San Mateo 5:1 - Dibshon Mengi-kan Ni Pansigshan

¹ Jet nontan, idi inon‐an nen Jesus ira sota eshakel la too, eniyed nodta shontog. Idi timongaw ja esagana men mantosho, nay‐eshom ali ira sota too to.

San Mateo 5:1 Iomraidhean Croise

San Mateo 13:2

Eshakel ngo i toon imonod ja sha binongolan si Jesus, jet kasoreng si Jesus ma ey man‐a‐tan nodta bangka ja ẃara nodta shanom, jet timongaw nodtan. Sota ira too, ẃara iren esalpag nodta kilig ni shanom.

San Mateo 15:29

Si Jesus, indekjas to mowan sotan na dogad, jet nanshalan shima kilig ni baybay shi Galilia, asan tomiyed shima shontog. Timongaw shiman ja mantosho,

San Mateo 4:25

Jet eshakel iray toon pasiya ja emay‐odo‐odop son Jesus: iman i edapod Galilia, Dikapolis, Jerusalem, Jodia, tan shima dogad ja baliw ni pa‐dok ka Jordan.

San Mateo 5:2

Jet inshogi ton nantoro son si‐kara ja kowan to ey:

San Marcos 3:13

Dimaw si Jesus shi shontog et sina‐nop to ali ira sota kinosto‐an to, jet dimaw ira son si‐kato,

San Marcos 3:20

Idi naksheng nga shinotokan nen Jesus ira sota sawal ni showen apostol to, imakad shi baley ya toka pan‐iyani nontan. Jet esa‐nop mowan i eshakel la totoo nodtan na kadnan sha jet nakol ni ayshiy ẃaya shi ira Jesus ja mengan.

San Marcos 4:1

Dimaw mowan si Jesus ja en nantoro shi kilig ni baybay et esa‐nop i eshakel la totoo son si‐kato. Kesoreng si Jesus ey man‐a‐tan nodta bangka ja ẃara nodta shanom. Timongaw si Jesus nodtan, ey sota ira too, ẃara iren esalpag nodta kilig ni shanom.

San Lucas 6:12

Nontan na timpo, dimaw si Jesus shi shontog ja en nanshawat ni sandabi son Apo Shiyos.

San Lucas 6:17

Si Jesus, shimalong ja nay‐olop so nonta apostol to et simalsheng ira nodta eshekdanan. Jet ẃara ngo ira nodtan i eshakel la too to, tan eshakel pay iray totoon edapod ili ni Jodia, Jerusalem, tan shi kilig ni baybay ja siyodad ja kowan sha ey Tira tan Sidon.

San Lucas 6:20

Jet si Jesus, insi‐ning to ira sota too ton eshakel et kowan to ey, “Si‐kayon nankebiteg, bindisiyonan shakejo nen Apo Shiyos, ta mayda‐kam kayod pantoshayan to!

San Lucas 9:28

Waray makadomingko ja edabas da ni inkowanan to so niyay, jet si Jesus, inodop tos Pedro, Juan, tan si Santiago, jet dimaw iren timiyed shi shontog ja en mansheẃat son Apo Shiyos.

San Juan 6:15

Si Jesus, amta toy ẃared nemnem ira niyay ya too, ey piditen shen si‐katoy panbedin shen ari sha; isonga si Jesus, indekjas to ira, jet dimaw ja abos to nodta nayda‐med den shontog.