San Lucas 21:12

“Nem pedigaten shakejo nin ni totoo. Seskelen shakejo et i‐ilaw shakejod baley ya kesa‐nopi ni Hodiyos jet bistigalen shakejod man, jet ibalod shakejo pay. Jet ikoyod shakejo pay shi sango‐an nonta ira ari, tan sango‐an nonta ira gobinarol, ta too takejo.

San Lucas 21:17

Sota joka pemati son si‐kak, si‐katoy kabol la okesan shakejo so ni karakdan na too.

San Lucas 6:22

Mebindisiyonan kayo no okesen shakejo ono eg sha ikarin kait shakejo, ono bebaingan shakejo, ono ikowan sha ey ngaaw kayo tep too takejo.

San Lucas 9:24

Sota toon entapi to i biyag to ja kowan to ey ensikshal la metey maypangkep son si‐kak, si‐kato et ngo mowan i mepokaw i biyag to. Nem sota toon eg to kaẃanan i bakdang to ni maypangkep son si‐kak ja angken metey ni toka pansilbi, si‐kato et ngo mowan i i‐aknan nen Apo Shiyos ni biyag ja enshiy to engintegan.

San Juan 15:21

Eshakel aliy digat ja dag‐en sha son si‐kayo pangkep ni pamatiyo son si‐kak, ta sota engibetkag son si‐kak, eg sha pati‐en.

San Juan 9:28

Sota ira Parisiyo, nan‐es‐esdan sha sota toon istay ekorab asan shaka ma ikowan ey, “Si‐kam a! Too toka! Nem si‐kami, too shakami nen Moises.

Inpaspasing 9:16

Jet niman, ipa‐sas ko ngo son si‐kato no kas‐ano i digat alin da‐kaman to ni pengikowan to ni maypangkep son si‐kak.” Kowan nen Apo Jesus.

I-Roma 8:36

Angken nonta bayag da, ẃara ngoy paras nonta too nen Apo Shiyos, ta say naysolat nonta bayag da, kowan to ey, “Inakew ja dilikaroy kasesaad mi ja singa patey i pantongpalan mi ta too jokami Apo Shiyos, jet say nemnem ni makakontra son si‐kami, kowan sha ey singa kalniro kami, ja angken nganton oras palti‐en shakami.” Kowan ni too nonta bayag da.

1 I-Korinto 4:10

Ta si‐kami, say kowan ni too, enshi konoy amta mi, tep say toro mi, sota maypangkep son Cristo. Nem si‐kayo, kowan sha ey dimaing kayo ma ni inpamatiyo son Cristo. Siya, ekapoy kami mango jet makedsang kayo! Eshayaw kayo, nem si‐kami, endedamsis sha.

I-Pilipos 1:29

jet eẃatan sha ey angken sota joka pandikat, ontolong si Apo Shiyos son si‐kayo, ja eg shakayo i‐oway. Ta aliẃen sota inpamatiyo son Cristo bengat i inpalobos nen Apo Shiyos son si‐kayo, no diket inpalobos to pay ja manda‐kam kayo ngo ni digat pangkep son si‐kato.

1 San Pedro 2:23

Angken pay nonta ngaaw i shaka ikokowan son si‐kato, enshiy ngaaw wa to insongbat. Idi indansara shi koros, eg to inta‐kot i keshosara di son Apo Shiyos. No diket kowan to ey maka‐amta ngos Apo Shiyos son si‐kato ta si Apo Shiyos, kostoy toka pengigsheng, jet amta to ey enshiy basol ton toka pan‐ikaro.

1 San Pedro 4:14

No ẃaray toon ngaaw i shaka ikokowan son si‐kayo maypangkep ni pamatiyo so nen Cristo, pan‐imdeng kayo, ta sajay i amta‐an jo so ey sota Ispirito Santo nen Apo Shiyos ja inbetkag to alid dangit, si‐katoy emengitoshong son si‐kayo.

Inpa-Amta Nen Jesucristo 2:3

Amtak ey joka en‐enosin pasiya i digat ja simabi son si‐kayo maypangkep ni inpamatiyo son si‐kak et eg jo intolok ka bi‐jagan sotan na pamatiyo.