San Mateo 4:7 - Dibshon Mengi-kan Ni Pansigshan

⁷ Simongbat si Jesus et kowan to ey, “Enshi, ta say kowan mowan ni naysolat nonta bayag da, ‘Karam pedpeshasen si Apo Shiyos, ja kowan mo ey ma‐sas ka no agpayso i kowan to.’ ”

San Mateo 4:7 Iomraidhean Croise

San Mateo 21:16

Jet kowan sha so nen Jesus ey, “Apay nga eg mo selkagen ira ma a‐anak? Apay eg mo aya itenengan ima kowan sha?” Sinongbatan ira nen Jesus ja kowan to ey, “Owen, intenengan ko. Nem apay eg jo aya binasa sota esel nen Apo Shiyos ja naysolat nonta bayag da? Kowan to met ey, ‘Sota ira a‐anak tan sota ira koyat, si‐kara et ngo mowan i podno i shaka panshedjaw!’ ”

San Mateo 21:42

Jet si Jesus, inbag‐an to ira, ja kowan to ey, “Jet eg jo amten mengi‐odog ngarod nonta esel nen Apo Shiyos ja naysolat nonta bayag da? Kowan to met ey, ‘Sota baton binedaw ira nonta para amag ni baley, ja kowan sha ey enshiy silbi to, si‐kato et ngo mowan gayam i epateg ga bato so ni emin. Si Apo Shiyos i makabaal niyay ya edaga jet kaskasshaaw i tayosoka pengidmang.’

San Mateo 4:10

Simongbat ngo si Jesus, ja kowan to ey, “Ki‐nan ked jay Satanas! Say kowan ni esel nen Apo Shiyos ja naysolat nonta bayag da, kowan to ey si‐kato bengat i panshedjawan mi tan pansilbi‐an mi.”

San Mateo 4:4

Nem si Jesus, simongbat ja kowan to ey, “Enshi, tep say naysolat nonta bayag da ja bilin nen Moises, kowan to ey, ‘Aliẃen na mekan ni abos i panbiyag ni too, no diket manbiyag ni sanseskey ja esel nen Apo Shiyos ja ikowan to.’ ”

San Lucas 4:12

Nem si Jesus, simongbat ja kowan to ey, “Enshi, ta say kowan mowan ni naysolat nonta bayag da, kowan to ey eg mi pedpeshasen si Apo Shiyos ja pengasan mi nem i‐agpayso to sota inkowan to.”

Inpaspasing 15:10

Jet niman, apay nga eg jo pati‐en iyay ya inpa‐sas nen Apo Shiyos son si‐katejo? Apay, say piyan jo, piditen jo ira sota toon aliẃen Hodiyos ja mengonod ni sigod ja bilin nen Moises nonta bayag da, angken eg sha kabaalan? Sota appo tayo da, tan angken si‐katejo ngo, eg tayo baalan na onoren na emin sota kowan ni bilin.

Inpaspasing 5:9

Jet kowan ma nen Pedro son si‐kato ey, “Ngantoy ninemneman jo so niyay? Apay nga nantolagan jon peshasen i Ispirito Santo nen Apo Shiyos no amta to, ono enshi, sota basol jon i‐emot jo? Asas mo ita bedoleki ja engibka son aseẃam; itan ira niman shita sakepan jet angken si‐kam, shaka ngo di en ibeka.”

1 I-Korinto 10:9

Isonga aliẃen na tayo damsisen si Apo Shiyos, ja onong toy dingka nonta eshom son si‐kara, ja kowan sha ey asen sha no ito‐to‐ẃa nen Apo Shiyos i penosa to son si‐kara. Sajay i basol sha, isonga si Apo Shiyos, inpalobos to ja angken shita‐an ni oleg ira ja metey.